Jool 2:26 - Wëël Jwøk

²⁶ Køøre, uuni, u cämö ki cam mo päl, ni jäŋŋu, ni pwøyu nyeŋŋa, a na Wuuö Jwøk, Jwøk maru, a noo tïïc gïn mo rëëma ec jïïu. Køøre u na jiya, wïthu ba lääy këët na bäre bäre.

Jool 2:26 Iomraidhean Croise

Wïlöölö 33:11

Beerra man lwørï muuy mana käli jïrï, kiper Jwøk aana mooe ki køør met yie, ni jïra dagø mo thööth.» Ni ö eni ni cøk Icøø këël mana jïëe ni lwør gø.

Neemiya 9:25

Ni ö jiyï ni macge päänye moa näk ogeerø ni teek ki ŋöömma beer. Ni lwørge uudi mo yïthge päŋ ki jammi moa beyø, ka aguule mo okoonyø mo wø cuŋ pïïyi yïthge, ki pwöth omøki, ki jaath man wø nyïïe wel na maaw, ki jenni mo wø nyïïge cam, thööth jaak. Ni cämge ni jäŋge, ni lørge, ni bëëtge ni yïthge met ki jammi moa beyø na thööth na cïpï jïge.

Pwöc Leec Wïc 13:25

Ŋata mare beer caammi mo orømø wø dagø jïre, 'ba ŋata raac wø bëëdö no obup cooth.

Obeec Dudi 5:1

Wui! coka, ni bee ï dhaagø-thiinh mara, aana ö ya ajïniina mara, dwøk 'moa acooŋa, ki jenni 'moa mo wø ŋwääi ni met; aani, ogat kïc ki maar kïc mara acama, ni maadha køøŋ nyïïomøki ki caak 'moa. Wui! nyïïawäätwa, cämu ni mädhu. Wui! omëërri, mädhu ni rømmu.

Aydheea 25:1

Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 29:22

Kiper manøgønø, Wuuö Jwøk na wïïl Eeberam wøk acäänö kiper dhi øt Jeekap, ni kööe, «Jø dhi øt Jeekap ba bëëdö këët ki kany mo bäär ni wïthge olääö, ge ba bëëdö këët ni täärnyïmge oniduk ki laac wïc.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 54:4

«Kärï lwäyö, kiper wïïï ba wëëk lääö këët; kär wïïï laay, kiper wïïï ba lääy. 'Ba wïïï owïl ki laac wïc mar thïnhö marï, ni ba parï wïïï këët ka ajøøŋ mana pïï dëërï ki køør mana bëëdï kaamar cï thøø.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Ciik Kiper Dïlämme 25:19

ni ŋöömö bëëdö ni ciek ki caammi, nou cämö ni jäŋŋu, kiper nou bëëdö yi ŋöömö ni bäŋ gïn caarru kiper leny.

Ciik Kiper Dïlämme 26:26

Kanyo ŋøla jöör cam maru, mään apaar otïmö ni cam maru thaalge yi këënnö aciel, ni cïpge cam jïïu mana thaalge ni ege petø, ni cammu gø nou ba jäŋ.

Ciik Kiper Dïlämme 26:5

Ka adïëri møn, tïïc mar dïn beel mou ba cuŋŋi këël mano këët ri pøn nyïïomøki, ni ö pøn nyïïomøki ni këët ri pïïdhö. Uuno bëëdö nou cämö ki caammi mou jaak ni jäŋŋu, ni bëëdu yi ŋöömö maru ni bäŋ gïn caarru kiper leny.

Mikiya 6:14

Uuni, uuno cämö, 'ba u ba jäŋ, ni bëët yïthu ni poot ŋaam. Jammi mou odaaŋŋu nou kaanna geni, 'ba bäŋgø mo bøth, ni jammi moo kaannu cïba dhi tøŋ.

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Dhekaraya 9:15

Wuuö Jwøk, eni na wïth jammi bëët, jiye ocwaae, ni ö jiye ni dïïrge wïth nyïïmän moge, ni put tïmö ni ge nyøra kïte moa thööc geni ki ge ri leny. Geno twäädö bäät nyïïmän moge kede geno meer ki køøŋø. Dëëtge opäŋ ki rem jiy moa 'näkge, ni tïmge kaamar athaanh olämme mo päŋ ki remø man wø ker teegi mo gïn wø cïp olämme bääte.

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Wëëlö Mana Göör Pøølli Baŋ Jø Röm 10:11

Kiper wëël Jwøk wø köö, ni «Ŋato jïëy ki eni ni ŋääth gø wïïe ba lääy.»

Wëëlö Mana Göör Pøølli Baŋ Jø Röm 5:5

'Ba ŋäädhe cwïnynyø bäŋ wø wëëk pädhö. Kiper mëëc Jwøk okïth cwïnynyø ni päl ki køør Jwïëc Jwøk na en kur keere na cïp jïïø.

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

Tiet Ciik 11:15

Eni thuwø luum di cïbö yïth pwöle mou kiper lääc paac mou. 'Ba uuno bëëdö nou cämu ki caammi mou jaak ni jäŋŋu.

Tiet Ciik 12:12

'Ba yïthu doo mïnnö nyïm Wuuö Jwøk na näk Jwøu, uuni ko obwöre mou moa näk cwøw ki moa näk mään, ki jø tïïc mou moa näk cwøw ki moa näk mään, ki ŋat tuuŋ Libay man nø mo bëëdö ka uuni, jøøa näk bäŋ ŋöömö moo dööŋ jïge na kurge yïthakiyu.

Tiet Ciik 12:18

'Ba gïïögø ocammu nyïm Wuuö Jwøk na näk Jwøu kanyo jiere, nou cämu ko obwöre mou moa näk cwøw ki moa näk mään, ki jø tïïc mou moa näk cwøw ki moa näk mään, ki ŋat tuuŋ Libay man nø mo bëëdö ka uuni; ni mïn yïthu nyïm Wuuö Jwøk na näk Jwøu ki køør tïïe mou bëët.

Tiet Ciik 12:7

'Ba kaace ŋati man nø dëëtu ki jø paare ge doo cämö nyïm Wuuö Jwøk na näk Jwøu, ni mïn yïthu ki køør tïïe mou bëët moa ö Wuuö Jwøki na näk Jwøu na gwïëth uuni ki ge.

Tiet Ciik 8:10

«'Ba kanyo tïme ni uuno nø jäŋö ki cam, Wuuö Jwøk na näk Jwøu dou pwøø kiper ŋöömma beer na cïbe jïïu.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

1 Jøøn 2:28

'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.