Jøcua 6:19 - Wëël Jwøk

¹⁹ 'Ba warkey bäre ki gwel-bïrö, ki gïïa no otïïö ki nywïënyö ma jwïël, ki moa no otïïö ki nywïëny møga jaak, beege gïï mo ena kur keerge jï Wuuö Jwøk. Gïïögø doo kïtha kanya no ojiiŋŋø na näk kar kän jï Wuuö Jwøk.»

Jøcua 6:19 Iomraidhean Croise

2 Camiel 8:11

'Ba Deebit gïïögø aput cïp kur keerge jï Wuuö Jwøk, ni dwal ge bäät warkey ki gwel-bïrö moa näk ee kwøŋ cïp kur keerge jï Wuuö Jwøk, ni beege moa käle baŋ wïth juurre bëët moa näk wïthge ee dwøk piny;

1 Nyeye 14:26

Ni twier jammi moa no okanø yi øt kän jammi mo Øt Wuuö Jwøk ki moa no okanø yi øt kän jammi mo øt nyec, ni käl jammi bëët. Këël kööt leny moa no otïïö ki warkey na tïïc Cølömanni akäle bëët thuwø.

1 Nyeye 7:51

'Ba jammi bëët moa tïïc nyeya ma Cølöman kiper Øt Wuuö Jwøk athum ki tïïc. Ni ö Cølömanni ni käl jammi bëët moa näk ocïp wänni ma Deebit kur keerge na mo Wuuö Jwøk yi øtø, ni beege gwet-bïrö, ki warkey, ki jammi bëët, ni kïth geni yïth uut kän jammi mo Øt Wuuö Jwøk.

2 Nyeye 24:13

Ni ö nyeny Babilønni ni käl jammi moa perge leth bëët kaace moa no okanø yi Øt Wuuö Jwøk, ki moa no okanø yi øt nyeya, ni ŋør jap paac bëët moa näk tïïc ka warkey na tïïc Cølömanni nyeny Icriel yi Øt Wuuö Jwøk. 'Ba gïïögø atägö kaawat mana caan Wuuö Jwøki.

1 Luup Nyeye 18:11

'Ba Deebit gïïögø aput cïp kur keerge jï Wuuö Jwøk, ni dwal ge bäät warkie ki gwet-bïrö moa näk ee kälö baŋ wïth juurre bëët, ni beege jø Ëdöm, ki jø Möap, ki jø Amön, ki jø Pilitin, ki jø Amalëk.

1 Luup Nyeye 26:20

'Ba jø tuuŋ Libay møøk gena jier na jø raŋ uut kän jammi mo Øt Jwøk ki uut kän jammi moa näk ocïp kur keerge na mo Jwøk.

1 Luup Nyeye 26:26

'Ba Cëlömöth manøgø ki jø tuuŋge gena jier na jø raŋ jammi bëët moa näk ocïp kur keerge na mo Jwøk, ni beege jammi moa cïp nyeya ma Deebit, ki bwöthe mo dhøk uudi, ki kwääc lwaa kume ki kwääc lwaa dïpe, ki kwääc lwaae møøk mo leny.

1 Luup Nyeye 26:27

Gena cïpö røk jammi moa twierge ri leny kiper nee kwöra näk oränynyö ri Øt Wuuö Jwøk dwøkge kare ki gø.

1 Luup Nyeye 26:28

'Ba jammi moa cïp Camielli, ŋat wø car luup ki køør man wø nyooth Jwøki jïre, ki Cøøl o Kic, ka Abinër o Nër, ki Jöap o Dheruya, ki moa cïp jiyi møga bëët, japøgø bëët ni en kur keerge yøø na mo Jwøk, acïp cer Cëlömöth ki jø tuuŋge.

1 Luup Nyeye 28:12

ki yi jöör geer øtø bäre mana näk ee käl wøk ki wïïe, kiper käälle mo Øt Wuuö Jwøk, ki uudi mo en jï wøk ki deŋ dëër øtø bäre, ki uudi mo kan jammi yïthge mo Øt Wuuö Jwøk, ki uudi mo kan jammi yïthge moa no ocïp kur keerge na mo Jwøk.

2 Luup Nyeye 15:18

'Ba jap wänni moa näk ocïp wänni kur keerge na mo Jwøk, ki jammi moa näk thööge na näk ee cïp kur keerge na mo Jwøk, akäl yi Øt Jwøk. 'Ba japaka beege gwet-bïrö, ki warkey, ki jap tïïc mo paac.

2 Luup Nyeye 31:12

Køøre geni muuce moøgøøni ki paac wïth jammi ki jammi moa näk ocïp kur keerge na mo Jwøk akïthge yïth uudi moøgø ki tïïc ma kare. Ni ö Könaniya nyïï tuuŋ Libay ni cïbi bäät jammi moøgø na ŋat raŋ ge; 'ba coki ma Cimiy beeye ŋata caath køøre.

Neemiya 10:38

'Ba dïlämi man nø, ni beege jøøa käl dëër Aran, bëëdö ki jø tuuŋ Libay moi nø na aciel kany wø ö jø tuuŋ Libayi ni wø jwäkge paac wïth jammi. Ni ö jø tuuŋ Libayi ni cïpge aciel ki ra apaar ni kïthge gø yïth uut kän mo Øt Jwøk marø.

Jeremaya 38:11

Kanyøgø Ebet-Melek jøøa cïp cere akäle, ni ci paan dwøŋ, ni døny piny tier øtø kany wø kan jammi yie, ni lwöte ka abïïe mo ojeeyø ka abïïe ma nywate, ni twöö geni ri thøøl, ni lwar ge piny yi buur baŋ Jeremaya.

Ciik Kiper Dïlämme 19:24

'Ba noo tïme na ŋweer cwiiri, nyïëdi moge tïmö ni ena kur keerge, no olämme mo Wuuö Jwøk di pwøø ki køørge.

Mikiya 4:13

Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Kwään Jiy 31:11

ni kälge japa twierge, ki jiy ki lääc paac bëët moa makge ki tøŋ.

Kwään Jiy 31:12

Køøre japa twierge, ki jiy ki lääc paac bëët moa makge, akälge baŋ Modhe ki Eliedhar na näk Kwääy Lam Mana Dwøŋ ki lwaa Icriel bäre, na en twïër yi pwöl Möap buut Naam Jördan na näk dïët ki Jerikö.

Kwään Jiy 31:22

ni ‹Jammi bëët mo wø dhal maac dou kïth yi maac ni døøyu ge mo waany, kaamar warkey, ki gwel-bïrö, ki nywïënyö ma jwïël, ki nywïënyö jaak, ka athääri, ki nywïënyö ma arecaac. 'Ba gïïögø thuwø doo døøya mo waany ki pï wø døøc jammi mo waany. 'Ba gïïa näk løny ki man waaŋi maaci doo kïtha yi pïï.

Mathiew 27:6

'Ba kwääc laam gwetøgø alwørge, ni köge, ni «Ba beer ki man kïth gweti kar kän mar Øt Jwøk, kiper gena gwet remø.»

Maak 12:41

Kanyøgø Jecu ena pï piny nyïm gïn wø cïp muuce yie, ni neeta lwaaøgø kanya kïthge muuce yi gø. Ni ö jiyi mo thööth mo okwär ni kïthge yi gø ki gwel mo thööth.

Jøcua 7:11

Jø Icriel beege na bääyö; geni luumma mana tuuda na köömma geni ki gø akaalge. Gena lwötö røk gïïa näk onø wëëk geni nee raanyge na bäre, ni kwalge gïïögø, ni cäänge ki tööt. Køøre gïïögø akange dï jammi moa näk moge.