Jøcua 7:1 - Wëël Jwøk

¹ 'Ba jø Icriel abääyö ki køør gïna tïïcge røk gïïa näk onø wëëk geni nee raanyge na bäre; kiper Akan o Karmi na näk nyikwaar Dhabdi o Dheera na käl ri jø tuuŋ Juuda, alwötö røk gïïa näk onø wëëk geni nee raanyge na bäre; ni put Wuuö Jwøki wëër døc ki jø Icriel.

Jøcua 7:1 Iomraidhean Croise

Wïlöölö 34:27

Ni ö wäät Jeekapi møga ni cige dï jøøa thøw ni twierge pääny kiper mana ö jøøgø na raanyge cokge.

2 Camiel 24:1

'Ba Wuuö Jwøk acäŋ wëër døc ki jø Icriel, ni tïïc Deebit nee tïïe ki gïn mo duunnö ki gïn mo raac bäätge. Ni kööe jï Deebit, ni «Ciï ni kwaanï jø Icriel ki tuuŋge ma jø tuuŋ Juuda.»

2 Nyeye 5:24

'Ba kanya pïïe bäät thuur, gïïögø alwøre ceŋ jø tïïc moøgø ni kïth ge yi øtø, ni wëëk jøøgø wääth ni aacge.

1 Luup Nyeye 21:7

'Ba luubö manøgø mar kwaan jiy atïmö ni raac ki jï Jwøk, ni ö Jwøki ni jääl jø Icriel.

2 Luup Nyeye 24:18

Kanyøgø Øt Wuuö Jwøk, Jwø kwäcge, awecge, ni tïmge ni ge tïnynya jera no otieŋø na no ocaa ri jwø wø cwøl na Acara, ki kït gïï wø lam. Kiper manøgønø, wëër mar Jwøk aput ö bäät jø Juuda ki jø Jerucalem kiper bääyö manøgø na tïïcge.

Edhera 9:6

ni kööa, «Wui Jwøk, ï na Jwøk mara, aani wïïa laay ki man tïŋa wïïa maal baŋï, ï na Jwøk mara, kiper gïïa bacwa atïmö ni thööth ni kaala wïthwa, ni ö raayi mowa ni thöönhge no okëët maal.

Jööp 35:8

Rääö marï guta jiy mo caala ïïni, ni ö bëënynyö marï ni gut teeŋ jøøgø thuwø.

Luup Dïpööy 9:18

Leec wïc beerra eni ni kaala jap leny. 'Ba ŋat raay aciel keere gïï mo beyø døc di raanynyø.

Daniel 9:7

«Wui Kwäärö Wuuö Jwøk, ïïni bee ï wää bëënynyö, 'ba waani marwa beeye lään wïc, kaawat man bëëde dïcäŋi en, ni bee wa jø Juuda ki jø wø bëëdö Jerucalem, ki jø Icriel bëët moa en kwör mo cärö ki moa en kwör mo bäyö yïth mïëri bëët moa riemï ge yïthge, kiper ageeme moa tïïcge dëërï.

Ciik Kiper Dïlämme 10:6

Køøre Modhe aköö jï Aran ki jï wäät Aran ma Eliedhar ki Itamer, ni «Uuni, kär jïëyu weyu ni rege jwälö, ni ba jeeyu abïïe mou, kiper nou ba thøwu, nee Wuuö Jwøk ba wëëre ki dhaanh Icriel bäre. 'Ba tuuŋu ma jø dhi øt Icriel keerge jwöŋö kiper jiy moøgø moa waaŋ Wuuö Jwøki.

Joona 1:7

'Ba jø tïïc acäänö yïthakicge keerge ni köge, ni «Beerra man thöödhø ki nyuuthe kiper nee ŋata päth gïnni ni raac bäätø en ki køøre nee ŋääø.» 'Ba kanya thöörge nyuuthe, nyuudhi aput päth bäät Joona.

Jøcua 22:16

ni «Man beeye dwør lwaa Icriel bäre, ni beeye lwaa Wuuö Jwøk, gena köö, na ‹?Aŋø, man ateeŋ gïn mo nyïëdi, ni tïïyu bääyö man dëër Jwø Icriel, ni gaau wøk dïcäŋi en ki jöör Wuuö Jwøk na dou caadhø, ki køør mana tïïyu gïn wø cïp olämme bääte man kiper dëëtu, ni maru beeye ageem ki Wuuö Jwøk dïcäŋ man en?

Jøcua 22:18

?Aŋø, u dou cäŋa gaa wøk dïcäŋi en ki jöör Wuuö Jwøk na dou caadhø? 'Ba gïna tïïyu dïcäŋi en dëër Wuuö Jwøk ni maru ageem, diøø thuwø Wuuö Jwøk wëëye poot jääŋŋe bäät lwaa Icriel bäre.

Jøcua 22:20

?Aŋø, Akan o Dheera kär bääyö na bëëde, kiper mana tïm cwïnye ni päl ki gïïa no onø wëëk geni nee raanyge na bäre, ni ö wëërri mar Wuuö Jwøk ni ö bäät lwaa Icriel bäre? 'Ba kar kaace paa nyenøgø keere na thøw ki køør bääyö mana tïïe.› »