Jøcua 9:24 - Wëël Jwøk

²⁴ 'Ba aløk jøøgø jï Jøcua ni köge, ni «Gïna caan jïwa, wa na laaŋe moï, beeye en; akøp ni Wuuö Jwøk, Jwøk marï, dhaanhnhe ma Modhe ee nø köömmö nee ŋöömö man bäre en cïbe jïïu, ni dïïr wïth jiy bëët moø bëëdö yi ŋöömö man en nyïmmu. Kiper manøgønø, waana lwäyö døc kiper jwïëy mowa kiper gïna wïnywa kiperu, ni beeye tiere gø ni tïïcwa gïn en.

Jøcua 9:24 Iomraidhean Croise

Jööp 2:4

'Ba aløk Ceethanni ni kööe, ni «Ŋati man nø jwøra gïno pïï dëëre. 'Ba dhaanhø løny jïre ki man cïp jap kwøwe bëët kiper jwïëye.

Mathiew 10:28

Ni käru nou lwäyö ki jø wø 'näk dëël ni ba løny jïge ki man 'näkge jwïëy. 'Ba beerra man lwäärru ŋat wø løny jïre ki man raany jwïëy ki dëël karge riet yi maac kar ajäla.

Jøcua 10:2

'Ba kanyøgønø, Adöni-Dhëdek ki jiye, gena lwäyö døc, kiper Gibien beeye pääny mo dwøŋ ni caala päänye moa en ceŋ nyeye kaagø, ni dwøŋŋa eni ki pääny Gaay; ni jø leny moa en yie bëët teek døc.

Jøcua 2:11

'Ba kanya wïnywa gïnögø, cwïnywa abwøk, ni bäŋe dhaanhø aciel mo cwïnye ee maar mak kiperu; kiper Wuuö Jwøk na näk Jwøu, beeye Jwøk mo maal ki piny ena cere.

Jøcua 2:9

ni kööe jïge, ni «Ŋääa ni Wuuö Jwøk ŋöömmi en ee cïbö jïïu, ni wa bëëdö ni wa lwäär ki uuni døc, ni ö jøøi ni bëëdö kany bëët ii, ni bëëtge ni ge böö ki uuni.

Jøcua 6:21

Ni ö jø Icrielli ni 'näkge gïïa en yi päänyögø bëët ko opëëlle, ni beege cwøw ki mään, ko obwöre ki jø døøŋŋø, ki dhäk ki dïëk ka arëëni.

Jøcua 9:9

'Ba gena köö jï Jøcua, ni «Waani, wa na laaŋe moï, waana öö ni wa käla paac mo bäär døc kiper wïny nyeŋ mar Wuuö Jwøk na näk Jwøk marï; kiper waae mo gïïa tïïe awïnywa, ni beege gïïa tïïe bëët Ijep,