Jool 2:27 - Wëël Jwøk

²⁷ Kanyøgø putu ka ŋäc naa ena dïïu, u jø Icriel, ni aana Wuuö Jwøk, Jwøk maru, ni bäŋ mør këët, ni u na jiya, wïthu ba lääy këët.

Jool 2:27 Iomraidhean Croise

Pwöc Leec Wïc 1:23

Doo na mo uuno jïëy ki juuk mara, ka adïëri møn, cwïnya daa käla wøk jïïu, ni daa acaare 'moa wëëk uuni.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 44:8

Käru bwøk ni ba lwäyu. ?Aŋø, kära caanø jïïu ni køba gø ki mana täge kany mo bäär cøøn? 'Ba uuni bee u na ŋäc tiet jammi 'moa ni wø caan gø! ?Aŋø, da jwøk mør këët ni näk mo paa aani? Ka adïëri møn, bäŋ Kïdi mør këët; bäŋ aciel mo ŋääa.»

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 45:5

Bee aani na Wuuö Jwøk, ni bäŋ Jwøk mør këët. Bäŋ Jwøk mør këët ni näk mo paa aani keera. Aani, ï mooa mooø ki teek, këël na bëëdï naa kuyï;

Aydheea 45:6

nee tïme ni løny ki man ö jiyi ni ŋäcge gø, ki mano täge ki jï løø kur tuul-cäŋ këël jï løø kur pänh-cäŋ, ni bäŋ Jwøk mør këët ni näk mo paa aani keera. Bee aani na Wuuö Jwøk ni bäŋ Jwøk mør këët.

Aydheea 46:9

Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 53:6

Øøni bëët, øøna tïmö kaamar rööm mo orwäänyö, ŋati man nø dëëtø ena gak ki waŋjööre keere. 'Ba Wuuö Jwøk raay 'moø bëët akïth bäät gø.

Edhikiel 37:6

Dëëtu cäŋa ka mooyø ki läär ki rïŋö, ni rïëba rïŋ dëëtu ki buyö, ni jwïëa bäätu nou cäŋu kwøw; køøre ŋäyu ŋääö ni bee aani na Wuuö Jwøk.› »

Edhikiel 39:22

'Ba ki mano täge ki dïcäŋeca këël yi nyïme, jø dhi øt Icriel oŋäcge ni bee aani na Wuuö Jwøk, Jwøk marge.

Edhikiel 39:28

Køøre nø, oputge ŋäc ni bee aani na Wuuö Jwøk, Jwøk marge, kiper gena wëëga mak ki tøŋ ni kïtha ge yïthakic wïth juurre, ni cäŋa ge duu yi ŋöömö marge, ni bäŋgø mo yaa wiiø rege.

Edhikiel 39:29

Aani täärnyïma ba kana këët ki geni, kiper jwïëya kønynya bäät jø dhi øt Icriel.› Luummögø caana Kwäärö Wuuö Jwøki.»

Jool 2:26

Køøre, uuni, u cämö ki cam mo päl, ni jäŋŋu, ni pwøyu nyeŋŋa, a na Wuuö Jwøk, Jwøk maru, a noo tïïc gïn mo rëëma ec jïïu. Køøre u na jiya, wïthu ba lääy këët na bäre bäre.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Jool 3:21

Aani kwör ajäl remø marge mana näk kära kwøŋ cool, coola coolø. Kiper beeye aani na Wuuö Jwøk ni wø bëëdö Dhayan.»

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Jepaniya 3:17

Wuuö Jwøk, Jwøk marï, nut buutï; ena ŋat leny mo teek man wø böödö. Eni yie omïnni ki ïïni ki met ec mo dwøŋ, ni wëëk ïïni nikïïl yi mëër mare; yie mïnnö bäätï ni kwöŋŋe ki met ec.»

Dhekaraya 2:9

Ka adïëri møn, cera puta ka tïŋ maal bäätge ni jääla ge, ni ö jøøa näk ege caarø ni twierge ge. Køøre nø, putge ka ŋäc ni bee Wuuö Jwøk, eni na wïth jammi bëët, na jääŋ aani.

Kwään Jiy 11:29

'Ba aløk Modhe jïre, na «?Aŋø ni tïme ni këëö ïïni na kara en? Kiper doo beer ki man ö jic Wuuö Jwøki bëët ni tïmge na nyïïkuk Jwøk, ni ö Wuuö Jwøki ni kïth jwïëye bäätge.»

Kwään Jiy 23:21

«Bäŋ gïï mo reyø mo ee joodø bäät nyïïkwaac Jeekap, ni bäŋ rääö mo ee joodø bäät jø Icriel. Wuuö Jwøk na näk Jwøge ena buutge, ni ge wø kwöŋŋö ni ge pwøya eni na näk nyenyge.

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Tiet Ciik 23:14

Kiper Wuuö Jwøk na näk Jwøu cäädhö dï twïër maru, nou kønye ceŋ nyïïmännu, ni bööt geni nyïmmu. Kiper manøgø nø, dï twïër maru doo bëëdö ni tøŋ, ni bäŋ gïn mo raac mo joode dïïu, kiper nee ree ba paanye buutu.

1 Piter 2:6

Kiper ogöörö yi wëël Jwøk, ni «Neennu, aani, a kïtha yi Dhayan ki kïdi, na näk mo ojierø na pere leth na näk kïn gøøt, 'ba ŋat wø jïëy ki eni ni ŋääth gø, wïïe ba doo lääö.»

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,