Jool 2:32 - Wëël Jwøk

³² 'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Jool 2:32 Iomraidhean Croise

Wïlöölö 4:26

Ni ö Cëthi ni nyööte ki nyilaal ma dïcwøø ni cak nyeŋ gø ni Ënöc. Køør manøgø nø, jiy aput tägö ki man lamge nyeŋ Wuuö Jwøk.

Aydheea 10:22

Wui Icriel, këël na bëët jiyï ni kwäänge caala akwöny naama dwøŋ, mo nøk keerge moo dööŋ ni kwøw dëëtge beege noo duui. 'Ba ränynyö onø cïp piny, no onø ŋøl kiree na kare.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 11:16

Kanyøgø otïmö ni da jöö mo dwøŋ man ŋun jiyi moe ki yie moa no odööŋ ni kwøw ya Aciria, kaawat mana tïïe kiper jø Icriel kanya öge wøk ki Ijep.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Jeremaya 31:7

Kiper man beeye mana caan Wuuö Jwøki, ena köö, ni «Wärru ni yïthu met ni döötu ena maal kiper nyïïkwaac Jeekap, ni kwöŋŋu ki met ec kiperge, ge na karge dwøŋ dï wïth juurre, ni køpu pwøc maru ni kwayu Jwøk, nou köö, ni ‹Wuuö Jwøk, piem jiyï ma jø Icriel moa näk odööŋ ni kwøw.›

Jeremaya 33:3

ni ‹Cwøl aani, løøa løø jïrï, ni cara gïï mo døøŋŋø jïrï mo tietge ba løny joot jïrï, mo kuyï.›

Amøc 9:8

'Ba ennø, a na Wuuö Jwøk, nyeŋŋa ena bäät paac man wø tïïc raay, ni raanynya gø na bäre bäre bäät piny. 'Ba nyïïkwaac Jeekap ba raanynya bëët.» Beeye Wuuö Jwøk ni cäänö enø.

Obadiya 1:17

'Ba da jiy mo bøth mo dööŋ bäät Kïn Dhayan; 'ba Kïn Dhayan otïmö ni ena kur keere, ni ö jø dhi øt Jeekap ni lwørge gø na kurge.

Obadiya 1:21

'Ba jøøa piem jiy geno ci maal bäät Kïn Dhayan, nee po jø tuuŋ Icøø na en bäät kïte nee käärge. Ni ö buc nyeci ni tïme na mar Wuuö Jwøk.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Jøøn 10:16

'Ba jïra da dïëk møøk mo tøør ri pïïth man. 'Ba geni käla kälö thuwø, ni wïnyge dwøra. Køøre geno tïmö na pïïth aciel ki dïkwääy aciel.

Jøøn 4:22

Uuni, u lama gïn mo kuyu, 'ba waani, wa lama gïn mo ŋäcwa. Kiper pïëm man piem jiy ki gø ena baŋ jø Juuth.

Moa Tïïc Nyïïatwieli 15:17

Kiper nee jiy møga bëët nee Wuuö manyge, ki juurre bëët moa näk nyeŋŋa ocaa rege.

Moa Tïïc Nyïïatwieli 2:39

Kiper gïna buuk, buuga jïïu ki nyïïu ki jøøa kwörge bäyö bëët, këël jiy bëët moo cwøl Wuuö Jwøki na näk Jwøø baŋe.»

Wëëlö Mana Göör Pøølli Baŋ Jø Röm 11:26

Kanyøgø nø jø Icriel bëët opiem. Kaawat mana gööri, ni «Pïëmi oööi ki yi Dhayan, ni käl ataa wøk cwïny jic Jeekap.

Wëëlö Mana Göör Pøølli Baŋ Jø Röm 11:5

Kaawat manøgø thuwø, kawaane poot da jiy møøk mo odööŋ, mo ojier Jwøki ki met yie.

Wëëlö Mana Göör Pøølli Baŋ Jø Röm 11:7

?'Ba agïnaŋø nø? Icriel akääŋö ki gïna caye. Jøøa näk ojierø beege na joot gø, 'ba jø møga cwïnyge adøøc mo teek,

Wëëlö Mana Göör Pøølli Baŋ Jø Röm 9:24

Ni beeye øøni na cwøle, ni patha ø keerø na en røk jø Juuth, 'ba këël ki røk juurre thuwø.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

1 Körin 1:2

A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,