Jool 2:16 - Wëël Jwøk

¹⁶ ni cooŋŋu jiy, ni cïbu jø acooŋa kur keerge, nou cooŋa jø døøŋŋø kanya ciel, ko obwöre, ki moa mar na näk poot dhøøth kööthi. Beerra man ö cø dhaagø thiinh ni wec øde, ni ö dhaage thiinhnhi ni wec kar bëëtö mare.

Jool 2:16 Iomraidhean Croise

2 Luup Nyeye 20:13

'Ba jø Juuda bëët ge cuŋŋö nyïm Wuuö Jwøk, ge ko obwöre moge moa therø, ki määrge, ko obwöre moge moa reegø.

2 Luup Nyeye 29:5

Ni kööe jïge, «Wui, jø tuuŋ Libay, cegu ïthu baŋa. Cïbu dëëtu kur keeru ennø, ni cïbu Øt Wuuö Jwøk, Jwø kwäyu, kur keere, ni kälu gïïa ba waany bëët wøk ki yi øtø manøgø ni en kur keere enø.

2 Luup Nyeye 30:17

Kiper mana näk da jiy mo thööth mo dëëtge kärge cïp kur keerge na mo Jwøk dï acooŋŋøgø, jø tuuŋ Libay nyïï dïëk moa therø mo Cäŋa Pööth Thøøe Yie anäkge kiper jiy bëët moa näk ba waany, ni cïba dïëk moøgø kur keerge jï Wuuö Jwøk.

2 Luup Nyeye 30:19

ŋat mo cwïnye ee jiiŋŋø ki man many Jwøk, ni beeye Wuuö Jwøk, Jwø kwäye, këël na bëëde ni dëëre käre tïïö ni waany ki køør ciik mo Øt Jwøk.»

2 Luup Nyeye 35:6

Ni 'nägu nyïïdïëk mo Cäŋa Pööth Thøøe Yie, ni cïbu dëëtu kur keeru na mo Wuuö Jwøk, ni jiiŋŋu nyïïdïëk kiper jø pou ki køør luubö mana caan Wuuö Jwøki ki ri Modhe.»

Jööp 1:5

'Ba kanyo pööth nïr ajwöma, Jööp wø jääga baŋge nee dëëtge døøcge mo waany, ni ö Jööpi ni päny maal ka amöölla ni cïpe ko olämme mo wø waaŋ bäre ki nyeŋ nyïïe bëët, kiper ena cädö ni kööe, «Kanymør obwöre 'moa geno tïïö ki raay ni janyge Jwøk ki yïth cwïnyge.» 'Ba manøgø beeye bëëtö mar Jööp cooth.

Bwøth Wøk 19:10

Ni cäŋ Wuuö Jwøki köö jï Modhe, ni «Ci baŋ jø Icriel ni døøyï ge mo waany dïcäŋ man ki dïcäŋ mar diøø, ni penyge abïïe moge;

Bwøth Wøk 19:15

Ni kö Modhe jï jiy, ni «Jiiŋŋu dëëtu kiper dää nïne; kär dee ŋat mo ci baŋ dhaagø.»

Bwøth Wøk 19:22

Ni caanï gø jï dïlämme thuwø mo wø nyänh buuta nee dëëtge døøcge mo waany, kiper nee ge ba nääa, a na Wuuö Jwøk.»

Jool 1:14

Uuni, gööyu piny ki cäŋ mo you cïp kur keere mo jiy ba cämö yie, ni cwötu ka acooŋa mo ena kur keere, ni cooŋŋu jø døøŋŋø yi Øt Wuuö Jwøk, Jwøk maru, ki jø wø bëëdö yi paac bëët, ni gööu ko oduuru dëër Wuuö Jwøk.

Mathiew 21:16

ni pëënyge Jecu, na «?Aŋø, gïn car obwöyi ii ba wïnynyï?» Ni dwøgi ya Jecu jïge, na «Awïnynya. ?Aŋø, luubö man käru kwaanø yi wëël Jwøk bäre bäre? Acaan Wëël Jwøki, «ni ‹Ï na Wuuö Jwøk, pwøc man pwøc ï ki gø atïïyï nee thur kare ki køør luup moa car obwöre moa therø këël moa näk poot dhøøth.› »

Mathiew 9:15

'Ba adwøk Jecu jïge, na «?Aŋø, wëët nywöm doo kïmmö ni cø nyakøø poot ena dïge? 'Ba nïne oööi, kanyo ö cø nyakøøe noo lwøri dïge. Kanyøca nø, beeye noo wötge.

1 Körin 7:5

Käru kweeyø ki dëëtu. 'Ba kanymør ni näk mou jïëy karuriet ki man mänu dëëtu dïciel kiper nou lämu døc, doo beer. 'Ba noo näk køøre, cäŋu dwätö, kiper nee Ceethan cwïnynyu ba wëëk lämmö ki køør mano ba lønye jïïu ki man mänu dëëtu.

Jøcua 7:13

«'Ba ennø, ö maal, ni tïïyï jiy nee dëëtge døøcge mo waany ni kööï, ni ‹Døøyu dëëtu mo waany kiper gïno tägi diøø, kiper Wuuö Jwøk na näk Jwø Icriel aköö, ni «Wui, jø Icriel, gïïa no onø wëëk uuni nee raanynyu na bäre dagø dïïu. 'Ba këël kanyo paanynyu gïïa no onø wëëk uuni nee raanynyu na bäre, uuni ba løny jïïu ki man cuŋŋu nyïm nyïïmännu.» ›

Jøcua 8:35

'Ba bäŋ luubö aciel mo odööŋ røk ciik moa cem Modhe ni kär kwaan Jøcua nyïm acooŋa mar jø Icriel bäre ki mään ko obwöre moa thenh thenh ki juurre moa path na bëëdö dïge.

1 Camiel 16:5

'Ba ena köö, «Yaa, mara öö jaak; aani, a ööi kaper naa cïpa ko olämi jï Wuuö Jwøk. Ennø, cïbu dëëtu kur keeru ni waany, ni ööu ni bëëdu nou nut buuta kanyo cïba olämi.» Kanyøgønø Camiel, Jeci ki wääte acïp kur keerge ni waany, ni cwøl ge nee nutge kanyo cïp olämi.