Jøcua 7:11 - Wëël Jwøk

¹¹ Jø Icriel beege na bääyö; geni luumma mana tuuda na köömma geni ki gø akaalge. Gena lwötö røk gïïa näk onø wëëk geni nee raanyge na bäre, ni kwalge gïïögø, ni cäänge ki tööt. Køøre gïïögø akange dï jammi moa näk moge.

Jøcua 7:11 Iomraidhean Croise

2 Nyeye 18:12

Gïnögø atägö kiper jø Icriel dwør Wuuö Jwøk, Jwøk marge, kärge leŋø, ni dhalge luumma tuut Wuuö Jwøki ki geni. Këël luup bëët moa cem Modhe, dhaanh Wuuö Jwøk, kärge leŋø, ni kärge gø kïth bäät tïïc.

2 Nyeye 5:24

'Ba kanya pïïe bäät thuur, gïïögø alwøre ceŋ jø tïïc moøgø ni kïth ge yi øtø, ni wëëk jøøgø wääth ni aacge.

Aydheea 24:5

Piny atïïc jiyi ni ba waany, kiper jiy akweer ki man cääthge ki køør ciik Wuuö Jwøk, ni kärge luup moe gwøø, ni ö luumma tuut Wuuö Jwøki nee bëëde na bäre bäre ni raanyge gø.

Jeremaya 31:32

mo ba caal luubö mana kwøŋa tuut ki kwäcge kanya maa ceŋge ni käla geni wøk ki Ijep, ni beeye luumma tuuda ki geni na dhalge, këël na bëëda jïge naa bëëdö kaamar dïcwøø ki cïïe.

Odheea 6:7

«'Ba kaawat mana tïïc kanya cwøl na Adam, geni luumma tuuda ki kwäcge akwierge, ni ge bëëdö ni nyeŋge ege døøc mo reegø ki aani, a na Jwøk.

Ciik Kiper Dïlämme 5:15

ni «Ni näk mo da dhaanhø mo obääyö ni ba kame ki køør mana ruue ni gïïa en kur keerge na dee cïbö jï Wuuö Jwøk käre cïbö, eni wär cïpe ko olämi mar bääyö mare jï Wuuö Jwøk, ni cïbe røk dïëk na nywø røømmø mo bäŋ gïn mo ogwäyö dëëre, no opäärö ki gät mano cïbï piny mar gwel-bïrö man wø røm ki rumi man wø cwøl ni cekel mar kar lam na en kur keere. No olämi manøgø cïp kaper wëën bääyö.

Abakuk 2:6

«?Aŋø, jøøi bëët ii, jøøgø ba cäŋge ki duut aŋaada, ni marge abuua ni ge jøøŋŋa geni, ni köge, ‹Otïmö ni raac jï jø wø löör jammi piny jïge mo paa moge. Kiper akëël kany mo nyïëdi noo bëëtge ni dëëtge thørge thørø ki jap dïgïti?›

Dhekaraya 5:4

Aani na Wuuö Jwøk na en wïth jammi bëët, pïën manøgø jääŋŋa jääŋŋö wøk, ni døny yïth uudi mo kuuwe ki yïth uudi mo jø wø kööŋ ri nyeŋŋa jaak ki tööt, këël mano thöör wäär ni raanynya uudi mo jøøgø, ni put jenni ki kïte ränynyö moa geer uudi ki ge.»

Mathiew 22:21

Ni dwøkge gø jïgø, ni «Beeye Cidhar.» Kanyøgø Jecu aköö jïge, ni «Dwøgu japa näk jap Cidhar baŋ Cidhar, ni dwøgu japa näk jap Jwøk baŋ Jwøk.»

Moa Tïïc Nyïïatwieli 5:9

'Ba Piter aköö jïre, na «?Aŋø ni jïëyu ki man päänynyu Jwïëc Wuuö? Neen, jøøa koony cwørï karge cään ki duuö ennø; 'ba ïïno bielge wøk thuwø.»

Tiet Ciik 17:2

«'Ba ni näk mo da dïcwøø wala dhaagø mo bëëdö dïïu, yïth päänye mou moo cïp Wuuö Jwøki na näk Jwøu jïïu, mo ojoodø ni tïïö ki gïn mo raac nyïm Wuuö Jwøk na näk Jwøu, ni dhala luumma tuut Wuuö Jwøki ki jiye,

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

Jøcua 23:16

Ni näk mo luumma tuut Wuuö Jwøki na näk Jwøu na kööm uuni ki gø you kaalø, ni cou ni tïnynyu juu møøk, ni këëllu cøŋŋu piny nou wøøra geni, kanyøgønø Wuuö Jwøk wëëye pute ka jääŋŋö bäätu kaamar maac mo liel, ni laaru thumö bëët ki thøø yi ŋöömmi ni beer en, ni beeye ŋöömma cïbe jïïu.»

Jøcua 7:1

'Ba jø Icriel abääyö ki køør gïna tïïcge røk gïïa näk onø wëëk geni nee raanyge na bäre; kiper Akan o Karmi na näk nyikwaar Dhabdi o Dheera na käl ri jø tuuŋ Juuda, alwötö røk gïïa näk onø wëëk geni nee raanyge na bäre; ni put Wuuö Jwøki wëër døc ki jø Icriel.

Jøcua 7:10

'Ba Wuuö Jwøk aköö jï Jøcua, «Ö maal. ?Aŋø, aperŋø na gøøï riï piny en?

Pïëmme 2:20

Kiper manøgønø, Wuuö Jwøk aput wëër døc ki jø Icriel, ni kööe, ni «Jøøi ii kiper mana kaalge luubö mara mana tuuda, na köömma kwäcge ki gø, ni kärge luumma leŋø,

1 Camiel 14:38

'Ba Cøøl aköö jï kwääc lwaae, ni «Uuni bëët u na kwääc lwaae, nyänhnhu kany mo cään nee bääyö man no otägö dïcäŋi en nee tiere manynyu ni jootu gø.