Jool 2:2 - Wëël Jwøk

² Ni beeye cäŋ mo piny tïmö ni cøl, ni piny dhïïth, na cäŋ mo piny najïïm na lwøc, ni piny cøl døc. Bäänyö mo caala lwaa dhaanhø mo päl mo teek öö, ni dëëtge ege peerø ni caala man wø ö tiet cäŋŋi mo amöölla ni wø nëënge ni rege ege peerø ki bäät kïte, mo bäŋ teeŋe mo okwøŋ tägö mo caala gø, ni bäŋ teeŋe mo cäŋ tägö këët køør gø yïth cwiiri mo beenhnhe mo oööi.

Jool 2:2 Iomraidhean Croise

Bwøth Wøk 10:14

Ni ö lwaa bäänyö ni tïme ni ena bäät ŋööm Ijep, ni pïge piny dï ŋööm Ijep bäre ni ge thööth døc; ni poot bäŋ teeŋ bäänyö mo päl mo caala manøgø cøøn. 'Ba këël yi nyïme thuwø bäŋ teeŋ bäänyö mo caala manøgø mo cäŋa öö.

Bwøth Wøk 10:6

ni pääŋge yïth uudi moï, ki yïth uudi mo jø kööre moï bëët, ki yïth uudi mo jø Ijep bëët. 'Ba teeŋ gïnögø beeye teeŋ gïn mo poot kär kwøŋ wëëgu ki kwäyu joot cøøn ki mana cwääc geni bäät piny këël dïcäŋi en.› » Køøre Modhe ree aløøe ni aa wøk buut Peerø.

Bwøth Wøk 20:21

Kar kanyøgø jiy aput cuŋŋö kany mo bäär, ni ö Modhe ni put nyiik buut pöölla cøl kanya en Jwøki yie.

Aydheea 5:30

Dïcäŋeca ge löörö bäätge kaawat man wø lwör athaŋ naama dwøŋ. 'Ba ni näk da ŋat mo raŋa bäät ŋöömö manøgø, eni muudhö ki bëëtö mo leth pute ka joot, kiper tar ree løøe baŋ muudhö ki køør pöölö.

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Jeremaya 13:16

Jiemmu Wuuö Jwøk, Jwøk maru, kanyo poode ni muudhö poot käre kälö, kanyo poot tietu ni poot käru cwanynyø bäät kïte moa en yi muudhö; ni kanyo lääŋŋu tar, eni tar wiile wiilø na muudhö mo cøl, ni tïïc gø na muudhö mo cøl døc.

Jeremaya 13:6

'Ba kanya tïme na køør nïne mo thööth, Wuuö Jwøk aköö jïra, ni «Ö maal ni ciï bäät Naam Upareeti ni lwørï abïï mana caana jïrï na kanï kaace.»

Wëël Kïmmö 1:12

«?Aŋø, u ni wø pöödhi ki buuta en, ki jïïu ni man beeye gïn mo bäŋ tiere jaak? Neennu, ni raŋŋu gø, ?aŋø, da teeŋ caarø mo otïïö mo caala mara man no otïïö dëëra en, ni beeye mana tïïc Wuuö Jwøki dëëra yi cäŋ wëër mare ni wø liel kaamar maac?

Edhikiel 32:7

'Ba kanyo raanynya ïïni, maal puta ka rïëp, ni tïm ceerri ni cøl. Cäŋ ogëëŋa ki pøøl, ni ö dwääyi ni ba cïpe ki tar.

Edhikiel 34:12

Kaawat man wø ö dïkwääyi wø gwøk pïïth dïëk moe ki dïcäŋ ni ena yïthakic dïëk mo okeethø, aani thuwø dïëk 'moa gwøa gwøø, ni piema geni kwöra enge yïthge na näk geno keethø yïthge dïcäŋo näk cäŋ jwør gïï mo leth mano caal pöölö ki muudhö.

Edhikiel 38:9

'Ba ïïni ki jø leny moï bëët, ki wïth juurre mo thööth, uuno ö wøk kaamar atuunna, ni tïmu kaamar pöölö, ni putu ŋöömö uum.›

Daniel 12:1

«'Ba noo tïme na kar kaace, Mikaël, eni na nyïïatwiel maal mana dwøŋ ni wø koor jø pou ma jø Icriel, dëëre di thïïŋö. 'Ba kar kaace tïmö na kar jwør gïï mo leth, na gïï mo poot kär kwøŋ tägö cøøn ki mana täge ki kanya täk wï jur këël kar kaace. 'Ba kar kaace jø pou moo nyeŋge joot no ogöör piny yi wëëlö, ge di piemø.

Daniel 9:12

Ïïni luummï mana caanï dëëtwa ki dëët dïbwöthe mowa, mo wø käär waani, awëëgï thur kare ki man kännï bäätwa ki gïn mo leth mo dwøŋ; kiper ki yi piny bäre poot bäŋ teeŋ gïn mo otïïö mo caala teeŋ gïna tïïc dëër Jerucalem.

Jool 1:6

Kiper bäänyö aöö mo caala wï jur mo teek, mo kwäänge ba thum, mo lakge caala lak ŋuu, mo lwönne moge caala lwönne mo maath ŋuu, ni raanyge ŋöömö marø.

Jool 2:25

«A na Wuuö Jwøk, kar cwiiri moa raany bäänyö dëëtu coola coolø jïïu, ni beeye moa raany bäänyö mana päl, ki bäänyö man wø ŋudö, ki bäänyö man wø døø piny, ki bäänyö man wø räänyö, ge na thööth na caal jø leny 'moa na jääŋŋa baŋu.

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Jool 2:5

mo döötge wïnyö ni caala jïëth leny mo wø tut okwëënyi kany wø nigeluŋŋa ki bäät kïte, ni döötge wïnyö ni caala maac mo tinynyi kaamar man wø waaŋ thiek beelli, ni caala jø leny mo teek mo ojiiŋŋø kiper leny.

Jool 3:4

«Maya thuwø, u jø Tayar ki jø Caydan ki jiy bëët moa en mïëc Pilitin, ?agïnaŋø na manynyu nee tïïyu dëëra? Aŋø, da kwör mo dou coolø dëëra? 'Ba ni näk mo da kwör mo you caarø ni coollu coolø dëëra, laara ka layø ni dwøga gø dëëtu.

Amøc 4:13

Adïëri møn, eni na cwääc kïte, ni wø wëëk jamø kwödö, ni wø nyooth acaaye jï dhaanhø; eni ni wø løk tar mar aruunnø ni tïme ni cøl, ni wø cäädhi dï piny ni bäŋ gïn mo gëëŋ gø; bee eni na Wuuö Jwøk, eni na wïth jammi bëët.

Jepaniya 1:7

Bëëdu nou lïŋö nyïm Kwäärö Wuuö Jwøk! Kiper cäŋ Wuuö Jwøk kare acäännö. Kiper Wuuö Jwøk ree ee nø jiiŋŋø ki man 'näk jiy kaawat man wø 'näk lääy mo wø cïp no olämme, ni jøøa näk ee cwølø kiper 'näk manøgø ee nø jiiŋŋø.

Dhekaraya 14:6

Dïcäŋöca otïmö ni bäŋ tar, 'ba beeye lwøc mo cøl;

Mathiew 24:21

Kiper kar kaaca piny ojïti ki teeŋ gïï mo leth døc, mo kär kwøŋ tägö ki mana täge ki kanya cwääc piny këël kawaane en, ni bäŋ teeŋe mo cäŋ tägö këët na bäre bäre.

Maak 13:19

'Ba yïth nïrögø, piny ojïti ki teeŋ gïï mo leth mo kär kwøŋ öö këël kanya cak piny mana cwääc Jwøki, gøøc kawaane, ni bäŋgø mo cäŋ tägö këët na bäre bäre.

Tiet Ciik 32:7

«Parru wïthu ki nïne mo acääŋŋe, ni caarru wïthu ki cwiiri moa beet beenhnhe mou bëët. Pëënynyu wëëgu, nee caange jïïu; ni pëënynyu jäle mou thuwø, nee caange jïïu.

Ibaru 12:18

Kiper u kär ö baŋ gïn mo di mulö, kaamar Kïn Caynay, na neen kwäyu ni bääte da maac mo liel, ki muudhö, ki kany mo dhïïth, ka atuunna,

Juut 1:13

Ni ge caala athak naama dwøŋ mo reyø døc, ni lään wïc marge oö maal kaamar bööyö mo athage moøgø. Ni ge caala ceer mo wïïrö, jøøa näk kany mo cøl døc ojiiŋŋø kiperge këël na bäre bäre.

Mana Nyooth 9:2

Ni jap dhi buura näk bäye bäŋ cuŋŋe. Ni ö jïrö wøk ki dhi buur manøgø, mo caala jïc maac mo päl døc. Ni ö maalli ki cäŋ ni døøyi muudhö ki jïyögø na ö wøk ki dhi buurögø.