Jøcua 7:21 - Wëël Jwøk

²¹ Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»

Jøcua 7:21 Iomraidhean Croise

Wïlöölö 10:10

Ni ŋøøm moe tägi ka Babel ki Ërëk ki Akat ki Kalnë, mïëya en yi Cinaar.

Wïlöölö 3:6

'Ba kanya ö dhaage na neen jaath na gïn mo orømø ki cam, ni nëëni na gïn mo mïërö ki nyeŋŋe, na jaath mo beer mo døøya waŋ dhaanhø mo riek, ena lwötö ri nyi gø ni cam gø, ni mëëk mør cwøre thuwø; ni ö cwøre ni cam gø.

Wïlöölö 34:27

Ni ö wäät Jeekapi møga ni cige dï jøøa thøw ni twierge pääny kiper mana ö jøøgø na raanyge cokge.

Wïlöölö 6:2

jiy moa näk wäät Jwøk, nyïï jiy møga ajootge ni mïërö, ni ö ŋati man nø ni lwør mana jiere jaak, ni nywømge dëëtge.

2 Camiel 11:2

'Ba dïcäŋ aciel ki kur abøøya, nyeya aö maal ki bäät pëëm mare ni caath tiete yi øtø mare mana en bäät øtø maal; 'ba kanya cäädhe kaace, ena lwïthö piny ni jïte ki dhaagø mo lwøk. 'Ba dhaagø manøgø beeye dhaagø mo kïte mïërö døc.

2 Nyeye 7:8

'Ba kanya ö jaga näk dëëtge da dhøøbø na pïïcge deŋ twïër, gena put døny yo oduŋkaara mana cwöpge ki gø, ni cämge ni mäthge, ni kätge yi gø ki gwel-bïrö ki warkey ka abïïe, ni aacge ni kange geni; ni duuge ni dønyge yo oduŋkaara mør ni kätge kaace thuwø, ni aacge ni kange geni.

Jööp 31:1

«Aani nyeŋŋa amäna ki man neena nyakøø ni cwïnya pärö ki gø.

Bwøth Wøk 20:17

«Kär cwïnyï päl ki po wadu; ni ba päth cwïnyï kiper cï wadu, wala ŋat tïïc mare ma dïcwøø wala dhaagø, wala rwaath mare wala arëën mare; këël gïn mør jaak mo mar wadu, kär cwïnyï päl kipere.»

Pwöc Leec Wïc 1:19

Man beeye gïno tägi dëët jø wø cwïnyge päl ni wø joot jammi ki jöö mo paa adïëri, ni teeŋ bëëtö manøgønø, jwïëc jøøgø käle kälö.

Pwöc Leec Wïc 23:31

Kär waŋï këël køør køøŋø kany wø nëëne ni mïërö, ki kany wø nëëne ni paŋŋi ya awal, kany wø løøye ki yi lwöyï ni pøøth.

Pwöc Leec Wïc 28:22

Ŋat mo cere teek wø jalli døc nee laar kwärö, 'ba bëët can mano ö bääte kuue.

Pwöc Leec Wïc 4:23

Ki røk jammi bëët, koor wïïï, kiper beeye jøøro mar kwøw.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 29:15

Otïmö ni leth jï jø wø kaan jïëth tïïe moge ki Wuuö Jwøk, ni beege jø wø tïïc tïïe moge yi muudhö, ni wø köö, na «?Aŋa noo joot øøni?» wala «?Aŋa noo ŋäc øøni?»

Abakuk 2:9

«Otïmö ni raac jï ŋat wø gwän øde ki jammi ki jöö mo raac, ŋat wø bëëdö ni øde ee geer maal kaamar øt wenyø, nee bäŋe gïn mo raany gø.

Luk 12:15

Ni kööe jïge, «Caarru wïthu ni gwøgu rou ki bëët päl cwïny bäre. Kiper dhaanhø bäŋ wø kwøw kiper jammi na thööth jïre.»

Luk 12:2

Bäŋ gïrpiny mo ouumö mo ba cäŋ nyoothø, wala gïrpiny mo okanø, mo ba cäŋ jootø.

Epeca 5:3

'Ba bëët käp, ki rääö, ki päl cwïny kär nee wïnyö dïïu na bäre bäre, kiper gïïögø beege gïïa ba beyø kiper jø Jwøk.

Epeca 5:5

'Ba gïn wär ŋäyu døøc, ni bäŋe ŋat ma kääbi, wala ŋat mo raac, wala ŋat mo cwïnye päl ki jammi, ni wø caal wøør juu møøk, mo jïre da kare yi buc Krictø ge ki Jwøk.

Tiet Ciik 7:25

'Ba gïïa tieŋge na juu moge dou waaŋø ki maac. 'Ba kär dee gïn manynyu ri warkey wala gwel-bïrö mana näk oleeny dëëtge, ni ba kädu rege kiper dëëtu, nee ba tïmge ni caala abïëp kiperu, kiper gïïögø beege gïï mo Wuuö Jwøk na näk Jwøu yie raac ki ge døc.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

Jøcua 7:20

Køøre aløk Akanni jï Jøcua ni kööe, na «Adïëri møn, aani aana bääyö dëër Wuuö Jwøk na näk Jwø Icriel. 'Ba gïna tïïa kiree beeye en.

Jøcua 7:22

'Ba Jøcua aput jäägö ki jiy, ni ö jøøgø ni putge reŋ yo oduŋkaara mar Akan. 'Ba ka adïëri møn, kanya cige, gïïögø ajootge no okoony piny yo oduŋkaara mare ni gwel-bïrö ena ya aŋuudi piny tiet gïïögø bëët.

2 Piter 2:15

Jöö mana thïïŋ akwierge ni tïmge ni ge wïïrö, ni ge caatha jöör Beelam o Beeyör, ŋata yie met ki joot jammi ki køør tïïc raay.