Jøcua 7:12 - Wëël Jwøk

¹² Kiper manøgønø, jø Icriel ba løny ki man cuŋge nyïm nyïïmänge; geni ŋäthge lukge nyïïmänge ni reŋge, kiper gena nø tïmö ni ge caala gïïa näk di raanynyø na bäre yøø. 'Ba ni näk mo gïïa no onø wëëk uuni nee raanynyu na bäre, käru raanynyø dïïu, aani, a na Wuuö Jwøk, a ba bëëdö ki uuni këët.

Jøcua 7:12 Iomraidhean Croise

Pwöc Leec Wïc 28:1

Ŋat raay wø böö jaak ni bäŋ ŋat mo oŋwiec køøre, 'ba ŋata mare beer cwïnye da cer ni caala ŋuu.

Aydheea 59:2

'Ba bee gïïa bayu na wëëk uuni apääk ki Jwøk maru, ni kan täärnyïme ki uuni kiper raay mou, ni tïme ni bäŋ gïn wïnyi jïre.

Jeremaya 23:33

«'Ba kanyo ö dhaanhe acielli røk jøøi ii, wala nyikuŋ Jwøk, wala dïlämi noo pëëny ïïni, ni ‹?Da dwør Wuuö Jwøk mana caal tëër mo iï wïnynyö?› køøre wär put løk jïge, ni ‹Wuuö Jwøk aköö, ni u ki dëëtu, beeye u na tëër bääta; 'ba aani, u 'leeŋa piny.›

Jeremaya 6:8

Ï na Jerucalem, ï köömmi; 'ba ni näk miï ba köömmi, ø pääö ki ïïni, ni tïïa ïïni na paac mo owii kur keere, na ŋöömö mo ba beet.»

Odheea 9:12

'Ba ge këël doo jïtö ko obwöre, ge poot nääa nääö, këël mano tïme ni bäŋgø mo dööŋ. 'Ba otïmö ni leth kiperge kanyo wiia geni!»

Abakuk 1:13

Ïïni, ï tøŋ, niï ba many man neenï gïn mo raac ki waŋï, ni ba løny ki man raŋŋï gïï wø tïïc ni reyø. ?Aperŋø ni neetï jø cwøk jaak en? ?Na aperŋø ni bëëdï niï lïïŋö jaak kany wø öge, ge na jø raay, ni wø thöörge jøøa näk theemma marge ni kaala geni?

Kwään Jiy 14:39

Køøre Modhe gïïa caan Wuuö Jwøki jïre acaane jï jø Icriel bëët, ni ö jiyi ni kïmge døc.

Kwään Jiy 14:42

Käru cøø, nou ba bööt nyïïmännu, kiper Wuuö Jwøk tøør dïïu.

Kwään Jiy 14:43

Jø Amalëk ki jø Keenan ena nyïmmu kaace. U pätha ceŋge ni 'näkge uuni, kiper uuna døø ŋäthu ki man caathu køør Wuuö Jwøk. Wuuö Jwøk tøør buutu këët.»

Kwään Jiy 14:45

Køøre jø Amalëk ki jø Keenan moa bëëdö mïëya en bäät kïte, gena öö ni böötge jø Icriel ni riemge geni këël mana pïïcge Örma.

Tiet Ciik 7:26

Kär dee gïn mo Wuuö Jwøk yie raac ki gø mo kïthu yïth uudi mou; kiper ni näk mo you tïïö, acïëni mana en bääte ööa bäätu. 'Ba u doo männö ki teeŋ gïïögø, ni bëëdu ni yïthu reyø ki ge, kiper acïën Wuuö Jwøk ena bäätge, ni beege gïï mo di raanynyø na bäre bäre.

Jøcua 6:18

'Ba uuni, dëëtu wär gwøgu ki gïïa näk onø wëëk uuni nee raanynyu na bäre bäre, kiper ni näk mo uuno lwötö rege, tïmö nou käla aranya bäät twïër mar jø Icriel, ni kännu bääte ki gïn mo leth.

Pïëmme 16:20

Kanyøgønø, Delila aköö, «Wui Camcøn, jø Pilitin aö baŋï.» Køøre Camcøn apäy ni kööe, ni «Aani, thøøli cööta cöötö kaawat man wø tïïa obëëde, naa dønynya wøk.» 'Ba kuc Camcønni ni Wuuö Jwøk dëëre ee nø paany buute.

Pïëmme 2:14

Ni ö Wuuö Jwøki ni put wëër døc ki jø Icriel, ni cïp geni ceŋ jøøa twier japge, ki nyïïmän moge moa bëëtge dïge, ni tïmge ni ge ba maar cuŋŋö nyïm nyïïmänge kany wø tïme na ri leny.

Pïëmme 2:4

'Ba kanya ö Wuuö Jwøki na nyooth ree kaamar nyïïatwiel maal na caan luupögø jï jø Icriel bëët, jø Icriel gena put jwöŋö ni döötge ege tïŋ maal.

1 Camiel 14:38

'Ba Cøøl aköö jï kwääc lwaae, ni «Uuni bëët u na kwääc lwaae, nyänhnhu kany mo cään nee bääyö man no otägö dïcäŋi en nee tiere manynyu ni jootu gø.