Jøcua 7:7 - Wëël Jwøk

⁷ 'Ba Jøcua aköö, «Wui, Kwäärö Wuuö Jwøk. ?Aŋø, waani, wa käädhï løø Naam Jördan løøi kiper nee wa cïbï ceŋ jø Amör, nee wa 'näk møn? Kee doo beerra eni jïwa ki mana dewa bëëdö løø Naam Jördan løøga ni cwïnywa ewa cïp piny jaak.

Jøcua 7:7 Iomraidhean Croise

2 Nyeye 3:10

'Ba nyeny Icriel aköö, ni «Wui, aŋø! Wuuö Jwøk ø na nyeye moi na adäk ii ø cwøle kaper nee ø cïp ceŋ jø Möap!»

Bwøth Wøk 16:3

Ni köge jï Modhe ka Aran, na «?Aŋø, ba doo beerra mana dewa thøø cer Wuuö Jwøk jaak yi ŋööm Ijep kanya bëëtwa yie ni waano pï piny lak dääe mo rïŋ, ni wa cämö ki kwane ni jäŋwa? 'Ba ennø, waana kälu wøk ni kälu waani dï paabi en kiper nee lwaak man bäre 'nägu ki käc.»

Bwøth Wøk 17:3

'Ba jiy anäk riewi kaace ni ge manynya pïï; ni ŋurge ki nyeŋ Modhe ni köge, na «?Aŋø na kälï wa wøk ki Ijep, ni 'nägï wa ki riew ko obwöre mowa ki lääc paac mowa en?»

Kwään Jiy 14:16

ni ‹Kiper na ba lønye jï Wuuö Jwøk ki man kïth jøøi yi ŋöömma kööŋe kipere ni cïbe cïbö jïge, beeye tiere na nää geni dï paap.›

Kwään Jiy 14:3

?Aperŋø ni ö Wuuö Jwøki ni käl wa yi ŋöömmi en ki man thøøwa dhi tøŋ? Waani, mään mowa ko obwöre mowa di maaø ki tøŋ jaak. ?Aŋø, ba theemma man døøwa Ijep nø?»

Mathiew 17:17

Ni løgi ya Jecu, ni «?U na beenhnhø mo bäŋ ŋäädhe jïïu en ni wïthu teek, a këël kany mo nyïëdi nø noo beeda ki uuni? ?Naa këël kany mo nyïëdi noo maa cwïnya ki uuni? Kälu eni baŋa kany.»

Mathiew 17:20

Ni kööe jïge, ni «Kiper ŋäädhe maru thiinh. Adïëri møn, a caana gø jïïu, doo na jïïu da ŋäädhe mo caala nyi waŋ kunhnhö mo thiinh døc, u doo köö jï kïnni, ni ‹Daa riï kaace,› ni dee ree daaø. Ni doo na bäŋ gïn mo dhäthi jïïu en.»

Ibaru 12:5

?Aŋø, wïthu awïl ki luumma købe jïïu kede köömma wääte? na kööe, ni «Wääda, kär pwöc Wuuö Jwøk neetï keda gïn mo jööt jaak, ni ba räny cwïnyï ki juuk mare.

Jøcua 7:6

Kanyøgønø, Jøcua abïï mare ajeee, ni gøø ree piny nyïm acanduk mar Wuuö Jwøk, ni bëëde kaace këël mana tïm pinynyi na abøøya, ni beeye eni ki jø døøk Icriel bëët; ni jørge tør wïthge ki pänh cwïny.

Jøcua 7:8

Wui, Kwäärö Wuuö Jwøk. ?Agïnaŋø noo caana nø, kiper jø Icriel ŋäthge alukge nyïïmän moge ni reŋge?

Pïëmme 20:23

Køøre jø Icriel aay ni jwöŋge dëër Wuuö Jwøk këël mana päth cäŋŋi, ni pëënyge Wuuö Jwøk, ni köge, ni «?Cäŋwa ci baŋ nyïïmëëkwa ma jø tuuŋ Benjamen, nee wa këëtwa ki geni?» Køøre Wuuö Jwøk aköö, ni «Cou baŋge ni këëdu ki geni.»

1 Camiel 4:3

'Ba kanya ö jø lenynyi mo Icriel na duuge twïër, jø døøŋŋø moge aköö, na «?Aŋø ni ö Wuuö Jwøki ni wëëk ø böötö dïcäŋi en nyïm jø Pilitin? Beerra man øømmø acanduk Cëëlö, ni beeye acanduk man wø nyooth luumma tuut Wuuö Jwøki ki jiy, nee bëëde dïïø nee ø kønye ceŋ nyïïmän moø.»