Jøcua 6:18 - Wëël Jwøk

¹⁸ 'Ba uuni, dëëtu wär gwøgu ki gïïa näk onø wëëk uuni nee raanynyu na bäre bäre, kiper ni näk mo uuno lwötö rege, tïmö nou käla aranya bäät twïër mar jø Icriel, ni kännu bääte ki gïn mo leth.

Jøcua 6:18 Iomraidhean Croise

2 Camiel 21:1

'Ba kanya bëët Deebiti na nyeya, da käc ma atägö ni bëëde ki cwiiri adäk. Køøre Deebit alämö ni pëëny Wuuö Jwøk kiper käc manøgø. 'Ba aløk Wuuö Jwøki ni kööe, ni «Cøøl ki dhi øde bäätge da ajäl kwör rem jiy; kiper Cøøl jø Gibien anääe.»

Luup Dïpööy 9:18

Leec wïc beerra eni ni kaala jap leny. 'Ba ŋat raay aciel keere gïï mo beyø døc di raanynyø.

Joona 1:12

Ni løk gø jïge, ni «Lwørru aani ni leeŋu aani yi naam, kiper athaga nee døø piny kiperu, kiper ŋääa na athaŋŋi ni dwøŋ en ö bäätu kapera.»

Wëëlö Mana Göör Pøølli Baŋ Jø Röm 12:9

Beerra man mëërru ki mëër mo ree bäŋ atade. Männu ki gïno raac ni magu gïno beer.

2 Körin 6:17

«Kiper manøgønø, ocaan Wuuö Jwøki, ni ‹Ööu wøk dïge, ni pääu ki geni, ni bäŋe gïn mo gutu mo ba waany. Kanyøgø nø, uuno pänhnha.› »

Epeca 5:11

Tïïyu karu ni bäär ki tïïe mo muudhö ni wø bäŋ gïn duuge. 'Ba u doo jooga geni.

Tiet Ciik 13:17

'Ba kär dee gïn mo raac mo ocienø mo gutu ki ceŋŋu, kiper nee Wuuö Jwøk nee wëër mare na leth nee ba ö bäätu, ni nyooth mëëye jïïu, ni päth cwïnye ki gïru, ni tïïc kwäännu ni thööth, kaawat mana kööŋe jï kwäyu.

Tiet Ciik 23:10

Ni näk da dhaanhø dïïu mo dëëre ba waany kiper gïna näk ee tïïö ki dï wäär, eni doo cøøa wøk ŋää twïër, ni ba laar duu yi twïër.

Tiet Ciik 7:26

Kär dee gïn mo Wuuö Jwøk yie raac ki gø mo kïthu yïth uudi mou; kiper ni näk mo you tïïö, acïëni mana en bääte ööa bäätu. 'Ba u doo männö ki teeŋ gïïögø, ni bëëdu ni yïthu reyø ki ge, kiper acïën Wuuö Jwøk ena bäätge, ni beege gïï mo di raanynyø na bäre bäre.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.

Jøcua 7:1

'Ba jø Icriel abääyö ki køør gïna tïïcge røk gïïa näk onø wëëk geni nee raanyge na bäre; kiper Akan o Karmi na näk nyikwaar Dhabdi o Dheera na käl ri jø tuuŋ Juuda, alwötö røk gïïa näk onø wëëk geni nee raanyge na bäre; ni put Wuuö Jwøki wëër døc ki jø Icriel.

Jøcua 7:13

«'Ba ennø, ö maal, ni tïïyï jiy nee dëëtge døøcge mo waany ni kööï, ni ‹Døøyu dëëtu mo waany kiper gïno tägi diøø, kiper Wuuö Jwøk na näk Jwø Icriel aköö, ni «Wui, jø Icriel, gïïa no onø wëëk uuni nee raanynyu na bäre dagø dïïu. 'Ba këël kanyo paanynyu gïïa no onø wëëk uuni nee raanynyu na bäre, uuni ba løny jïïu ki man cuŋŋu nyïm nyïïmännu.» ›

Jøcua 7:15

'Ba ŋato joot ni gïïa no onø wëëk uuni nee raanynyu na bäre ena baŋe, wär eni 'näk ki gïïa en jïre bëët, ni rup maac bäätge nee putge waaŋ na bäre, kiper eni luumma tuuda ki jø Icriel akaale, ni tïïc gïn mo wïc laay ki gø dï jø Icriel.› »

Jøcua 7:25

Kanyøgønø, Jøcua aköö jï Akan, na «?Aŋø nyie ni kännï bäätwa ki gïn mo leth en? 'Ba dïcäŋi nø Wuuö Jwøk okïth bäätï ki gïn mo leth thuwø.» Ni ö jø Icrielli bëët ni këërge Akan ki kïte, ki jø paare, këël gïïa en jïre bëët. 'Ba na nø këërge geni ki kïte, aputge rup ki maac ni put ge waaŋ na bäre.

1 Jøøn 5:21

U ni therø, bëëdu ni karu bäär ki gïï wø lam jaak.

1 Camiel 15:9

'Ba Cøøl ki jø leny, Agaak awecge ni kwøw, ni wecge lääy moa beyø geni røk dïëk, ki dhäk, ki nyïïrøøe moa no olør, ki nyïïrööm, ni lääy moøgø beege moa beyø bëët, ni kärge jïëy ki man 'näkge geni bëët; 'ba lääy moa no otaaø na reyø aputge 'näk na bäre bäre.