Jool 2:11 - Wëël Jwøk

¹¹ Wuuö Jwøk dwøre omäri nyïm bäänyö na caal jø leny moe; ka adïëri møn, twïër marge dwøŋ døc, ni ge na jïëc dwør Wuuö Jwøk, ge teek døc. Ka adïëri møn, cäŋ Wuuö Jwøk dwøŋ, ni beeye cäŋ lwär. ?Aŋa ni løny jïre ki man jïëny gø?

Jool 2:11 Iomraidhean Croise

Aydheea 13:4

«Cegu ïthu ki dïlweel bäät kïte, ni beeye dööt jiy mo thööth! Cegu ïthu ki dwøl manø ni märi ni dwøŋ enø yïth mïëc nyeye, ni beeye dööt wïth juurre moa näk dëëtge ege cooŋø! Wuuö Jwøk, eni na wïth jammi bëët, jiiŋŋa lwaak kiper leny.

Aydheea 42:13

Wuuö Jwøk dønynya wøk kaamar oteen leny, eni këëyö mare nyoodhe nyoodhø kaamar ŋat leny; eni twäätö ri leny, twäätö møn ni dwøre ena maal. Eni ööa maal bäät nyïïmän moe ni bööt geni.

Aydheea 7:18

'Ba noo tïme na dïcäŋeca, Wuuö Jwøk olwiyi ni cwøla lwaŋŋi moa en ya aŋuun näm mo Ijep, ki lwaa kïc mana en yi ŋööm Aciria.

Jeremaya 25:30

«'Ba ï na Jeremaya en, luupi bëët ii wär køpï ni caanï geni dëëtge, ni kööï jïge, «ni ‹Wuuö Jwøk omäri ni eni ena maal, ni nyootha wëër mare, ni dwøre ee tïŋ maal ni eni ena kar bëëtö mare na en kur keere; ni märe døc bäät jiye. Ni ö eni ni tïŋ dwøre maal bäät jø wø bëëdö bäät piny bëët, ni dwøre ena maal kaamar dööt jø wø cwöth nyïïomøki ki tietge.

Jeremaya 30:7

Wui! Dïcäŋo täk gïïögø yie otïmö na cäŋ mo raac døc, mo bäŋ cäŋ mo pääri ki gø; ni beeye cäŋo pïïc gïï mo lethi yie dëët nyïïkwaac Jeekap, 'ba geno piem yïth gïïögø.

Jeremaya 50:34

'Ba dïkunyi marge teek, ni nyeŋŋe beeye Wuuö Jwøk, eni na wïth jammi bëët. eno pïëmö døc kiperge, nee piny mooe ki jwöm; 'ba wïth jø Babiløn omooe ko okiera.

Edhikiel 22:14

?Aŋø, kanyo jääla ïïni yie, løny ki man magï cwïnyï wala ki man cwiitï ceŋŋï? Luummögø caana aani, a na Wuuö Jwøk, 'ba puta ka tïïc.

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Jool 1:6

Kiper bäänyö aöö mo caala wï jur mo teek, mo kwäänge ba thum, mo lakge caala lak ŋuu, mo lwönne moge caala lwönne mo maath ŋuu, ni raanyge ŋöömö marø.

Jool 2:1

Uuni, koothu tuuŋ yi Dhayan, ni koothu ka bäät Kïn Wuuö Jwøk na en kur keere! Jø wø bëëdö yi ŋöömö bëët beerra man tïm dëëtge ni kwanynyi, kiper cäŋ mar Wuuö Jwøk öö; ka adïëri møn, kare aløny ni cään.

Jool 2:2

Ni beeye cäŋ mo piny tïmö ni cøl, ni piny dhïïth, na cäŋ mo piny najïïm na lwøc, ni piny cøl døc. Bäänyö mo caala lwaa dhaanhø mo päl mo teek öö, ni dëëtge ege peerø ni caala man wø ö tiet cäŋŋi mo amöölla ni wø nëënge ni rege ege peerø ki bäät kïte, mo bäŋ teeŋe mo okwøŋ tägö mo caala gø, ni bäŋ teeŋe mo cäŋ tägö këët køør gø yïth cwiiri mo beenhnhe mo oööi.

Jool 2:25

«A na Wuuö Jwøk, kar cwiiri moa raany bäänyö dëëtu coola coolø jïïu, ni beeye moa raany bäänyö mana päl, ki bäänyö man wø ŋudö, ki bäänyö man wø døø piny, ki bäänyö man wø räänyö, ge na thööth na caal jø leny 'moa na jääŋŋa baŋu.

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Jool 3:14

Wui lwaak, lwaa päl, u ena goor ŋøl luup, kiper cäŋ Wuuö Jwøk kare acäännö goor ŋøl luup.

Jool 3:16

Wuuö Jwøk määr ki yi Dhayan, ni dwøre wïnyi ka yi Jerucalem, ni ö maalli ki piny ni tïmge ni jäŋŋi. 'Ba Wuuö Jwøk bëëdö na kar kan røk jï jiye, ni eni caala kiir mo ogeerø ni teek jï jø Icriel.

Amøc 1:2

Ena köö, ni «Wuuö Jwøk märö yi Dhayan, ni køp dwøre yi Jerucalem; ni ö kwör wø kwaac dïëk yïthge ni talge, ni ö luummi mana en bäät Kïn Karmël ni bäbe.»

Amøc 5:18

Otïmö ni raac jïïu, u ni many dïcäŋa näk mar Wuuö Jwøk. ?Agïnaŋø noo duu dïcäŋa näk mar Wuuö Jwøki jïïu? Dïcäŋa näk mar Wuuö Jwøk otïmö na muudhö ni patha tar.

Amøc 5:20

?Aŋø, dïcäŋa näk mar Wuuö Jwøk paa beeye muudhö ni patha tar? Kare møn, beeye dïcäŋ mo cøl ni bäŋ tar yie.

Obadiya 1:15

«'Ba cäŋ mar Wuuö Jwøk kiper wïth juurre bëët kare cään; gïïa tïïyu dï tïïö dëëtu; ni tïïe moa tïïyu dwøga wïthu.

Neeyam 1:6

?Aŋa ni løny jïre ki man cuŋŋe ki wëër mare? ?Na aŋa ni løny jïre ki man jïëny wëër mare ni wø liel kaamar maac? Wëër mare liela nyïme kaamar maac, ni ö kïte ni piinge nyïme.

Milkiya 3:2

?'Ba aŋa noo løny jïre ki man jïëny gïïo tägi dïcäŋo ööe? ?Na aŋa noo cuŋŋi kanyo pïïe? Kiper eni caala maac mo twøna warkey nee tïme ni tøŋ, ni caala caabuun man wø tïïc abïï ni tar.

Kwään Jiy 24:23

Ni cäŋ Beelammi tägö ki man køp dwør Jwøk, ni kööe, «?Wui, aŋa noo maar bëëtö kanyo ö Jwøki noo tïïc gïnögø?

1 Thecalönika 4:16

Kiper Kwäärö ki dëëre ööa piny ki maal, ki dwøl mo päl, ki dwør kwääy nyïïatwiet maal, ki dwør tuuŋ mar Jwøk. Ni ö jøøa thøw ri Krictø, ni kwøŋge ö maal.

Mana Nyooth 18:8

Kiper manøgø nø, jap räny piny moo ö bääte, oööi ki yi cäŋ aciel, teeŋ ka thøø, ki kïmmö, ki meel. Ni ö eni ni waaŋi ki maac. Kiper Kwäärö Wuuö Jwøk na jääl gø dwøŋŋa eni.»

Mana Nyooth 6:17

Kiper cäŋa dwøŋ na näk mar wëër marge apïï. ?Na aŋa noo maar cuŋŋö?»