Jøcua 8:1 - Wëël Jwøk

¹ Køøre Wuuö Jwøk aköö jï Jøcua, ni «Kärï lwäyö ni ba bwøk cwïnyï. Lwør jø leny mo jø Icriel bëët, ni cou baŋ jø Gaay. Neenï, aani nyeny Gaay, ki jiye, ki pääny mare, këël ŋöömö mana näk mare bäre, yaa nø cïp cerï.

Jøcua 8:1 Iomraidhean Croise

Dut Pwøc 27:1

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 43:2

Kany wø cäädhï yïth pïï, aano bëëdö naa nut buutï; ni kany wø cäädhï yïth näm, ï ba køøl pïïyi. Kany wø cørï yi maac, ï ba waaŋ, niï ba gut leep maaci.

Jeremaya 46:27

«Wui, jø Icriel, u na nyïïkwaac dhaanhnha ma Jeekap, käru lwäyö, ni ba bwøk cwïnynyu; kiper ka adïëri møn, a na Wuuö Jwøk, uuni ki jøw käl dëëtu, u piema piemø paanøgø ni kare bäär ki pou enø, na kïth uuni yie ki tøŋ. Ni ööu, u na nyïïkwaac Jeekap, ni duu pou ni bëëdu mëëth ni uuno nikwak, ni bäŋ ŋat mo wëëk uuni lwär.

Jeremaya 49:3

Wui, u ni wø bëëdö Ëcbön, jwöŋu kiper Gaay aränynyö. Wui, u ni wø bëëdö Raaba, jwöŋu, ni kïthu keece dëëtu na abïïe, ni gööu ko oduuru, ni rïïŋu nou duda yi kiir; kiper jwøu ma Milköm okïth paac mør ni mak ka tøŋ, eni ki dïlämme moe ki jø wø tïny gø.

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Mathiew 8:26

Ni kö Jecu jïge, na «?Aŋø ni lwäyu, u ni ŋäädhe maru thiinh en?» Ni ö maal ni jook jamø ni jook naam. Ni put pinynyi nibäc døc.

Tiet Ciik 1:21

Neennu, Wuuö Jwøk na näk Jwøu ŋöömö anø cïbe jïïu. Cou yie ni lwørru gø na maru, kaawat mana nø caani ya Wuuö Jwøki na näk Jwø kwäyu jïïu. Käru lwäyö, ni ba bwøk cwïnynyu.›

Tiet Ciik 31:8

'Ba Wuuö Jwøk beeye noo bwøth maal nyïmï, ni eni bëëdö buutï. Ï ba leeŋ piny, ni ba wec ïïni. Kärï lwäyö, ni ba bwøk cwïnyï.»

Tiet Ciik 7:18

Käru lwäyu ki geni. 'Ba beerra man caarru wïthu døc ki gïïa tïïc Wuuö Jwøki na näk Jwøu dëër Peerø ki yi Ijep bäre,

Tiet Ciik 7:21

Kär dëëtu kwanynyi ni maru lwäär ki geni, kiper Wuuö Jwøk na näk Jwøu nutö buutu, ni beeye Jwøk mo dwøŋ mo di lwäärö.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»

Jøcua 10:7

Ni ö Jøcua ni tïŋŋe Gëlgela, ni beeye eni ki jø leny bëët, ni jø leny moa näk teek marge okadhø nutö dïge thuwø.

Jøcua 10:8

Kanyøgønø, Wuuö Jwøk aköö jï Jøcua, ni «Kärï lwäyö ki geni, kiper geni ge yaa nø cïp cerï; 'ba bäŋ dhaanhø aciel dïge mo maara lønyø jïre ki man cuŋŋe nyïmï kanyo tïme na ri leny.»

Jøcua 2:24

Ni köge jï Jøcua, ni «Ka adïëri møn, Wuuö Jwøk ŋöömmöce bäre ee cïbö jïïø, ni ö jøøke bëët ni bëëdö yi ŋöömmöce yøøke, ni bëëtge ni ge böö døc ki øøni.»

Jøcua 6:2

'Ba Wuuö Jwøk aköö jï Jøcua, ni «Neenï, pääny Jerikö ki nyeya mare ki jø leny moa en yie na teek yaa nø cïp cerï.

Jøcua 7:9

Kiper gïnögø wïny jø Keenanni wïnynyö, këël jøøa bëëdö yi ŋöömmögø bëët, ni öge ni rumge wa dïër ni putge wïthwa dïïr na bäre. ?'Ba ennø, agïnaŋø noo tïïyï, nee nyeŋŋï bëëde ni poot wïnyö?»