Jool 2:23 - Wëël Jwøk

²³ Wui, u na jø Dhayan, kanynyu, ni mïn yïthu ki Wuuö Jwøk, Jwøk maru, kiper eni køth mar dhi køth acïbe ki køør beenynye. Eni, køth akøny piny kiperu, ni beeye køth mar dhi køth, ki mar cwiir, kaawat mana bëëde dïkwøŋ.

Jool 2:23 Iomraidhean Croise

1 Nyeye 8:36

beerra man wïnynyï gø ki maal ni wëënnï raay mo jiyï ma jø Icriel, ni pwönynyï geni ki jöö mana beer man cääthge ki gø, ni jääŋŋï køth bäät ŋøøm moï moa cïpï jï jiyï na mo dööŋ jïge na moge.

Jööp 33:23

«'Ba ki røk nyïïatwiet maal ma kuma, doo na da aciel mo ena løøe mo cäänö kipere, ni para wï gø ki gïna dee tïïö,

Jööp 37:13

Eni køth wø wëëge pädhö bäät piny, ni ki kwör møøk mare ajäla, wala eni jwøya piny ni mare nyooth mëër mare ni wø ba jøøl.

Pwöc Leec Wïc 16:15

Leec täärnyïm mar nyeya beeye kwøw jï jiy, ni met ec mare caala man wø ö pøølli ni wø käl køth mar dhi køth.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 30:23

Køøre nø, Wuuö Jwøk køth ojääŋŋe jïïu kiper köödhi moo piithu yi ŋöömö, ni ö jammi moo ciek yi ŋöömö ni duunne jïïu ki cam mo päl. 'Ba dïcäŋece, lääc paac mou geno cämö kar kwaath mo laac.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 5:24

Uuni, u ba köö ki cwïnynyu, ni «Beerra man lwäärø ki Wuuö Jwøk, Jwøk marø, eni ni wø cïp køth mar arïïa ki mar dhi køth kany wø näk ma kare; ni bee eni ni wø gwøk nïne mo dwät kac kiperø.»

Wëël Kïmmö 4:2

Wäät Dhayan na beer marge pääri ka warkey mana tøŋ, geno tïmö ni caala dääe nidïï mo wø tïïc dïcwäc dääe ki ceŋge!

Edhikiel 34:26

Aani, ge gwïëdha gwïëdhö, ni bee geni ki kwör bëëte moa en deŋ thuur mara. Aani køth jääŋŋa jääŋŋö yi ŋöömö marge ki kanya näk kare, ni tïm køthi manøgø ni beeye mar gwïëth.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Ciik Kiper Dïlämme 26:4

aani køth jääŋŋa jääŋŋö ki kanya näk kare, kiper nee caammi ciekge yi ŋöömmu, ni ö jenni mo wø piith ni nywølge ki nyïëdi.

Amøc 4:7

«Aani køth amäna ki pädhö thuwø, kanya poode ni dööŋŋa dwäde adäk kiper kac beel. Køth awëëga pädhö paac mør, ni kära gø wëëk pädhö paac maya. Køth apädhö yi pwödhö mør, ni ö pwödhö mana käre pädhö yie ni tale.

Dhekaraya 10:1

Pëënynyu Wuuö Jwøk nee køth jääŋŋe bäätu kany wø näk dhi køth. Kiper beeye Wuuö Jwøk ni wø jääŋ køth ki ri pøøl; bee eni ni wø wëëk køth ööny piny kiper jiy, ni wëëk gïïa no opiidhø ciek yïth pwöth jï ŋati man nø.

Dhekaraya 10:7

Jø tuuŋ Ipariem geno bëëdö kaamar jø leny mo teek, ni bëëtge ni cwïnyge omïnnö kaamar jiy mo omädhö ki køøŋø. Obwöre moge køny manøgø ojootge ni kanyge; ni ö cwïnyge ni mïnne ki aani, a na Wuuö Jwøk.

Dhekaraya 9:13

Aani jø Juuda ge tïïa tïïö kaamar atummi, ni ö jø Ipariem ni tïmge na athëëre moge. Wui, ï na Dhayan, jiy moï tïïa tïïö kaamar opëël leny, ni öge maal ki leny bäät jø Gïrïïk.»

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Moa Tïïc Nyïïatwieli 14:17

'Ba këël na näk enøgønø, eni kär bëëdö ni dëëre käre nyoodhø. Kiper ena tïïö ki gïï mo beyø; eni køth wø jääŋŋe jääŋŋö jïïu ki maal, ni cïpe jïïu ki kwör ciek caammi mou yie yi cwiir, ni wëëk cwïnynyu mïnnö ki caammi mou, ni bëëdu ni yïthu met.»

Tiet Ciik 11:14

eni køth cwiir di jääŋö ki kanya näk kare, ni jääŋ mar dhi køth ki kanya näk kare kiper ŋöömmu, kiper nee beel mou ki nyïïjenni mou mo wø nyïïge nywøp na kwøŋ, ki mo wø nyïïge wel na mädhi nee ciekge jïïu.

Tiet Ciik 28:12

«Wuuö Jwøk kar kän mare na näk maal di jabø jïïu kiper nee cïpe ki køth ki kanya näk kare kiper ŋöömö maru, nee gïï wø tïïyu ki ceŋŋu nee gwïëdhe. Ni tïme ni løny jïïu ki man wëëgu japu mac jï wïth juurre mo thööth; 'ba uuni, u ba mäyi.

Tiet Ciik 32:2

Beerra man tïm luup pwöc 'moa ni caala pï køth; ni tøønge kaamar thööy mo tøøna bäät luum mo marr; ni tïme kaamar køth mo thiinhnhi bäät gïï mo opiidhø;

Pilipay 3:1

'Ba mana dööŋ keere nø, nyïïmera, yïthu mïnge ki ri Wuuö. Aani, a ba ööl ki man gööra gïïa kwøŋa göör jïïu, ni beeye gïn mo beer kiperu.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Pilipay 4:4

Yïthu mïnge ki ri Wuuö cooth, naa cäŋa gø caannø jïïu, ni yïthu mïnge.