Jøcua 9:11 - Wëël Jwøk

¹¹ Ni ö jø døøŋŋø mowa ki jiy bëët moa bëëdö powa ni cäänge ki waani, ni köge, ni ‹Käädu ki caammi kiper wääth øtjöö, ni cou nou røømmu ki jø Icriel, ni kööu jïge, ni «Waani, waana laaŋe mou; 'ba ennø, wa kwaya uuni nou tudu ki luubö ki waani.» ›

Jøcua 9:11 Iomraidhean Croise

Wïlöölö 43:12

Käädu ki gwel mo thööth mo orømø, ni dwøgu gwel moa duuö na en dhøk opïri mou, kiper kanymør ööi ni kuc.

2 Nyeye 10:5

Køøre ŋata bëën paan dwøŋ, ki ŋata bëën pääny, ki jø døøŋŋø, ki jiy mo wø piith jøøa käl dëër nyeya, gena jääk baŋ Jiyu ki dwøl ni köge, ni «Waani waana jiy moï, ni gïïo caanï jïwa bëët tïïcwa tïïö; 'ba waani bäŋ dhaanhø mo røønywa na nyeya. Beerra man tïïyï mana manynyï jaak.»

Acther 8:17

Kanyøgø yïth mïëri bëët, ki yïth päänye bëët kwöra näk dwør nyeya ka awaaci mare opïï yïthge, kanynyø ki met ec aput tägö yïthakic jø Juuth, ni tïïge ka ajwöma mo dwøŋ yi cäŋ manøgø. Køøre jø møøk mo thööth moa en dï mïëri dëëtge aløkge na jø Juuth, kiper gena lwäyö ki jø Juuth.

Luk 9:3

Ni kööm geni, ni «Kär dee gïn kääru kiper wääthu, teeŋ ka alaŋkaace, wala opïri, wala muunni, wala gwel. Ni bäŋe ŋat käädö ka abïïe ariiø.

Jøcua 1:11

ni «Cou dï twïër ni köömmu jiy ni kööu, ni ‹Tïïu ki caammi kiper dëëtu, kiper noo tïme na ri dää nïne, naami na Jördan en ŋøllu ŋølø, ni cou yi ŋöömmo cïp jïïu na maru nee mayu. Ni ŋöömmögø cïpa Wuuö Jwøki na näk Jwøu.› »

Jøcua 9:10

ki gïïa tïïe bëët dëët nyeye mo jø Amör moa näk ariiø na bëëdö løø Naam Jördan løøga, ni beege Cëëwön, nyeya mana näk bëëdö Ëcbön, ki Ög nyeny jø Baacan na näk bëëdö päänya cwøl na Actaröth.

Jøcua 9:12

Caammi moi ni käärwa ii na gala kiper wääth øtjöö, kanya lwørwa ge mïëcwa, ni beeye dïcäŋa tïŋwa yie ni wa ööa baŋu, kar kaaca poot nyärö; 'ba ennø, neenï, anø tal ni puunge.

Jøcua 9:8

'Ba gena köö jï Jøcua, ni «Waani, waana laaŋe moï.» Køøre Jøcua aköö jïge, «?Uuna ŋaani cøøn di? ?U kälu kaa ŋø?»