Jool 2:17 - Wëël Jwøk

¹⁷ Beerra man ö dïlämme ni wø tïny Wuuö Jwøk, ni jwöŋge yïthakic gïn wø cïp olämme bääte ka agööl dhi Øt Jwøk, ni köge, ni «Wui Wuuö Jwøk, cwïnyï pädhe ki gïr jiyï, ni ba tïïyï jiyï na näk thöögï na gïr apääda, na gïr aŋaada dï wïth juurre. ?Aŋø, wïth juurre doo pëëö møn, ni ‹?Jwøk marge en kaa?›?»

Jool 2:17 Iomraidhean Croise

1 Nyeye 6:3

'Ba agööl Øt Jwøk, na dïët ki thääŋ øtø mana cwøl ni thääŋ øtø mana en kur keere, bär mare mar piny caala rumi mar dööŋ yi Øt Jwøk, ni beeye gööye ma pïërariiø, ni dööŋ yie beeye gööye apaar.

1 Nyeye 9:7

aani jø Icriel käla wøk ki yïth ŋøøm moa cïba jïge, ni ö øtø mana näk yaa nø cïp kur keere kiper nyeŋŋa ni leeŋa gø wøk nyïma. Køøre nø, jø Icriel ge tïmö ni gena jø wø ŋäät dëëtge, ni bëëtge ni gena gïr waac yïthakic wïth juurre bëët.

2 Luup Nyeye 7:20

aani, u cööda wøk yïth ŋøøm 'moa moa cïba jïïu, ni ö øtø man ni yaa cïp kur keere kiper nyeŋŋa en, ni leeŋa gø wøk nyïma, ni tïïa gø na gïn ŋäät ree, na gïr waac yïthakic wïth juurre bëët.

2 Luup Nyeye 8:12

'Ba Cølöman acïpö ko olämme mo wø waaŋ bäre jï Wuuö Jwøk bäät gïn wø cïp olämme bääte mar Wuuö Jwøk, ni beeye mana tïïe nyïm agööl Øt Jwøk.

Neemiya 9:36

«'Ba ennø, ka adïëri møn, waana laaŋe dïcäŋi ennø; waana laaŋe møn yi ŋöömma cïpï jï kwäcwa nee bëëtge ni ge cama caammi mo wø ciek yie ki gïïa beyø mo wø ciek yie.

Bwøth Wøk 34:9

Ni kööe, ni «Wui Kwäärö, ennø, ni näk mo yiï met ki aani, a kwaya ïïni niï cäädhï ki waani na aciel, këël na bëët jøøgø ni gena jiy mo wïthge teek. Wëën bääyö marwa ki gïïa reyø na tïïcwa, ni käärï wa ni waana jiyï.»

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 37:20

'Ba ennø, wui, Wuuö Jwøk, Jwøk marwa, piem waani cer nyeny Aciria, nee ŋäc buc nyeye bëët mo bäät piny ni bee ï keerï na Wuuö Jwøk.»

Edhikiel 20:9

'Ba gïnögø kära tïïö kiper nee nyeŋŋa ba ränynye nyïm wïth juurre moa enge dïge, ni beege wïth juurre moa nyoodha raa jï jø Icriel nyïmge ki køør mana käla jø Icriel wøk ki yi ŋööm Ijep.

Edhikiel 8:16

Køøre eni aana kïth yi kal mana en dïër mar øt Wuuö Jwøk. 'Ba dhi øt Wuuö Jwøk kaace yïthakic agööla ki gïn wø cïp olämme bääte, da cwøw mo jïtö ki pïërariiø ka abïïc mo ŋäthge ege løø baŋ øt Wuuö Jwøk ni nyïmge ege løø jï kur tuul-cäŋ, ni cøŋge ege këël piny ni rege kemø ki cäŋ ni ge lama gø.

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Jool 1:9

Muuce mo beel, ki muuce mo kwøŋ bäŋgø mo kïtha yi Øt Wuuö Jwøk këët, ni dïlämme ni wø tïny Wuuö Jwøk, ge bëëdö ni ge kïmmö.

Amøc 7:2

Kanya ö bäänyö na thöör gïïa no otuy bëët bäät piny, Wuuö Jwøk akwaaa ni kööa, ni «Wuuö Jwøk, wëën jic Jeekap. ?Geno kwøwge nidïï? Kiper ge jägö døc.»

Amøc 7:5

Køøre Wuuö Jwøk akwaaa ni kööa, ni «Wuuö Jwøk, wec gïnögø. ?Jic Jeekap okwøwge nidïï? Kiper ge jägö døc.»

Mikiya 7:10

'Ba kar kaace nø, oraŋ nyïïmänni mowa, ni ö lään wïci ni ö bäätge, ge na köö jïwa, «?Aŋø, Wuuö Jwøk, Jwøk maru, en kaa?» Waani, geno raŋwa ki nyeŋwa, ni kar kaaca geno nyørø kaamar odhöönh mo jiy caatha dïëre øtjöö.

Milkiya 1:9

«'Ba kawaane, u na dïlämme, ?aŋø ni ba kwayu Jwøk nø nee yie tïme ni bäth ki waani? ?Aŋø, ki køør teeŋ olämme mo wø cïpu yøø, løny jïre ki man pänh uuni ni yie met?» Gïnögø poot caana Wuuö Jwøki, eni na wïth jammi bëët.

Kwään Jiy 25:6

'Ba kanya pootge dho oduŋkaany røømmø, ni ge kïmmö, ŋat Icriel aciel aput kännö ki nyi jø Midien ni kïth gø yo oduŋkaara mare, ni nëënö jï Modhe ka acooŋ Icriel bäre.

Mathiew 23:35

'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia, ŋata 'nägu yaakic Øt Jwøk Mana Dwøŋ ki gïn wø cïp olämme bääte.

Mathiew 27:43

Eni kee Wuuö Jwøk ee ŋäädhö. ?Aŋø, Wuuö Jwøk ba køny eni ŋø, nee Wuuö Jwøk yie met ki eni? Kiper ena köö, ni ‹Aana O Jwøk.› »

Tiet Ciik 28:37

Køøre u tïmö ni uuna jiy mo cwïny bwøk ki geni kiper gïïa tägö dëëtu, ni tïmu ni uuna jø wø ŋäät dëëtge, ni bëëdu ni uuna gïr waac dï juurre bëët kwöro ö Wuuö Jwøki noo keeth uuni yïthge.

Tiet Ciik 32:27

'Ba a lwäära ŋwøc mano tïïc nyïïmän; kiper kanymør tier luubö manøgø daakge daaø, ni köge ni beeye geni ki dëëtge na bööt jø Icriel, ni patha a na Wuuö Jwøk na tïïc gïnögø dëëtge.›

Jøcua 7:9

Kiper gïnögø wïny jø Keenanni wïnynyö, këël jøøa bëëdö yi ŋöömmögø bëët, ni öge ni rumge wa dïër ni putge wïthwa dïïr na bäre. ?'Ba ennø, agïnaŋø noo tïïyï, nee nyeŋŋï bëëde ni poot wïnyö?»