Jøcua 7:2 - Wëël Jwøk

² Køøre kanya en jø Icrielli Jerikö, Jøcua jiy ajääŋŋe paana cwøl ni Gaay, na en buut paana cwøl ni Bëëth-Awëën, na en løø Bëthël jï løø kur tuul-cäŋ, ni kööe jïge, ni «Cou ni liewu ŋöömmece.» Ni ö jøøgø ni cige ni liewge Gaay.

Jøcua 7:2 Iomraidhean Croise

Wïlöölö 12:8

Køøre ena tïŋŋö ki kaace ni cøøa ri kïdi mana en Bëthël, na en jï løø kur tuul-cäŋ. Ni gur oduŋkaara mare piny, ni Bëthël ee wii jï løø kur pänh-cäŋ, ni Gaay ee wii jï løø kur tuul-cäŋ. Køøre ena tïïö ki gïn wø cïp olämme bääte kaace jï Wuuö Jwøk, ni wøør nyeŋ Wuuö Jwøk.

Wïlöölö 28:19

Ni ö Jeekapi ni cwøl nyeŋ kaace ni Bëthël; 'ba dïkwøŋ nyeŋ päänya en yi ŋöömmögø cwøl ni Löja.

1 Nyeye 12:29

Køøre eni røk juugögø aciel acwöth Bëthël, ni cwöth maya Daan.

Neemiya 11:31

'Ba mïëri moa bëët jø tuuŋ Benjamenni yïthge beege Gëba, ki Mikmac, ki Gaay; ki Bëthël ka atude moa en deŋŋe,

Pwöc Leec Wïc 20:18

Acaac tïïe wø bëëdö karge ni teek ki køør mano joot ki ri pwöc; ni leny wø di bwødhø ki køør acaara mo beer.

Pwöc Leec Wïc 24:6

kiper ki køør pwöc mo beer, leny marï thura kare, ni kany mo da jiy mo thööth mo pöö, jiy böödö.

Aydheea 10:28

Nyimän onø ci kuna tuk paac mana cwøl na Ayath, ni eni cøra dï Migarön, ni jammi moe ee cïp piny Mikmac.

Jeremaya 49:3

Wui, u ni wø bëëdö Ëcbön, jwöŋu kiper Gaay aränynyö. Wui, u ni wø bëëdö Raaba, jwöŋu, ni kïthu keece dëëtu na abïïe, ni gööu ko oduuru, ni rïïŋu nou duda yi kiir; kiper jwøu ma Milköm okïth paac mør ni mak ka tøŋ, eni ki dïlämme moe ki jø wø tïny gø.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Epeca 5:15

Kiper manøgønø, gwøgu dëëtu døøc ki wääthu, ni wïthu leer nou patha jiy mo wïthge ba leer.

Jøcua 12:9

'Ba nyeye moøgø beege nyeny Jerikö, ki nyeny Gaay, na en buut Bëthël,

Jøcua 18:12

'Ba waŋ keew marge ki jï løø wï-piny atägö ki Naam Jördan, ni ö keewi ni put aay ni coonya jï løø kur pänh-cäŋ ni Jerikö ee wii bäät caam, ni aae ni coonya mïëya en bäät kïte; ni pöödhe ki dï paap ni pïïe Bëëth-Awëën.

Jøcua 2:1

'Ba kanya en jø Icrielli Cëthim, Jøcua o Nun ajääk Jerikö ki jiy ariiø na dïlëëwe ki piny ni kuc, ni kööe, ni «Cou, ni liewu ŋööm Keenan këël Jerikö.» Ni ö jøøgø ni aacge ni pïïcge paanøgø po nyaan ma kääbi mo nyeŋŋe cwøl ni Reeyap, ni putge but kaace.

Jøcua 7:3

'Ba jøøgø aduu baŋ Jøcua ni köge jïgø, ni «Kär jiy bëët ci Gaay; jø leny moo cii manynya jiy mo jïtö ki kume ariiø wala kume adäk keerge. 'Ba kär niï ööla jiy bëët ki man cige kunece, kiper jø Gaay beege jiy mo nøk jaak.»

1 Camiel 13:5

'Ba jø Pilitin rege acooŋge kiper nee ge këëtge ki jø Icriel, ni jïge da jïëth leny mo wø tut okwëënyi ma kume adäk, ki jiy ma kume abïciel mo wø këëdi ki bäät okwëënyi, ki jø leny mo ba løny ki kwaan mo thööthge caala nyeŋ akwöny deŋ naama dwøŋ. Ni öge ni tïïcge twïër marge Mikmac na en løø Bëëth-Awëën jï løø kur tuul-cäŋ.

1 Camiel 14:23

Kanyøgønø, Wuuö Jwøk jø Icriel aput piem dïcäŋögø, ni ö lenynyi ni put nyaay ni kaal Bëëth-Awëën.

1 Camiel 30:27

'Ba gïïögø ajääŋŋe jï nyïïawääte moa en Bëthël, ki moa en Ramöth na en jï løø tier-piny, ki moa en Jatir,