Jøcua 6:26 - Wëël Jwøk

²⁶ 'Ba kar kanyøgønø, Jøcua aput kööŋ, ni kööe, ni «Ŋato ö maal ni geer päänyi ni Jerikö en, acïëni oen bääte nyïm Wuuö Jwøk. Kanyo täge ki geer dëër kiir mar paanøgø, nyilaal mare mana näk kanynye othøw; ni kanyo kïth odhuulu mar dhi kiir, nyilaal mare mana näk aŋuunne othøw.»

Jøcua 6:26 Iomraidhean Croise

1 Nyeye 16:34

'Ba yïth nïne moa beet Akapi ni ena nyeya, Kiël nyï Bëthël, Jerikö acäŋ geerrø. 'Ba kanya täge ki geer tier kiir, kanynye ma Abiram aput thøø, 'ba kanya kïth odhuulu mar dhi kiir, wääde ma Cegup, na näk aŋuunne, acäŋ thøwø, ni beeye ki køør dwør Wuuö Jwøk mana caane ki dhi Jøcua o Nun.

1 Nyeye 22:16

'Ba nyeya aköö jïre, na «?A kwöre adïï niï cäänna cäännö, ni ‹Kany wø cäänï ki aani, cäänï ka adïëri ki nyeŋ Wuuö Jwøk›?»

2 Nyeye 2:4

Køøre Ilaaja aköö jï Ilaaca, ni «Beerra man dööŋï kany, kiper Wuuö Jwøk a ee jääŋŋö Jerikö.» 'Ba Ilaaca aköö, ni «Ŋëët Wuuö Jwøk Jwøa kwøw, ki ŋëëtï thuwø, ï ba wiia.» Køøre gena put aa Jerikö.

Milkiya 1:4

Kanymør jø Ëdöm köö, ni «Powa oraanynyø; 'ba waano duui ni cäŋwa kwöra no oränynyö geerrø.» 'Ba Wuuö Jwøk, eni na wïth jammi bëët, aköö, ni «Këël ge doo gëëdö, poot nyaa piny. Ni ö jiyi ni cwølge kaace ni po jøøa reyø, ni beege jøøa wëër Wuuö Jwøki ki geni na bäre bäre.

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Moa Tïïc Nyïïatwieli 19:13

'Ba kanyøgø ajuuk mo jø Juuth mo wø cäädhi kaagø, gena tägö ki man cøørge nyeŋ Kwäärö ma Jecu bäät jøøa näk rege da juuga reyø, ni ge köö, na «A köömma uuni ki nyeŋ Jecu ni wø køp Pøølli.»

Jøcua 16:7

Ni cäŋ aay ki Janöa jï piny mëëth ni coonya Atharöt ki Neära, ni pïïe Jerikö, ni put ŋuudö Naam Jördan.