Jøcua 6:21 - Wëël Jwøk

²¹ Ni ö jø Icrielli ni 'näkge gïïa en yi päänyögø bëët ko opëëlle, ni beege cwøw ki mään, ko obwöre ki jø døøŋŋø, ki dhäk ki dïëk ka arëëni.

Jøcua 6:21 Iomraidhean Croise

1 Nyeye 20:42

'Ba nyikuŋ Jwøk aköö jï nyeya, ni «Wuuö Jwøk aköö, ni ‹Kiper mana wëëgï dhaanhø wääth mo ocïp cerï nee 'näk, ïïni, ï di nääö na kare, ni ö jiyï ni 'näk geni na kar jiye.› »

Jeremaya 48:18

«Wui, u ni wø bëëdö Dibön, u ööa wøk ki kwör ajiem mou, ni bëëdu yi ŋöömö mo lïëth mo yie da riew. Kiper jøw raany pou ma Möap ööa kuna tukge uuni, ni raanyge kwör gwøk røk mou moa näk ogeerø ni teek.

Tiet Ciik 13:16

Køøre gïïo twierru yie bëët wär cooŋu kanya ciel kar acooŋa mar päänyögø, ni waaŋŋu pääny ki gïïa twierru bëët, ni tïmge ni ge caala olämi man wø waaŋ bäre jï Wuuö Jwøk na näk Jwøu; ni tïm wï päänyöca no oränynyö na bäre bäre, ni ba cäŋ geerø këët.

Tiet Ciik 2:34

Kar kaace päänye moe bëët aputø mac, ni ö cwøwi ki mään ko obwöre mo päänye bëët ni nääø geni na bäre, ni bäŋ dhaanhø aciel mo obøth.

Tiet Ciik 7:16

Jiy bëët moo cïp Wuuö Jwøki na näk Jwøu ceŋŋu wär putu thöör, ni ba päth cwïnynyu ki gïrge; ni ba tïnynyu juu moge, kiper noo tïnynyu ge, puta tïmö ni caala abïëp kiperu.

Jøcua 10:28

'Ba Jøcua pääny Mekëëda amaae ni poot na dïcäŋögø; ni 'näk nyeya mar gø ki jiy moa en yie bëët ko opëëllö, ni dïïr wïthge bëët, ni bäŋ dhaanhø mo ee wiiø ni kwøw. 'Ba Jøcua teeŋ gïna tïïe dëër nyeny Jerikö atïïe dëër nyeny Mekëëda thuwø.

Jøcua 10:39

Ni ö Jøcua ni mac paanøgø ki nyeya mare këël päänye moa en deŋŋe bëët; ni ö jø Icrielli ni 'näkge jiy bëët moa en mïëri moøgø ko opëëllö, ni dïïrge wïthge bëët. 'Ba Jøcua bäŋ dhaanhø mo ee wiiø ni kwøw. 'Ba teeŋ gïna tïïe dëër paana cwøl ni Keeprön ki paana cwøl ni Libana ki nyeye moge, atïïe dëër paana cwøl ni Dabëër ki nyeya mare thuwø.

Jøcua 11:11

Ni ö jø Icrielli ni 'näkge jiy bëët moa en yi päänyögø ko opëëllö, ni putge wïth jøøgø dïïr na bäre bäre; 'ba bäŋ dhaanhø mo owiiø ni kwøw. Ni ö Jøcua ni nyep päänya cwøl na Adhör ki maac.

Jøcua 11:14

'Ba jø Icriel gïïa twierge mïëri moøgø bëët, këël lääc paac, akälge na moge; 'ba geni jiy bëët anäkge ko opëëllö, këël mana dïïrge wïthge, ni bäŋ dhaanhø aciel mo ege wiiø ni kwøw.

Jøcua 8:2

Teeŋ gïna tïïyï ri pääny Jerikö ki nyeya mare, wär tïïyï ri pääny Gaay ki nyeya mare; 'ba jammi ki lääc paac moo twierru wär källu kiper dëëtu. 'Ba ïïni, wärï känï ki jø leny møøk ŋää paanøgø.»

Jøcua 8:22

Ni ö jø Icrielli møga ni öge wøk ki yi päänyögø nee røømge ki jø leny mo Gaay. 'Ba jø leny mo jø Icriel bëët jø Gaay atiige dïër, ni jø møøk ena løøi ni jø møga ena løøga. Ni ö jø Icrielli ni putge jø Gaay bëët 'näk këël mana tïme ni bäŋ aciel mo odööŋ, ni bäŋgø mo obøth wala mo oreeŋø.

Jøcua 9:3

'Ba jø Gibien kanya wïnyge gïna tïïc Jøcua dëër pääny Jerikö ki pääny Gaay,

Mana Nyooth 18:21

Kanyøgø nyïïatwiel maal mør mo teek døc, akwänynyö ki kïdi mo caala kïn guur mo dwøŋ døc, ni leeŋ gø yi naama dwøŋ, ni kööe, ni «Paana dwøŋ na näk Babiløn ogøø piny ni raac døc na enønø, ni ba joodi këët.

1 Camiel 15:3

'Ba ennø, ciï ni tugï jø Amalëk ni dïïrï wïthge na bäre, këël gïïa en jïge bëët, ni bäŋgø mo weyï ni kwøw; cwøw ki mään, ko obwöre, ko obwöre moa näk poot dhøøth, këël dhäk ki dïëk, ka athïrööle ka arëëni, wär put 'näk ge bëët.› »

1 Camiel 15:8

'Ba Cøøl, Agaak nyeny jø Amalëk amaae, ni 'näk jø Amalëk bëët ko opëëllö.