Jøcua 8:4 - Wëël Jwøk

⁴ 'Ba gena köömme ni kööe, ni «Neennu, uuni u cøøa kuna kannu dëëtu ŋää pääny manøgø. Kär karu tïïyu ni bäär ki gø. 'Ba uuni bëët, wäru bëëdu ni dëëtu you jiiŋŋø.

Jøcua 8:4 Iomraidhean Croise

2 Nyeye 7:12

'Ba nyeya aö maal ki dï wäär ni caan gø jï jø kööre moe ni kööe, ni «Ennø, gïn tïïc jø Arammi dëëtø en caana caanø jïïu. Geni ŋäcge ni øøno 'näk käci; kiper manøgø nø, gena aay twïër marge ni kange dëëtge yi pwöla, ni köge, ni ‹Kanyo ö jø Icrielli wøk ki yi pääny, ge putø ka mak ni dønynyø yi pääny marge.› »

2 Luup Nyeye 13:13

'Ba Jeröbäm jø leny moe møøk ee kan töök jø leny mo jø Juuda, nee ge öge ki ŋäth jø Juuda, ni thööth jø leny mo Icriel ena nyïm jø Juuda, kanya bëët jø lenynyi moøgøøni ni ena ŋäth jø Juuda.

Luup Dïpööy 7:19

Leec wïc cïpö ki teek jï ŋat mo wïïe leer ni kaala teek mar cuumme apaar mo ena yi pääny.

Luup Dïpööy 9:16

Køøre aana köö, ni «Beerra leec wïc ni kaala teek mar dhaanhø.» 'Ba leec wïc mar ŋata can ataak ni luup moe kär leŋø.

Moa Tïïc Nyïïatwieli 23:21

'Ba kär niï jïëy ki luumge. Kiper da jiy røkge mo jïtö ki pïëraŋween ki wïthge, mo geno møør piny, ni ge koora Pøøl, ni rege ege lamø ni ge ba cämö wala maath këël mano 'näkge gø. 'Ba kawaane dëëtge ege jiiø, ni ge koora luummo caanï.»

Jøcua 8:16

Ni ö cwøwi bëët moa en paac ni cwøli nee reŋge køør Jøcua ki jø Icriel, ni putge reŋ køørge, ni ö geni ni puti pee kany mo bäär ki paac.

Jøcua 8:3

Køøre Jøcua ki jø leny bëët aput tïŋŋö ni ge cøøa baŋ jø Gaay; ni ö Jøcua ni kwänye ki jø leny mo teek marge okadhø, ni beege jiy ma kume ma pïëradäk, ni jääŋ ge wøk ki wäär.

Pïëmme 20:29

Kanyøgønø, jø Icriel jiy møøk aputge tïïc nee rege kange deŋ Giba.

Pïëmme 20:33

Køøre jø leny mo jø Icriel acuŋŋö ni løkge rege ki kwöra reŋge yïthge, ni cïïmge rege na dhøgi kanya cwøl ni Baal-Tamar; ni ö jø Icrielli moa näk rege ege kanø ni pänyge maal ki kanya enge yie pwöl Giba.

Pïëmme 20:36

Kanyøgønø, jø tuuŋ Benjamen aputge joot ni wïthge odïdö. 'Ba kar kaaca, kanya tïme na ri leny, jø Icriel adøø ŋäthge ni wecge jø tuuŋ Benjamen, kiper ge ŋäätha jøw moa no okanø na näk ege cïp kaace nee ge këëtge ki jø Giba.

Pïëmme 9:25

Køøre jø Cekam jiy atïïcge nee møørge piny bäät kïte moa en kaace ni marge ageem ka Abimëlëk; ni ö jøøgø ni twierge jiy bëët mo wø cør øtjöö mana en buutge kaace; 'ba luubö manøgø awïnyö baŋ Abimëlëk.

Pïëmme 9:32

'Ba ennø, ïïni ki jø leny moøgø ni buutï yøø, pänynyu maal ki wäär, ni ööu ni butu piny yi pwöl leny ni rou you kanø.

1 Camiel 15:2

Man beeye dwør Wuuö Jwøk, eni na wïth jammi bëët, ena köö, ni ‹Jø Amalëk jääla jäälö kiper gïna tïïcge dëët jø Icriel, kanya møørge piny nyïm jø Icriel waŋjöö ni këëtge ki geni kanya öge wøk ki Ijep.

1 Camiel 15:5

Køøre Cøøl ki jø leny moøgø gena ci pääny mar jø Amalëk, ni kange rege yïthakic kïte moa en buut päänyögø.