Jool 2:12 - Wëël Jwøk

¹² 'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Jool 2:12 Iomraidhean Croise

2 Camiel 24:10

Køøre Deebit cwïnye apädhö ki køør mana nø kwaan jiy. Kanyøgønø, Deebit alämö jï Wuuö Jwøk ni kööe, «Wui Wuuö Jwøk, aana nø bääyö døc ki køør gïna tïïa. 'Ba ennø, beerra man wëënnï raay 'moa, a na dhaanhnhï, kiper aani gïnögø atïïa ni wïïa kära caarø.»

2 Luup Nyeye 30:6

Køøre jøøa jääŋŋi gena aay ni ge rwäänhnhö, ni cige mïëc Juuda ki Icriel bäre, ni weeli käärge käärö moa kälge baŋ nyeya ki kwääri moa en tiere, ki køør mana ö nyeya na kööm ge ki gø, na kööe, ni «Wui, u na jø Icriel, beerra man duu baŋ Wuuö Jwøk, Jwø Eeberam ki Aydhak ki Icriel, nee eni duu baŋu, u na bøth na dööŋ ni kär mak nyeny Aciria.

2 Luup Nyeye 6:27

beerra man wïnynyï gø maal, ni wëënnï raay mo jiyï ma jø Icriel, ni pwönynyï geni ki jöö mana beer man cääthge ki gø, ni jääŋŋï køth bäät ŋøøm moï moa cïpï jï jiyï na mo dööŋ jïge na moge.

Acther 4:16

ni «Ciï ni cooŋï jø Juuth bëët moa en Cuca, ni wödu kipera. Ni bëëdu ki nïne adäk, ki wärre ki cääŋŋe moge, nou ba cämö wala maath. 'Ba aani ki jø tïïc 'moa moa näk nyïïakuue wa wödö thuwø kaawat mano tïïyu. Køøre nø, aano ci baŋ nyeya, këël ni näk maa gwäya ciik. Ni näk maa thøw, aano thøw.»

Bwøth Wøk 33:5

Gïnögø atïïcge kiper Wuuö Jwøk onø cäänö ki Modhe ni kööe, ni «Caanï jï jø Icriel, ni kööï jïge, ni ‹Uuna jiy mo wïthu teek; ni näk mo aano cäädhö na aciel ki uuni këël kany mo thiinh jaak, u puta ka thöör. 'Ba ennø, kälu jap mïërö mou wøk dëëtu; køøre nø, gïno tïïa kiperu løny man ŋääa gø.› »

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 58:4

Ka adïëri møn, këël na bëëdu nou wödö, u poot pïëmu nou këëdö, ni dëëtu pöötu pöötö ka alööŋŋe mo reyø døc. Teeŋ wödö man wø wödu ki gø manøgø, döötu ba tïïe nee pïïe maal baŋa, a na Wuuö Jwøk.

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 36:7

Kanymør ni Wuuö Jwøk kwacge kwaaø, ni ö ŋati man nø dïge ni luu ree ni wec jöör bëëtö mare na raac; kiper wëër mar Wuuö Jwøk, ka ajäla mana caane dëët jøøi ii dwøŋ døc.»

Jeremaya 4:1

'Ba Wuuö Jwøk aköö, ni «U na jø Icriel, ni näk mou manynya duuö, duu baŋa; ni raanynyu gïï wø lammu na näk ec raac ki ge, nou ba gaa wøk këët,

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Odheea 12:6

Kiper manøgønø, duu baŋ Jwøk maru; ni bëëdu nou tïïya mëër ki ŋøl luup na adïëri, nou koora Jwøk maru cooth.

Odheea 12:7

ŋat gath man wø rumö ki gïr røm mo patha kare, yie met ki møt jiy.

Odheea 14:1

Wui, u na jø Icriel, duu baŋ Wuuö Jwøk, Jwøk maru, kiper uuna wëëk raayi mou pädhö.

Odheea 6:1

«Ööu, nøø døø baŋ Wuuö Jwøk, kiper eni, øøna tøye møn na thäŋi, 'ba ø cäŋe ka kønynyø. Eni, dëëtø amooe møn ki ŋwiili, 'ba ŋwiili 'moø cäŋe ka bäyö.

Jool 1:13

Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Dhekaraya 7:3

ni ge cäänö ki dïlämme mo wø tïïö Øt Wuuö Jwøk, eni na wïth jammi bëët, ki nyïïkuk Jwøk, ni köge, na «?Aŋø, wa doo bëëdö ni wa kïmmö ni wa tïïya wödö mar kwier cam ki dwää abïïc, kaawat mana bëëtwa ni wa tïïya gø ki yïth cwiiri moa thööth na pöödhö?»

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Milkiya 1:9

«'Ba kawaane, u na dïlämme, ?aŋø ni ba kwayu Jwøk nø nee yie tïme ni bäth ki waani? ?Aŋø, ki køør teeŋ olämme mo wø cïpu yøø, løny jïre ki man pänh uuni ni yie met?» Gïnögø poot caana Wuuö Jwøki, eni na wïth jammi bëët.

Moa Tïïc Nyïïatwieli 26:20

'Ba akwøŋa køp jï jøøa en Damacka, køøre akøba yi Jerucalem ki yïth mïëri bëët mo Judia, ki jï juurre thuwø, nee wïthge cäŋge caarrø ni løøge rege baŋ Jwøk, ni tïïcge gïï mo orømø ki løk cwïny marge.

Pïëmme 2:4

'Ba kanya ö Wuuö Jwøki na nyooth ree kaamar nyïïatwiel maal na caan luupögø jï jø Icriel bëët, jø Icriel gena put jwöŋö ni döötge ege tïŋ maal.

Pïëmme 20:26

Køøre jø leny mo jø Icriel, këël jiy bëët, gena aa Bëthël ni jwöŋge yie; ni bëëtge kaace nyïm Wuuö Jwøk, ni mänge dëëtge ki cam ki yi cäŋögø bäre këël mana päth cäŋŋi. Ni cïpge jï Wuuö Jwøk ko olämme mo wø waaŋ bäre ko olämme mo wø duunni ki mëër.

1 Camiel 7:3

Køøre Camiel acäänö ki jø Icriel bëët, ni kööe, ni «Ni näk mo u duua baŋ Wuuö Jwøk ki cwïnynyu bäre, wetu juuga path ki juuga cøøri na Actaröth na en dïïu, ni cïpu cwïnynyu jï Wuuö Jwøk na bäre, ni tïnynyu eni keere; køøre uuno pieme ceŋ jø Pilitin.»

1 Camiel 7:6

Kanyøgønø, jiy rege acooŋge Micpa. Ni ö pïïyi ni øømmi ni kønynyi piny nyïm Wuuö Jwøk ni nyootha bääyö marge. Ni ö jiyi ni kweerge ki cam dïcäŋeca, ni putge marge caan kaace, ni köge, ni «Waana bääyö dëër Wuuö Jwøk.» 'Ba Camiel luup jø Icriel aŋøle Micpa.