Jool 2:1 - Wëël Jwøk

¹ Uuni, koothu tuuŋ yi Dhayan, ni koothu ka bäät Kïn Wuuö Jwøk na en kur keere! Jø wø bëëdö yi ŋöömö bëët beerra man tïm dëëtge ni kwanynyi, kiper cäŋ mar Wuuö Jwøk öö; ka adïëri møn, kare aløny ni cään.

Jool 2:1 Iomraidhean Croise

1 Luup Nyeye 15:28

Kanyøgø jø Icriel bëët acanduk man wø nyooth luumma tuut Wuuö Jwøki ki jiy aputge kälö ni ge kwöŋŋö ki met ec, ni ge kudhö ki tuk lääy, ki tuŋi moa näk tïïc ka nywïënyö, na athaliiŋŋi moo jwöŋi ni döötge ena maal tuuŋge tuuŋŋö, ni ge pöödö ki wïth thøme ma teeŋi.

Dut Pwøc 87:1

Bwøth Wøk 10:14

Ni ö lwaa bäänyö ni tïme ni ena bäät ŋööm Ijep, ni pïge piny dï ŋööm Ijep bäre ni ge thööth døc; ni poot bäŋ teeŋ bäänyö mo päl mo caala manøgø cøøn. 'Ba këël yi nyïme thuwø bäŋ teeŋ bäänyö mo caala manøgø mo cäŋa öö.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 13:9

Neennu, cäŋ mar Wuuö Jwøk öö, ni beeye cäŋ mo raac døc ma mar bëët rääm, ki wëër mo liel kaamar maac, ni tïïya ŋöömö manøgø nee dööŋe keere. Ni ö Wuuö Jwøki ni thöör jø raay mo ŋöömmögø ki 'näk.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Jeremaya 16:10

«'Ba kanyo caanï luupi ii jï jøøi, noo pëënyge ïïni, na ‹?Aŋø, aperŋø na ö Wuuö Jwøki na caan gïïögø ni døøŋŋø ni leth yøø ni tägö dëëtwa en? ?Agïnaŋø na baacwa, na agïnaŋø na raac na tïïcwa dëër Wuuö Jwøk, Jwøk marø?›

Jeremaya 16:7

Ni bäŋ ŋat mo cïpi ki cam jï jø wø kïmmi ni cøma cwïnyge kiper thøø, ni bäŋ gïn mo di maadhø mo cïbe cïbö jïge ni cøma cwïnyge, ge na wëëkge ki mëëkge thøw.

Jeremaya 4:5

«Caannu yi Jerucalem, ni køpu gø dï ŋööm Juuda bäre, ni kööu, ni ‹Koothu tuŋi dï paac bäre.› Tïŋu döötu maal ni kööu, ni ‹Cooŋŋu rou kanya aciel nøø reŋŋø yïth päänye moa no ogeerø ni teek.›

Jeremaya 5:22

?Aŋø, u ba lwäär ki aani? ?Aŋø, dëëtu ba kwanynyi nyïma? Aani, akwöö atïïa na keew mar naama dwøŋ, ni tïm akwöö na gëëŋi na bäre bäre, ni ba løny ki man kaali ya naammi. Këël athaga doo kwödö døc, keew manøgø ba dee raanynyø, ni këël doo öö ni lwör, ba løny ki man pääre ki bäät gø.

Edhikiel 12:23

Ennø, caanï jïge ni man beeye luumma caan Kwäärö Wuuö Jwøki, ena köö, ni ‹Nïne mo wëëk luup moa nyooth bëët thur karge aløny ni öö. 'Ba luum leer manøgø oputa raanynyø nee ba cari këët dï Icriel.

Edhikiel 21:12

Wui, ï na wär dhaanhø, jwöŋï ni gööï ko oduuru, kiper opëëllö manøgø jääla jiy 'moa, ki jø kööre mo Icriel. Jiy moøgø yaa cïp dho opëëllö, ge ki jiya bëët. Kiper manøgønø, jwöŋï niï pööta köörï.

Edhikiel 30:3

Kiper dïcäŋöca kare aløny ni cään; cäŋ Wuuö Jwøk kare aløny ni cään, ni beeye cäŋ mo maal gääbö ki pøøl, na cäŋ ränynyö mar wïth juurre.

Edhikiel 33:3

'Ba ööny tøŋ yi ŋööm paac ojoot ŋatøgø, ni ö eni ni put tuuŋ kooth ni köömma jiy.

Edhikiel 33:6

'Ba ni näk mo ŋat koor manøgø opëëllö joode joodø ni öö, ni wec tuuŋ ki kooth ki man kööm jiy, ni öö opëëllö ni 'näge ki dhaanhø røk jøøgø, ŋatøca othøw yïth raay moe. 'Ba aani, rem ŋatøgø pëënynya pëënynyö bäät ŋat koor manøgø.›

Edhikiel 7:10

«Ka adïëri møn, cäŋöca beeye en! Ena nø öö! Cäŋ man jääl uuni yie aløny ni öö; wëër mano ö bäätu anø tägö ki man nyooth ree; atöör anø døøŋŋø bäätu.

Edhikiel 7:12

Kanyaca anø öö, cäŋöca anø pïï. Jø wø ŋëëö ki jammi kär yïthge mïnnö, ni ö jø wø gädhö ni ba kïmge, kiper wëër mano ööi ööa bäät lwaak bäre.

Daniel 6:26

«Ennø, aana kän wøk ki ciik: Jiy bëët moa en ya akwöm nyec mara bëëtge ni ge lwäära Jwø Daniel ni dëëtge kwanynyi nyïme.» «Kiper beeye Jwøa kwøw ni wø bëëdö na bäre bäre, ni buc nyec mare beeye man wø bëëdö ni ba ränynyi, ni teek mare bëëdö na bäre bäre.

Daniel 9:16

Wui Kwäärö Wuuö Jwøk, ki køør tïïe moï bëët na näk mo bëënynyö, ennø beerra man paanyï wëër marï bäät pääny marï ma Jerucalem, ni wø en bäät kïnna en kur keere; kiper Jerucalem ki jiy moï atïmö na gïr ajøøŋ jï jiy bëët moa en deŋwa ki køør gïïa bacwa ki raay mo kwäcwa.

Daniel 9:20

'Ba kanya bëëda naa cäänö naa lämö naa køpa raay 'moa ki mo jø powa ma jø Icriel, naa peedha kwac mara nyïm Wuuö Jwøk, Jwøk mara, kiper thuur mar Øt Jwøk na en kur keere,

Odheea 5:8

«Koothu tuuŋ bäät jø Giba, ni koothu tuuŋ bäät jø Reema! Köögu nee wïny jø Bëëth-Awëën! Wui, jø tuuŋ Benjamen, tïŋŋu leny!

Odheea 8:1

'Ba Wuuö Jwøk aköö, ni «Jek riï ki man koothï tuuŋ! Nyimän aöö kaamar coor nee tïïe ki gïn mo raac dëër ŋöömö mara, a na Wuuö Jwøk, kiper jø Icriel, luumma tuuda ki kwäcge akwierge, ni gëëmge ki ciik 'moa.

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Jool 2:11

Wuuö Jwøk dwøre omäri nyïm bäänyö na caal jø leny moe; ka adïëri møn, twïër marge dwøŋ døc, ni ge na jïëc dwør Wuuö Jwøk, ge teek døc. Ka adïëri møn, cäŋ Wuuö Jwøk dwøŋ, ni beeye cäŋ lwär. ?Aŋa ni løny jïre ki man jïëny gø?

Jool 2:15

Uuni, koothu tuuŋ yi Dhayan, ni gööyu piny ki cäŋ mo you cïp kur keere, mo jiy ba cämö yie, ni cwötu ka acooŋa mo ena kur keere,

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Jool 3:14

Wui lwaak, lwaa päl, u ena goor ŋøl luup, kiper cäŋ Wuuö Jwøk kare acäännö goor ŋøl luup.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Amøc 3:6

?A ni näk tuuŋ okoodhø dï paac kiper leny, dëët jiy bëët ba kwanynyi? ?Aŋø, ni näk gïn mo raac ööa bäät paac, paa Wuuö Jwøk møn na tïïc gø?

Amøc 5:18

Otïmö ni raac jïïu, u ni many dïcäŋa näk mar Wuuö Jwøk. ?Agïnaŋø noo duu dïcäŋa näk mar Wuuö Jwøki jïïu? Dïcäŋa näk mar Wuuö Jwøk otïmö na muudhö ni patha tar.

Amøc 8:2

Ni kööe, ni «?Amøc, agïnaŋø ni nëëni jïrï enø?» Ni kööa, ni «Beeye gupa mo päŋ ki nyïïjenni moo ciek.» Køøre Wuuö Jwøk aköö jïra, «Aŋuun nïr jiya ma jø Icriel apäŋ kaamar nïr nyïïjenni mo ociek. Ennø, ge ba wiia këët.

Obadiya 1:15

«'Ba cäŋ mar Wuuö Jwøk kiper wïth juurre bëët kare cään; gïïa tïïyu dï tïïö dëëtu; ni tïïe moa tïïyu dwøga wïthu.

Jepaniya 1:14

Cäŋa dwøŋ mar Wuuö Jwøk aløny ni kare cään; aløny ni kare cään ni läädö døc ki man laar öö. Cegu ïthu, oduuru mo dwøŋ dagø mo tägö yi cäŋ mar Wuuö Jwøk! Yi cäŋ manøgø, jø leny ge kwöŋŋö ki kwöŋŋö mo leth døc.

Jepaniya 1:16

Ni beeye cäŋ mano wïny dwør tuuŋ yie, ki dööt jø leny mo nyaga päänye moa no ogeerø ni teek, ki uut koor moa no ogeer maal yïth gøøde mo kiir.

Jepaniya 1:7

Bëëdu nou lïŋö nyïm Kwäärö Wuuö Jwøk! Kiper cäŋ Wuuö Jwøk kare acäännö. Kiper Wuuö Jwøk ree ee nø jiiŋŋø ki man 'näk jiy kaawat man wø 'näk lääy mo wø cïp no olämme, ni jøøa näk ee cwølø kiper 'näk manøgø ee nø jiiŋŋø.

Jepaniya 3:11

'Ba dïcäŋöca, u na jiya, wïthu ba lääy këët kiper japa reyø bëët na tïïyu dëëra. Kiper jiy bëët mo wø töödö ni pwøya dëëtge, ge raanynya raanynyø yi Jerucalem; ni tïme ni bäŋ dhaanhø mo töödö këët bäät kïdi mara na en kur keere.

Dhekaraya 14:1

Wui Jerucalem, ka adïëri møn, cäŋ Wuuö Jwøk aløny ni öö, ni beeye cäŋo twier ïïni yie, noo pääŋ jammi moï nyïmï ni nëënö jïrï.

Dhekaraya 8:3

Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Milkiya 4:1

'Ba Wuuö Jwøk, eni na wïth jammi bëët, aköö, «Neennu, da dïcäŋ mo öö, ni da maac mo liel døc kaamar maa dwaar; ni ö jø atöörri ki jø raay bëët ni tïmge kaamar lethø, ni put ge waaŋ dïcäŋöce kaamar jaath mo owaaŋ ki dëëre bäre këël lweete, ni bäŋgø mo dööŋ dëëtge na bäre bäre.

Kwään Jiy 10:2

ni «Thädhï ki tuŋi ariiø ma gwel-bïrö kiper nee tïmge na gïï wø cwølï lwaak ki ge, nee tïmge na nyuuthe kiper daak twïër thuwø.

Kwään Jiy 10:3

Ni kany wäro kooth tuŋi karge riedi, lwaak bäre rege dige cooŋa buutï deŋ dho oduŋkaany røømmø.

1 Körin 14:8

?'Ba ni näk tuuŋ di koodhø ni dwøre ba ŋec, aŋa noo jek dëëre kiper leny?

Pilipay 2:12

Kiper manøgønø, u no omëëya, u ni wø leŋ luup cooth, beerra man putu pïëm man piem uuni ki gø tïïc no othur kare nou lwäär ni dëëtu kwanynyi, ni paa kany wø nuda buutu keere, 'ba doo beerra eni man putu gø tïïc, këël kany tøøra buutu en.

1 Thecalönika 5:2

Kiper uuni ki dëëtu, ŋäyu døøc, ni Cäŋ Kwäärö öö kaamar kuu ni wø ööi ki wäär.

Jeemeth 5:8

'Ba uuni thuwø cïbu cwïnynyu piny, ni maau cwïnynyu kanya ciel, kiper ööny Kwäärö kare acäännö.

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

Mana Nyooth 6:17

Kiper cäŋa dwøŋ na näk mar wëër marge apïï. ?Na aŋa noo maar cuŋŋö?»