Jøcua 8:2 - Wëël Jwøk

² Teeŋ gïna tïïyï ri pääny Jerikö ki nyeya mare, wär tïïyï ri pääny Gaay ki nyeya mare; 'ba jammi ki lääc paac moo twierru wär källu kiper dëëtu. 'Ba ïïni, wärï känï ki jø leny møøk ŋää paanøgø.»

Jøcua 8:2 Iomraidhean Croise

2 Luup Nyeye 13:13

'Ba Jeröbäm jø leny moe møøk ee kan töök jø leny mo jø Juuda, nee ge öge ki ŋäth jø Juuda, ni thööth jø leny mo Icriel ena nyïm jø Juuda, kanya bëët jø lenynyi moøgøøni ni ena ŋäth jø Juuda.

2 Luup Nyeye 20:22

'Ba kanya täkge ki wär dudi ni pwøcge Jwøk, jø Amön, ki jø Möap, ki jø Ëdöm moa ö kuna këëtge ki jø Juuda, wïthge aput Wuuö Jwøki kier ki man 'näkge rege keerge.

Pwöc Leec Wïc 13:22

Dhaanhø mo beer wø wëëö ki gïï wø dööŋ jï nyïïkwaaye, 'ba jammi mo jø raay wø dööŋ jï jøøa marge beer.

Pwöc Leec Wïc 28:20

Ŋat mo oŋäädhö okwär ki gwïëth, 'ba ŋat wø jalli døc nee laar kwärö ba kääŋi ka ajäla.

Jeremaya 17:11

Ŋat wø jïti ki jap kwärö ki øtjöö mo patha kare, eni caala ajwiero mo buta bäät tøŋ møøk mo patha moe na leeŋ piny. 'Ba kanyo tïme na thäk nïr cwiiri moe, kwärö manøgø aay cere; 'ba noo tïme na aŋuudi, put ka ŋäc ni tïïc mana tïïe beeye tïï bøøl jaak.

Jeremaya 51:12

ŋïï wär tïŋu maal nou tugu kiir Babiløn; koor wär tïïyu ni teek døc; ni cïïmmu jiy mo rääŋö, ni ö jiyi møøk ni møørge piny. Kiper Wuuö Jwøk acaara mare wëëge thur kare, ni beeye gïna näk ee nø ŋøl ni tïïe tïïö dëër Babiløn.

Tiet Ciik 2:35

'Ba gïïa kälø keerge beege lääc paac moa maaø, ki jammi moa twierø yïth päänye moa maaø.

Tiet Ciik 20:14

'Ba mään keerge ko obwöre ki lääc paac, ki gïïa en yi pääny bëët na twierru, wär källu kiper dëëtu, ni kønynyu rou ki jap nyïïmännu moo cïp Wuuö Jwøki na näk Jwøu jïïu.

Tiet Ciik 3:2

'Ba Wuuö Jwøk aköö jïra, ni ‹Kärï lwäyö ki eni, kiper eni yaa nø cïp cerï ki jiye ki ŋöömö mare bäre. Ni ö teeŋ gïna tïïyï dëër Cëëwön nyeny jø Amör, na bëëdö Ëcbön, ni tïïyï gø dëëre.›

Jøcua 10:1

'Ba na tïme na kaagø, awïny Adöni-Dhëdek nyeny Jerucalem ni Jøcua pääny Gaay ee nø mac ni raany gø na bäre bäre, ni tïïc teeŋ gïna tïïe dëër pääny Jerikö ki nyeya mare dëër pääny Gaay ki nyeya mare; ni wïny gø thuwø ni jø Gibien, na poge en buut jø Icriel, ajïëy ki man bëëtge ki bëët-mëër ki jø Icriel.

Jøcua 10:28

'Ba Jøcua pääny Mekëëda amaae ni poot na dïcäŋögø; ni 'näk nyeya mar gø ki jiy moa en yie bëët ko opëëllö, ni dïïr wïthge bëët, ni bäŋ dhaanhø mo ee wiiø ni kwøw. 'Ba Jøcua teeŋ gïna tïïe dëër nyeny Jerikö atïïe dëër nyeny Mekëëda thuwø.

Jøcua 11:14

'Ba jø Icriel gïïa twierge mïëri moøgø bëët, këël lääc paac, akälge na moge; 'ba geni jiy bëët anäkge ko opëëllö, këël mana dïïrge wïthge, ni bäŋ dhaanhø aciel mo ege wiiø ni kwøw.

Jøcua 6:21

Ni ö jø Icrielli ni 'näkge gïïa en yi päänyögø bëët ko opëëlle, ni beege cwøw ki mään, ko obwöre ki jø døøŋŋø, ki dhäk ki dïëk ka arëëni.

Jøcua 8:12

'Ba Jøcua jø leny mo jïtö ki kume abïïc alwøre ni jääŋ geni nee rege kange yïthakic Bëthël ki Gaay, ni ge ena løø Gaay jï løø kur pänh-cäŋ.

Jøcua 8:14

'Ba kanya ö nyeny Gaay na neen gïnögø, eni ki jiye gena put päny maal ka amöölla cøøn ni ge läädö, ni cige baŋ leny ki jø Icriel kanya näk kar leny na näk dïët ki goor Jördan ni wø cwøl na Araaba. 'Ba kuc nyeny Gaay ni da jø leny mo okanø kipere ŋää pääny manøgø.

Jøcua 8:19

'Ba kanya ö Jøcua na rwiec cere, jø leny moa näk rege ege kanø ŋää paac apäny maal ki kanya enge yie; ni putge reeŋø ni dønyge yi pääny manøgø ni putge gø mak. Ni ö geni ni laarge pääny nyep ki maac.

Jøcua 8:24

'Ba kanya nø tïme ni jø Icriel jø Gaay moa reŋ køørge ege nø thöör ki 'näk pwöla dï paap, ni ge ege nø 'näk bëët këël mana thumge na bäre, jø Icriel bëët adøø baŋ jiy moa en pääny Gaay, ni 'näkge ge bëët.

Jøcua 8:3

Køøre Jøcua ki jø leny bëët aput tïŋŋö ni ge cøøa baŋ jø Gaay; ni ö Jøcua ni kwänye ki jø leny mo teek marge okadhø, ni beege jiy ma kume ma pïëradäk, ni jääŋ ge wøk ki wäär.

Jøcua 8:7

køøre nø, u puta ö maal ki kanya näk rou you kan yie, ni cou ni magu pääny manøgø, kiper Wuuö Jwøk na näk Jwøu pääny manøgø cïbe ceŋŋu.

Jøcua 8:8

'Ba kanyo tïme ni pääny you nø mak, wär putu nyep ki maac; ni tïïyu ka køør dwør Wuuö Jwøk. Neennu, uuna nø köömma.»

Jøcua 8:9

Køøre Jøcua jøøgø aput wëëk wääth, ni cige ni putge rege kan yïthakic Bëthël ki Gaay, ni ge ena løø Gaay jï løø kur pänh-cäŋ. 'Ba dïwäänögø Jøcua aput but dï jø leny møga.

Jøcua 9:3

'Ba jø Gibien kanya wïnyge gïna tïïc Jøcua dëër pääny Jerikö ki pääny Gaay,