Jøcua 9:8 - Wëël Jwøk

⁸ 'Ba gena köö jï Jøcua, ni «Waani, waana laaŋe moï.» Køøre Jøcua aköö jïge, «?Uuna ŋaani cøøn di? ?U kälu kaa ŋø?»

Jøcua 9:8 Iomraidhean Croise

2 Nyeye 10:5

Køøre ŋata bëën paan dwøŋ, ki ŋata bëën pääny, ki jø døøŋŋø, ki jiy mo wø piith jøøa käl dëër nyeya, gena jääk baŋ Jiyu ki dwøl ni köge, ni «Waani waana jiy moï, ni gïïo caanï jïwa bëët tïïcwa tïïö; 'ba waani bäŋ dhaanhø mo røønywa na nyeya. Beerra man tïïyï mana manynyï jaak.»

Tiet Ciik 20:11

'Ba ni näk mo ge duunnö ki dwør mëër jïïu, ni japge dhi kiir jïïu, jiy bëët moa en yi päänyögø wär magu ni tïmge na jø tïïc jïïu, ni putge u tïnynyö.

Jøcua 10:6

Køøre jø Gibien ajääk baŋ Jøcua ki dwøl kanya näk jø Icriel twïër marge ege tïïö yie Gëlgela, ni köge, ni «Kär wa weyï jaak; køny waani, wa na laaŋe moï. Ennø laar rwänh baŋwa ni gwøgï jwïëy mowa ni kønyï wa, kiper nyeye mo jø Amör bëët na näk bëëdö mïëya en bäät kïte dëëtge adwalge nee këëtge ki waani.»

Jøcua 9:11

Ni ö jø døøŋŋø mowa ki jiy bëët moa bëëdö powa ni cäänge ki waani, ni köge, ni ‹Käädu ki caammi kiper wääth øtjöö, ni cou nou røømmu ki jø Icriel, ni kööu jïge, ni «Waani, waana laaŋe mou; 'ba ennø, wa kwaya uuni nou tudu ki luubö ki waani.» ›

Jøcua 9:23

Ennø, uuna jiy mo ocienø møn; 'ba u puta bëëtö ni uuna laaŋe na bäre bäre, ni uuna dïmööt jenni ki jø wøm pïï kiper oduŋkaara na näk kar bëëtö mar Jwøa.»

Jøcua 9:25

'Ba ennø, neenï, waano løny ni wa ena cerï; gïna beerra eni na adïëri ki baŋï tïïyï jïwa.»

Jøcua 9:27

'Ba ki mana täge dïcäŋ manøgø, Jøcua jøøgø aput tïïc na dïmööt jenni ki jø wøm pïï jï lwaa Icriel këël kiper gïn wø cïp olämme bääte mar Wuuö Jwøk kany wø jier Wuuö Jwøki jaak. Ni put gïnögø bëëtö ni tïïcge tïïö këël dïcäŋi en.