Jøcua 7:13 - Wëël Jwøk

¹³ «'Ba ennø, ö maal, ni tïïyï jiy nee dëëtge døøcge mo waany ni kööï, ni ‹Døøyu dëëtu mo waany kiper gïno tägi diøø, kiper Wuuö Jwøk na näk Jwø Icriel aköö, ni «Wui, jø Icriel, gïïa no onø wëëk uuni nee raanynyu na bäre dagø dïïu. 'Ba këël kanyo paanynyu gïïa no onø wëëk uuni nee raanynyu na bäre, uuni ba løny jïïu ki man cuŋŋu nyïm nyïïmännu.» ›

Jøcua 7:13 Iomraidhean Croise

Wïlöölö 34:27

Ni ö wäät Jeekapi møga ni cige dï jøøa thøw ni twierge pääny kiper mana ö jøøgø na raanyge cokge.

2 Luup Nyeye 28:10

'Ba ennø, u cädö ni jø Juuda ki jø Jerucalem moø na mään ki cwøw yøø, ni tïïyu tïïö na laaŋe mou. ?A uuni, u kär bääyö thuwø nyïm Wuuö Jwøk, Jwøk maru?

Mathiew 7:5

Ï na ŋat atade, kwøŋ cuunhnho en waŋï enø käl wøk; køøre nø, ïïno nëënö ni beer nee ŋöömö manø ni en waŋ cöögu enø kälï wøk.

Tiet Ciik 13:6

«'Ba ni näk mo coku wala wäädï wala nyaarï wala cïïï na mëërï ki gø, wala nyawadu na ŋäyu cwïnynyu ki gø, wïïï di maaŋŋø ki piny, ni kööe, ni ‹Ö aa cøø kuna tïnynyø juu møøk,› ni cäänö kaper juu mo kuyu wala moa kuc kwäyu,

Jøcua 3:5

Køøre Jøcua aköö jï jiy bëët, ni «Døøyu dëëtu mo waany, kiper diøø Wuuö Jwøk tïïö ki gïn mo rëëma ec dïïu kany.»

Jøcua 6:18

'Ba uuni, dëëtu wär gwøgu ki gïïa näk onø wëëk uuni nee raanynyu na bäre bäre, kiper ni näk mo uuno lwötö rege, tïmö nou käla aranya bäät twïër mar jø Icriel, ni kännu bääte ki gïn mo leth.

Jøcua 7:11

Jø Icriel beege na bääyö; geni luumma mana tuuda na köömma geni ki gø akaalge. Gena lwötö røk gïïa näk onø wëëk geni nee raanyge na bäre, ni kwalge gïïögø, ni cäänge ki tööt. Køøre gïïögø akange dï jammi moa näk moge.