Jool 2:28 - Wëël Jwøk

²⁸ «'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Jool 2:28 Iomraidhean Croise

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Aydheea 32:15

këël kanyo ö Jwïëc Jwøki noo ööe ki maal noo ö bäätø, noo tïm dï paapi na pwödhö mo ŋöömme beer, ni ö pwödhö mo ŋöömme beer ni kadhe ni tïme kaamar lul mo oløth.

Aydheea 40:5

Køøre nø, ajiem mar Wuuö Jwøk onyooth, ni ö jiyi bëët ni putge gø raŋ ge bëët. Luummögø caana Wuuö Jwøki ki dhee kiree.»

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Jeremaya 23:25

«Aani, gïïa car nyïïkuk Jwøki mo wø køp luup tööt ki nyeŋŋa awïnynya ni ge köö, ni ‹Aana lägö, aana lägö.›

Jeremaya 23:28

Beerra man ö nyikuŋ Jwøki mana lägö ni caan gø ni beeye lääk mare keere, 'ba beerra man ö nyikuŋ Jwøki mano wïny luumma ni caan gø na kare. ?Aŋø, lethø pere wø leth kaamar beel?

Edhikiel 36:27

Aani, jwïëy 'moa kïtha dëëtu ni tïïa uuni nou cäädhu køør luup 'moa ni gwøgu ciik 'moa.

Edhikiel 37:14

Aani jwïëya okïtha dëëtu ni kwøwu, ni kïtha uuni yi ŋöömö maru. Kar kaace nø, ŋäyu ŋääö ni bee aani na Wuuö Jwøk na caan luummögø na tïïc gø.› Luummögø caana Wuuö Jwøki.»

Edhikiel 39:29

Aani täärnyïma ba kana këët ki geni, kiper jwïëya kønynya bäät jø dhi øt Icriel.› Luummögø caana Kwäärö Wuuö Jwøki.»

Daniel 7:1

Yi cwiir mana dïkwøŋ mana tïm Belthacörri ni ena nyeny Babiløn, Daniel alägö ki lääk ni jïte ki gïï mo onyoodhø jïre ki yi wïïe kanya bëëde ni ena bäät pëëm niine mare. Køøre eni lääk agöör piny, ni caan gø na ennø nø.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Kwään Jiy 11:17

Køøre aano ö piny ni cääna ki ïïni kaace, ni lwöta ri Jwïëc Jwøk na en bäätï ni kïtha gø bäätge; ni ö geni ni käärge jiy na aciel ki ïïni, ni ba käära ïïni keerï këët.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Luk 1:67

Ni ö wänni ma Dhekaraya ni päŋe ki Jwïëc Jwøk na en kur keere, ni caan luumma nyooth Jwøki jïre, ni kööe,

Luk 3:6

'ba jiy bëët pïëm mar Jwøk oneenge.› »

Jøøn 7:39

'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.

Moa Tïïc Nyïïatwieli 2:33

'Ba kawaane kiper na tïŋi maal ni wëëgi ajiem bäät cwïï Jwøk, ni wëëgi Jwïëc Jwøk na en kur keere na buuk Wuue jïre, gïn neennu en ni wïnynyu en awëëk ööny bäätwa.

Moa Tïïc Nyïïatwieli 2:39

Kiper gïna buuk, buuga jïïu ki nyïïu ki jøøa kwörge bäyö bëët, këël jiy bëët moo cwøl Wuuö Jwøki na näk Jwøø baŋe.»

Moa Tïïc Nyïïatwieli 21:9

'Ba jïre da nyïïe aŋween ma nyïïakuue mo poot kär nywømø, ni ge wø køpa gïï mo poot ena nyïm.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Ibaru 1:1

'Ba yïth nïne mo acääŋŋe cøøn Jwøk acäänö ki kwäyø ki dhøk nyïïkuk Jwøk, ki uutjïëthe mo thööth ma teeŋi.

1 Camiel 19:20

Køøre Cøøl ajäägö ki jiy kiper nee Deebit kälge baŋe; 'ba kanya cige, lwaa nyïïkuk Jwøk ajootge ni ge pwøya Jwøk, ni Camiel cuŋŋö na bwödhi marge. Ni put Jwïëc Jwøki ö bäätge ni pwøcge Jwøk thuwø.

1 Camiel 19:21

'Ba kanya caan luummögø jï Cøøl, Cøøl ajäägö ki jiy møøk, ni ö jøøgø ni cige ni cäŋge tïmö ni ge pwøya Jwøk. Køøre Cøøl acäŋ jäägö ki jiy ri dääge, ni ö jøøgø thuwø ni cige ni cäŋge tïmö ni ge pwøya Jwøk.

1 Camiel 28:6

Ni ö Cøølli ni pëëny Wuuö Jwøk; 'ba Wuuö Jwøk bäŋ gïn mo ee løø jï Cøøl ki ri lääk, wala ki ri Urim, wala ki dhøk nyïïkuk Jwøk.