Jøcua 6:9 - Wëël Jwøk

⁹ Ni ö jiyi moa näk dëëtge ege jiiŋŋø kiper leny ni pööthge maal nyïm dïlämme moa näk kudhö ki tuŋi, ni ö lwaae mo leny møga ni enge køør acanduk, ni dïlämme cäädhi ni ge poot kudhö ki tuŋi.

Jøcua 6:9 Iomraidhean Croise

Aydheea 58:8

'Ba ni näk mo gïïögø tïïyu tïïö, tar maru rieny kaawat man wø kwäär øwi, ni ö kønynyi maru ni laar nicäär. Bëënynyö maru bwödhö nyïmmu, ni ö ajiemmi mara, a na Wuuö Jwøk, ni en køøru ni koora uuni.

Kwään Jiy 10:25

Køøre lwaa leny mar jø tuuŋ Daan atïŋŋö na aŋuudi køør lwaae bëët, ni ge cäädhi ki køør bëëra mar twïër marge, ni dïbwödhi marge beeye Akiedhar wär Amicaday.

Jøcua 6:10

'Ba Jøcua jiy aköömme, ni kööe, ni «Kär nou kwöŋŋö, ni bäŋe döötu mo wïnyi, ni bäŋe dwøl mo ö wøk ki dhøgu, këël dïcäŋo kööa yie, ni ‹Kwöŋŋu.› Køøre nø, uuno put kwöŋŋö.»

Jøcua 6:13

Ni ö dïlämme moa näk abïriiø moa käär tuŋi abïriiø mo wø kooth ni pööthge maal nyïm acanduk mar Wuuö Jwøk, ni ge cäädhi ni tuŋi moøgø køthge køthø; ni ö jiyi møøk moa näk dëëtge ege jiiŋŋø kiper leny ni pööthge maal nyïm dïlämme moa näk kudhö ki tuŋi; ni ö lwaae mo leny møga ni putge ci køør acanduk mar Wuuö Jwøk, ni dïlämme moa näk abïriiø tuŋi poot køthge køthø.

Jøcua 6:8

'Ba kanya ö Jøcua na nø cään jiy, dïlämme abïriiø mo käädö ki tuŋi abïriiø mo wø kooth, gena put pööth maal nyïm Wuuö Jwøk ni koothge tuŋi; ni ö acanduki man wø nyooth luumma tuut Jwøki ki jiy na näk mar Wuuö Jwøk, ki dïlämme moa käär gø, ni en køørge.