Jool 1:13 - Wëël Jwøk

¹³ Wui, u na dïlämme, røøu keece dëëtu na abïïe, ni kïmmu; wui, u ni tïïc maru beeye cïp olämme bäät gïn wø cïp olämme bääte, gööu ko oduuru; wui, u ni wø tïny Jwøk mara, ööu ni thöörru wäär bäre ni keece ena dëëtu; kiper muuce mo beel, ki muuce mo kwøŋ bäŋgø mo kïtha yi Øt Jwøk maru këët.

Jool 1:13 Iomraidhean Croise

2 Camiel 12:16

Kanyøgønø, Deebit Jwøk akwaaye kiper täw nyilaal; 'ba Deebit aput kweer ki cam, ni but piny yïth ŋøøm jaak ki dïwäär bäre.

1 Nyeye 21:27

'Ba kanya ö Akapi na wïny luupögø, abïï mare aput jeec ki pänh cwïny, ni røø keeca dëëre na abïï, ni bëëde ni eni wödö ni ba cämö, ni eni buuta yi keeca, ni put bëëtö ni cwïnye opädhö.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Aydheea 61:6

'Ba ge na jiya geno cwøl na dïlämme mo Wuuö Jwøk, ni cøøri ya jiyi ni jø wø tïny Jwøk marø. Geno cämö ki jap kwär mo wïth juurre, ni jïëmge ki køør jammi moøgø.

Jeremaya 4:8

Kiper manøgønø, røøu keece dëëtu, ni jwöŋu ni gøøyu oduuru; kiper wëër mara, a na Wuuö Jwøk, ni wø liel kaamar maac kära paanyø bäätu.

Jeremaya 9:10

Aani, a jwöŋö ni kïmma kiper powa bäre, këël kïte moa en yie, ni gööa ko oduuru kiper kwör kwaath na en dï paap, kiper gena ränynyö, ni bäŋe ŋat mo ci yïthge, ni bäŋe dwør dhieŋ mo wïnyi. Ni ö wenynyi ki lääy bëët ni bwøkge ni aacge.

Edhikiel 21:12

Wui, ï na wär dhaanhø, jwöŋï ni gööï ko oduuru, kiper opëëllö manøgø jääla jiy 'moa, ki jø kööre mo Icriel. Jiy moøgø yaa cïp dho opëëllö, ge ki jiya bëët. Kiper manøgønø, jwöŋï niï pööta köörï.

Edhikiel 27:31

Ni gwäärge wïthge wøk kiperï, ni dwølge keece dëëtge. Ge jwöŋö bäätï ni cwïnyge oränynyö, ni ge kïmmö ki kïmmö mo dwøŋ døc.

Edhikiel 7:18

Geni, keece orøcge na abïïe ni bëët dëëtge ni kwanynyi ki lwär; wïthge otïmö ni laay bëët, ni ö wïthge ni gwääri wøk bëët.

Odheea 9:5

?Agïnaŋø noo tïïyu yïth cääŋŋe moa no ocïp piny ni wø wøør jï Wuuö Jwøk?

Jool 2:12

'Ba këël kawaane en, Wuuö Jwøk poot köö, ni «Duu baŋa ki cwïnynyu bäre, ni kwierru cam, ni jwöŋu, ni kïmmu.

Jool 2:14

?Aŋa ni ŋäc gø? Kanymør ree di løø, ni war cwïnye, ni wëëk køøre ki gwïëth, ni jïtu ki beel ki kwøŋ mo løny ki man cïpu ge na muuce jïre, eni na Wuuö Jwøk, Jwøk maru.

Jool 2:17

Beerra man ö dïlämme ni wø tïny Wuuö Jwøk, ni jwöŋge yïthakic gïn wø cïp olämme bääte ka agööl dhi Øt Jwøk, ni köge, ni «Wui Wuuö Jwøk, cwïnyï pädhe ki gïr jiyï, ni ba tïïyï jiyï na näk thöögï na gïr apääda, na gïr aŋaada dï wïth juurre. ?Aŋø, wïth juurre doo pëëö møn, ni ‹?Jwøk marge en kaa?›?»

Kwään Jiy 28:14

'Ba muuy mar køøŋø dou tïïö na rumme aŋween ki røk rumme abära moa en yi rumi mana cwøl ni in kiper rwaath aciel man nø, ki rumme adäk ki røk rumme abära kiper nywø røømmø, ki rumme ariiø ki røk rumme abära kiper nyirøømmø aciel man nø. Manøgø beeye olämi man wø waaŋ kany wø päär dwääyi man nø ki yi cwiir bäre.

Kwään Jiy 28:4

'Ba nyidiel aciel dou cïbö ka amöölla, ni cïpu maya kany wø tïme na abøøya;

Kwään Jiy 28:7

'Ba muuy mar køøŋø dou tïïö na rumme ariiø mo lwørra røk rumme abära moa en yi rumi mana cwøl ni in kiper nyidiel aciel man nø, ni kønynyï køøŋŋøgø piny kar lam mana en kur keere jïra, a na Wuuö Jwøk.

Kwään Jiy 29:6

ni meedu olämi manøgø bäät olämme mo wø waaŋ kany wø päär dwääyi cooth, ki mo wø waaŋ cooth ki yïth cääŋŋe bëët, no olämme moøgø bëët cïp na aciel ki muuce mo beel ki muuce mo kwøŋ; ni beege mo wø cïpu ki køør mana no ocaanø kiperge, ni geno olämme mo wø waaŋ na ŋwäänyge met jïra, a na Wuuö Jwøk.

1 Körin 4:1

'Ba man en beeye mana doo caar dhaanhe kiperwa, ni waana jø wø tïny Krictø, na näk jøøa wëëk tïïe mo Jwøk na näk ee kwøŋ kan.

1 Körin 9:13

?Aŋø, kuyu ni jø wø tïïö yi Øt Jwøk, wø cama caap Øt Jwøk, ni jø wø tïïö kar gïn wø cïp olämme bääte wø jïta ro olämme mo wø cïp bääte?

2 Körin 11:23

?Gena jiy mo tïnynya Krictø? Theemma aani. Ŋääa naa cäänö kee aana bøøl. Aani, kadha öölö mara, ni kadha aani ki tööyö uut tööc. Aana pööti ki kwör pöödö mo ba kwaan, ni bødha kwör mo thööth ki thøø.

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

2 Körin 6:4

'Ba dëëtwa ewa nyoodhø ki yïth jammi bëët ni waana laaŋe mo Jwøk ki køør gïï wø leth døc wø jïënywa, teeŋ ka gïï wø pïï dëëtwa, ki caannø, ki rïm can,

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»