Jøcua 9:1 - Wëël Jwøk

¹ 'Ba na tïme na kaagø, gïïa tïïc jø Icrielli awïny nyeye bëët moa bëëdö løø Naam Jördan jï løø kur pänh-cäŋ, na näk bëëdö mïëya en bäät kïte, ki mïëya en yi ŋöömma näk ree ee päärö, ki mïëya en bäät naama dwøŋ bëët, këël mana këët ri Kïn Libaanø, ni beege jø Këth, ki jø Amör, ki jø Keenan, ki jø Përec, ki jø Ëwi, ki jø Jeebuc.

Jøcua 9:1 Iomraidhean Croise

2 Camiel 24:7

Ni cige pääny mana cwøl ni Tayar, na näk ogeerø ni teek, ni cige yïth päänye mo jø Ëwi ki päänye mo jø Keenan bëët, këël mana putge pïï Bëërcïïba na en Juuda jï kuna näk da tier-piny.

Bwøth Wøk 23:23

Kiper nyïïatwiel maal mara manøgø ocäädhi maal nyïmmu, ni kïth uuni yïth ŋøøp jø Amör, ki jø Këth, ki jø Përec, ki jø Keenan, ki jø Ëwi, ki jø Jeebuc; ni puta geni raanynyø na bäre.

Bwøth Wøk 23:31

Ni tïïa keew maru ni täge ka Naama Kwaar këël mano këët ri naam jø Pilitin, ni ö keewi maya ni täge ki dï paap këël mano këët ri Naam Upareeti. Jøøa bëëdö yïth ŋøøpøgø ocïba ceŋŋu, ni putu geni riem wøk nyïmmu.

Bwøth Wøk 3:17

ni beeye ni kööa ennø nou käla wøk ki yi Ijep na näk kar can, ni kïtha uuni po jø Keenan ki jø Këth ki jø Amör ki jø Përec ki jø Ëwi ki jø Jeebuc, yi ŋöömma näk caak ki maar kïc päl yie.›

Bwøth Wøk 34:11

Gwøk gïn ni köömma ïïni ki gø dïcäŋi en. Ka adïëri møn, jø Amör, ki jø Keenan, ki jø Këth, ki jø Përec, ki jø Ëwi, ki jø Jeebuc riema wøk nyïmï.

Kwään Jiy 13:29

'Ba jø Amalëk ge bëëdö Nëgëp, ni ö jø Këth ki jø Jeebuc ki jø Amör ni bëëtge mïëya en bäät kïte, ni ö jø Keenan ni bëëtge deŋ naama dwøŋ ki deŋ Naam Jördan.»

Kwään Jiy 34:6

«'Ba waŋkeew maru ki jï løø kur pänh-cäŋ otïmö na naama dwøŋ ki deŋŋe bäre. Manøgø otïmö na waŋkeew maru ki jï løø kur pänh-cäŋ.

Tiet Ciik 1:7

Ööu maal ni aayu, ni cou po jø Amör mïëya en bäät kïte, ki mïëri mo jøøa en buutge bëët moa en yi goor Naam Jördan ni wø cwøl na Araaba, ki mïëri moa en bäät thuuri, ki moa en ŋöömma näk ree ee päärö, ki moa en kanya cwøl ni Nëgëp, ki moa en bäät naama dwøŋ, ni ŋøøpøgø bëët beege ŋøøp jø Keenan; ni cou kanya cwøl ni Libaanø këël mano këët Upareeti na näk naam mo dwøŋ.

Tiet Ciik 3:25

A kwaaya ïïni, wëëk a ŋut løø Naam Jördan løøga, nee ŋöömma beer na en løø Naam Jördan kaace jooda, ni beege mïëya en bäät kïte na beyø, ki kanya cwøl ni Libaanø.›

Tiet Ciik 4:49

Ni kälge gool bäre mana cwøl na Araaba na en løø Naam Jördan jï løø kur tuul-cäŋ, këël mana këët Naam Araaba na en tier Kïn Pedhega.

Tiet Ciik 7:1

«'Ba Wuuö Jwøk na näk Jwøu u kïthe yi ŋöömmo cou yie nou lwørru na maru, ni riem wïth juurre mo thööth wøk nyïmmu, ni beege jø Këth ki jø Gërgëca ki jø Amör ki jø Keenan ki jø Përec ki jø Ëwi ki jø Jeebuc, ni beege wïth juurre abïriiø mo thöötha geni ki uuni mo kaala uuni ki teek.

Jøcua 1:15

'Ba u doo bëëdö nou køønynya nyïïmëëgu këël mano ö Wuuö Jwøki noo mooc geni ki jwöm, kaawat mana mooc uuni ki jwöm, këël mano ö geni thuwø noo macge ŋöömö mano cïp Wuuö Jwøki na näk Jwøu jïge. Køøre nø, uuno døø yi ŋöömö mana näk maru ni bëëdu yie, ni beeye ŋöömma näk onø cïp Modhe na näk dhaanh Wuuö Jwøk jïïu na en løø Naam Jördan løøi jï løø kur tuul-cäŋ.»

Jøcua 1:4

Ni tïm nyeŋ keee mo ŋøøm mou ni tägi ka dï paap këël mano këët røk Kït Libaanø; ni maya tägi ka naama cwøl ni Upareeti këël mano këët naama dwøŋ jï løø kur pänh-cäŋ, ni beeye ŋööm jø Këth bäre.

Jøcua 10:23

Ni ö jøøgø ni putge gïnögø tïïc, ni kälge nyeye moøgø na abïïc yøø wøk baŋe ki yi øt kïdi; ni nyeye moøgø beege nyeny Jerucalem, ki nyeny Keeprön, ki nyeny Jërmut, ki nyeny Lakic, ki nyeny Ëglön.

Jøcua 11:17

'Ba ŋöömö manøgø tägi ka ri Kïn Alak, na en buut Cëër, këël mana këët Baal-Gaat na en goor Libaanø tier Kïn Armön. Ni ö Jøcua ni mak nyeye mo mïëri moøgø bëët ni 'näk geni.

Jøcua 13:5

ki ŋööm jø Gëbal, ki ŋööm Libaanø bäre, na en jï løø kur tuul-cäŋ, ni tägi ka Baal-Gaat na en tier Kïn Armön këël mana këët kanya cwøl ni Libö-Amath.

Jøcua 15:12

'Ba keew ki jï løø kur pänh-cäŋ beeye deŋ naama dwøŋ bäre. Moøgø beege nyeŋ keee moa en deŋ ŋöömö mana ci jï jø tuuŋ Juuda ki køør dhøk uudi moge.

Jøcua 22:4

'Ba ennø, Wuuö Jwøk na näk Jwøu nyïïmëëgu amooe ki jwöm kaawat mana caan gø jïge. Kiper manøgønø, u aay nø ni døøu pou, yi ŋöömma cïp Modhe na näk dhaanh Wuuö Jwøk jïïu na kuru, na en løø Naam Jördan løøga.

Jøcua 22:7

'Ba ŋöömö mana en løø Naam Jördan jï løø kur tuul-cäŋ, na näk onø cïp Modhe jï thääŋ tuuŋ Maneeca na kurge, ena Baacan; 'ba ŋöömö mana cïp Jøcua jï thääŋ tuuŋ Maneeca maya na kurge ena løø Naam Jördan jï løø kur pänh-cäŋ yïthakic tuuŋge. 'Ba Jøcua wïth tuŋi moøgø na ariiø ki thääŋö yøø, awëëk wääth nee aage poge; ni put geni gwïëth,

Jøcua 23:4

Neennu, aani ŋöömö bäre anø pääŋŋa jïïu ki køør ŋïïce mo wø tïïc ki ri kwääk ki baw nee tïme ni beeye ŋöömmo dööŋ jï wïth tuŋi mou, ni ŋöömö manøgø tägi ka Naam Jördan na en jï løø kur tuul-cäŋ këël mana aae ni këët deŋ naama dwøŋ na en jï løø kur pänh-cäŋ, ni wïth juurre bëët moa en yi ŋöömö manøgø, møøk dïge ŋøøm moge yøø nø mac, ni møøk dïge ŋøøm moge poot kärø maaø.

Jøcua 24:11

« ‹'Ba uuni Naam Jördan aŋøllu ni pïïyu Jerikö; ni ö jøøa bëëdö Jerikö ni këëtge ki uuni. Këël jø Amör, ki jø Përec, ki jø Keenan, ki jø Këth, ki jø Gërgëca, ki jø Ëwi, ki jø Jeebuc gena këëdö ki uuni thuwø. 'Ba ge bëët gena cïba ceŋŋu.

Jøcua 3:10

Ni cäŋ Jøcua köö, ni «Ki ri mano tal naammi en nø, oŋäyu ni Jwøa kwøw ena dïïu, ni ŋäyu gø thuwø ni eni jø Keenan, ki jø Këth, ki jø Ëwi, ki jø Përec, ki jø Gërgëca, ki jø Amör, ki jø Jeebuc rieme wøk nyïmmu.

Jøcua 3:17

'Ba dïlämme moa biel acanduk man wø nyooth luumma tuut Jwøki ki jiy na näk mar Wuuö Jwøk, gena cuŋŋö kany mo otal dï Naam Jördan; ni ö jø Icrielli bëët ni putge ŋut løøga ni ge cäädhi ka kany mo otal, këël mana ö wïth tuŋi bëët mo jø Icriel ni putge thum løø Naam Jördan løøga.

Jøcua 5:1

'Ba kanya ö nyeye bëët mo jø Amör moa en løø Naam Jördan løøga jï løø kur pänh-cäŋ, ki nyeye mo Keenan bëët moa en bäät naama dwøŋ, na wïnyge gø ni Wuuö Jwøk pï Naam Jördan ataale nyïm jø Icriel këël mana ŋutge løøga, geni cwïnyge abwøk, ni päth bäätge ki lwär kiper jø Icriel.

Jøcua 6:27

'Ba Wuuö Jwøk aput bëëtö ki Jøcua, ni ö nyeŋ Jøcua ni put wïnynye yi ŋöömmögø bäre.

Jøcua 9:7

'Ba jø Icriel aköö jï jø Ëwi, «?Aŋø, a kanymør u bëëdö kany mo kare cään ki waani; waano tutwa ki luubö ki uuni kiper ŋø?»