Jøcua 7:26 - Wëël Jwøk

²⁶ Ni ö jø Icrielli ni putge kïte mo thööth löör bäät Akan, ni kïte moøgø poot nut no olöör kanya ciel këël dïcäŋi en; ni ö Wuuö Jwøki ni put wëëye paany. Kiper manøgønø, nyeŋ kaace aput cwøl ni Goor Akör këël dïcäŋi en.

Jøcua 7:26 Iomraidhean Croise

2 Camiel 18:17

Køøre jø leny mo Deebit dëër Abëcëlöm alwørge ni leeŋge gø yi buur mo bäär kaace yi lul, ni löörge kïte mo thööth bääte. 'Ba jø leny mo jø Icriel moa cäädhö køør Abëcëlöm gena bwøk, ni ö ŋati man nø ni reŋ paare.

2 Camiel 21:14

'Ba cuu mo Cøøl ki mo Jönathan o Cøøl akïthge yi bwöc Kic wää Cøølli pääny mana cwøl ni Cëëla po jø tuuŋ Benjamen. 'Ba luup bëët moa ö nyeya na kööm geni ki ge aputge tïïc. Køøre lam mana lam jiyi kiper paac aput Jwøki løk.

2 Luup Nyeye 29:10

'Ba ennø, mana en cwïnya, a manynya gø naa tuda ki luubö ki Wuuö Jwøk, Jwø Icriel, nee wëër mare na liel kaamar maac nee daae bäätø.

Edhera 10:14

Ennø, beerra man ö dïbwöthe mowa ni tïïcge tïïögø na kar jø acooŋa bëët, ni ö jiyi moa nyöömmö ki nyïï juurre na en yïth päänye mowa ni öge yi kany mo ocaanø, ni ge ööi na aciel ki jø døøŋŋø ki dïŋut luup moa en yi pääny man nø, nee Jwøk marø wëër mare na liel kaamar maac paanye bäätwa kiper gïnögø na tïïcwa enø.»

Bwøth Wøk 32:12

?Aŋø, a jø Ijep noo köge, ni ‹Jwøk jiye akäl wøk ki rääc ec nee nää yïthakic kïte, ni raany geni bäät piny›? Awuuö Jwøk, akwaya ïïni ki man cïbï cwïnyï piny ni wiilï acaara marï, ni ba tïïï ki gïn mo raac dëët jiyï.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 65:10

'Ba kiperge, ge na jiya moo bëëdö ni manynya aani, Goor Carön otïmö na kar kwaath mar pïïth dïëk moge, ni ö Goor Akör ni tïme na kar rïc jï pïïth dhäk moge.

Wëël Kïmmö 3:53

Aana leeŋge yi buur naa kwøw, ni cïëkge dhi buur ki kïdi.

Odheea 2:15

Kanyøgønø pwöth omøki moe odwøga jïre kaace, ni tïïa goor Akör na dhi øtø mar ŋäädhe. Eno wär ki duut ni caala mana bëëde ni ena nyakøø, ki kanya ö eni na ö wøk ki yi ŋööm Ijep.

Odheea 2:17

Aani nyeŋ juuk wø cwøl ni Baal 'käla wøk dhee, nee nyeŋ juu moøge ba cøøri këët.

Jool 2:13

Tïmu nou cööta cwïnynyu ki kïmmö, ni patha abïïe mou.» Ennø, duu baŋ Wuuö Jwøk, Jwøk maru, kiper eni yie met, ni mëër ki jiy, ni bäŋ wø laar wëër, ni mëër mare ni wø ba jøøl päl, ni cwïnye wø di warø ki gïn mo leth.

Jool 2:18

Køøre Wuuö Jwøk gïr ŋöömö mare tïmö ni päl cwïnye, ni päth cwïnye ki gïr jiye;

Joona 1:15

Kanyøgø Joona aputge lwør ni leeŋge gø yi naama dwøŋ, ni ö athage ni put cuŋŋö.

Dhekaraya 6:8

Køøre nyïïatwiel maal aana cwøle ni kööe, ni «Neenï, jøøa jääŋŋi yïth mïëri moa en wï-piny, cwïny Wuuö Jwøk acïpge piny yi ŋöömö mana en jï løø wï-piny.»

Kwään Jiy 25:8

ni läp køør ŋat Icriel maneca yo oduŋkaara, ni put ge cööbö ki tøŋ karge riet. Ni ö ajäl Jwøki ni put aay bäät jø Icriel.

Tiet Ciik 13:17

'Ba kär dee gïn mo raac mo ocienø mo gutu ki ceŋŋu, kiper nee Wuuö Jwøk nee wëër mare na leth nee ba ö bäätu, ni nyooth mëëye jïïu, ni päth cwïnye ki gïru, ni tïïc kwäännu ni thööth, kaawat mana kööŋe jï kwäyu.

Tiet Ciik 13:18

Gïnögø tïïc Wuuö Jwøki tïïö ni näk mo dwør Wuuö Jwøk na näk Jwøu leŋŋu leŋø, ni gwøgu ciik moe bëët mo köömma uuni ki geni dïcäŋi en, nou tïïya gïn mo tiir nyïm Wuuö Jwøk na näk Jwøu.

Jøcua 10:27

'Ba kanya päth cäŋŋi piny, Jøcua acïpö ki dwøl, ni cige ni kälge dëët jøøgø wøk ki røk jenni ni leeŋge ge yi øt kïdi mana ö nyeye moøgø na kange dëëtge yie, ni putge kïte mo døøŋŋø löör dhi øt kïdi manøgø; ni kïte moøgø poot nut këël dïcäŋi en.

Jøcua 7:24

Køøre Jøcua ki jø Icriel bëët, Akan nyikwaar Dheera akälge ki gïïa kwale, ni beege warkey mana näk lwøŋŋø, ki gwel-bïrö, ka abïïna mïërö; ni kälge wääte, ki nyïïe, ki dhäk moe, ka arëëni moe, ki dïëk moe, ko oduŋkaara mare ki gïïa en jïre bëët, ni kïthge geni gool mana cwøl na Akör.

Jøcua 8:29

Ni ö Jøcua ni 'näk nyeny Gaay ni lïër gø ri jaath këël mana tïm pinynyi na abøøya. 'Ba kanya nø päth cäŋŋi piny, Jøcua acïpö ki dwøl, ni cige ni kälge dëër gø wøk ki ri jaath, ni leeŋge gø dhi kiir mar pääny Gaay, ni putge kïte mo thööth löör bääte, ni kïte moøgø poot nut no olöör piny kanya ciel kaace këël dïcäŋi en.