Jøcua 5:9 - Wëël Jwøk

⁹ Køøre Wuuö Jwøk aköö jï Jøcua, ni «Dïcäŋi en, gïna raac na eel jø Ijepi bäätu aŋeela wøk.» 'Ba nyeŋ kaace aput cwøl ni Gëlgela këël dïcäŋi en.

Jøcua 5:9 Iomraidhean Croise

Wïlöölö 34:14

Ni kö wäät Jeekapi, ni «Waani ba løny jïwa ki man tïïcwa gïnögø, kiper tïmö na lään wïc bäätwa ki man cïpwa nyiwa jï dhaanhø mo kär daŋø.

2 Camiel 19:15

Køøre nyeya aput duuö ni pïïe bäät Naam Jördan. 'Ba jø tuuŋ Juuda gena put ci Gëlgela ni ge cii kaper nee nyeya jølge, nee eni ŋølge løø Naam Jördan løøga.

Neemiya 12:29

ki moa en Bëëth-Gëlgëla, ki moa bëëdö yïth kwöra en deŋ pääny Gëba, ki deŋ pääny Adhemawët. Kiper jø wø wär ki dudi yi Øt Jwøk dëëtge ege gëënnö ka atude deŋ Jerucalem.

Jeremaya 9:25

'Ba Wuuö Jwøk aköö, ni «Ennø, da cääŋŋe moo ööi kanyo jääla jøøa näk odaŋø, na näk cwïnyge kärge cïbö jïra,

Edhikiel 23:3

mo geno tïmö ni gena kääpe Ijep, ni ge bëëdö ni ge gatha dëëtge ki käp ki mana täge ni ge therø. Gena bëëdö ni thurge di maaŋŋø ni ge di gämmö ki mëër yi ŋöömmögø.

Edhikiel 23:8

'Ba eni, bëët käp mare mana tääe kanya bëëde Ijep käre wiiø; ki mana käl thïnhö cwøw bëëdö ni buut ki gø. Ni thure na näk poot cuŋŋö maaŋ cwøwi maaŋŋø, ni cwïny cwøw puta pääŋö ki met ec ki eni.

Odheea 4:15

«Wui, ï na Icriel, këël na bëëdï niï tïïya tïï käp, Juuda kär näk cäŋa bääyö. Ni ba cou Gëlgela, wala maru ci maal Bëëth-Awëën, nou kööŋ, ni ‹Ŋëët Jwøa kwøw!›

Ciik Kiper Dïlämme 24:14

ni «Nyena jädö kïth wøk ŋää twïër, ni ö jøøa wïny ajaany mare bëët ni peethge ceŋge wï nyenøgø. Køøre dhaanh Icriel bäre nyenøgø wär këërge ki kïte.

Amøc 5:5

'ba kär näk mou manynya Bëthël, ni ba cou Gëlgela, ni ba pööthu Bëërcïïba; kiper Gëlgela omak ki tøŋ, ni ö Bëthëlli ni tïme ni bäŋ kare.»

Mikiya 6:5

U na jiya, ennø, beerra man parru wïthu ki luum gïna caar Balaki nyeny Möap nee tïïe dëëtu ki ri Beelam, ki gïna dwøk Beelammi o Beeyör ni eni kwiera mar Balak. Parru wïthu ki gïïa tägö kanya tïŋŋu Cëthim nou cøøa Gëlgela, kiper nee tïïe mo Wuuö Jwøk na beyø na tïïe nee ŋäyu.»

Jepaniya 2:8

Wuuö Jwøk aköö, ni «Aani, ajaany mar jø Möap, ka ajøøŋ mar jø Amön mana tïïcge dëët jiya, ki luupa reyø na carge dëër ŋöömö mar jiya, awïnynya.»

Jøcua 24:14

«'Ba ennø møn, wøørru Wuuö Jwøk ni tïnynyu eni na adïëri ni you ŋäädhö ki cwïnynyu bäre; tïïyu karu ni bäär ki juu moa wøør kwäyu kanya bëëtge løø Naam Upareeti løøga, ki kanya bëëtge Ijep, ni tïnynyu Wuuö Jwøk keere.

Jøcua 4:19

'Ba jø Icriel aö wøk ki bäät Naam Jördan kanya tïm nïr dwääyi mana dïkwøŋ na apaar; ni tïïcge twïër marge kanya cwøl ni Gëlgela na en deŋ Jerikö jï løø kur tuul-cäŋ.

Jøcua 5:8

'Ba kanya nø ö jø Icrielli na thöörge cwøw bëët ki daŋ, gena put bëëtö kwöra enge yïthge twïër këël mana caŋ dëët jiyi moa daŋ.

1 Camiel 14:6

Køøre Jönathan aköö jï nyena käär jap leny jïre, ni «Ööï, ø aa ŋutø kar koor mar jøøgø ni kär daŋø yøø; kanymør Wuuö Jwøk tïïö ki gïn mo beer kiperø. Kiper bäŋ gïn mo mäna Wuuö Jwøk ki man kunye ki ri jiy mo thööth wala ki ri jiy mo nøk.»

1 Camiel 17:26

Køøre Deebit acäänö ki jøøa cuŋŋö buute kaagø, ni kööe, na «?Agïnaŋø noo tïïc jï ŋato käl ajøøŋ wøk bäät jø Icriel ki køør mano 'näk nyï Pilitin manøgø? ?Aŋø, nyï Pilitin manøgø ni kär daŋø enø aŋa, ni ŋwöö bäät jø leny mo Jwøa kwøw en?»

1 Camiel 17:36

Aani, a na dhaanhnhï, aano nääö ki teeŋ lääy moøgø; 'ba nyï Pilitin manøgø ni kär daŋø enø, nääa nääö kaawat mana nääa teeŋ lääyögø, kiper mana ŋwöe bäät jø leny mo Jwøa kwøw.»

1 Camiel 7:16

'Ba ki yi cwiir cooth eni wø cøøa Bëthël ki Gëlgela ki Micpa, ni ŋøl luup mo jø Icriel yïth päänye moøgø bëët.