Jøcua 8:23 - Wëël Jwøk

²³ 'Ba nyeny Gaay keere amakge ni kwøw ni kälge gø baŋ Jøcua.

Jøcua 8:23 Iomraidhean Croise

Jøcua 10:17

'Ba acaan jï Jøcua, ni køp, ni «Nyeye moa näk abïïc be, ajoot ni dëëtge ege kanø yi øt kïdi mana en buut Mekëëda.»

Jøcua 10:22

Køøre Jøcua aköö, ni «Japu dhi øt kïdi nø, ni kälu nyeye moøgø na abïïc yøø wøk baŋa.»

Jøcua 8:22

Ni ö jø Icrielli møga ni öge wøk ki yi päänyögø nee røømge ki jø leny mo Gaay. 'Ba jø leny mo jø Icriel bëët jø Gaay atiige dïër, ni jø møøk ena løøi ni jø møga ena løøga. Ni ö jø Icrielli ni putge jø Gaay bëët 'näk këël mana tïme ni bäŋ aciel mo odööŋ, ni bäŋgø mo obøth wala mo oreeŋø.

Jøcua 8:24

'Ba kanya nø tïme ni jø Icriel jø Gaay moa reŋ køørge ege nø thöör ki 'näk pwöla dï paap, ni ge ege nø 'näk bëët këël mana thumge na bäre, jø Icriel bëët adøø baŋ jiy moa en pääny Gaay, ni 'näkge ge bëët.

Jøcua 8:29

Ni ö Jøcua ni 'näk nyeny Gaay ni lïër gø ri jaath këël mana tïm pinynyi na abøøya. 'Ba kanya nø päth cäŋŋi piny, Jøcua acïpö ki dwøl, ni cige ni kälge dëër gø wøk ki ri jaath, ni leeŋge gø dhi kiir mar pääny Gaay, ni putge kïte mo thööth löör bääte, ni kïte moøgø poot nut no olöör piny kanya ciel kaace këël dïcäŋi en.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

1 Camiel 15:8

'Ba Cøøl, Agaak nyeny jø Amalëk amaae, ni 'näk jø Amalëk bëët ko opëëllö.