Jøcua 5:14 - Wëël Jwøk

¹⁴ Ni kö ŋatøgø, ni «Patha enøgønø. Aani, a ööi ni aana kwääy lwaa leny mar Wuuö Jwøk.» Kanyøgønø, Jøcua cøŋŋe akëël piny ni kuul wïïe piny, ni kööe jïgø, ni «?Kwäärö, agïnaŋø na diï caanø jïra nee tïïa, a na laŋŋø marï?»

Jøcua 5:14 Iomraidhean Croise

Wïlöölö 17:17

Køøre Eeberam ree aleeŋ piny ni put ŋeethø, ni kööe ki yi cwïnye, ni «?Dhaanhø mo cwiiye oløny na dïpa doo nyöötö ki nyilaal møn? Ceera thuwø cwiiye oløny na pïërabïŋween. ?Eni poot nyöötö ki nyilaal møn?»

Wïlöölö 17:3

Køøre Abram dëëre aleeŋ piny, ni cään Jwøki ki gø ni kööe,

2 Camiel 7:19

?Wui, Kwäärö Wuuö Jwøk, ki jïrï, gïna nø tïïyï enø beeye gïn mo thiinh jaak? 'Ba ïïna cäŋ cäänö kiper gïno tïïyï kiper dhi øtø mara yi nyïme kunece. ?Wui, Kwäärö Wuuö Jwøk, teeŋ gïnögø putï ka tïïc kiper dhaanhø møn en?

2 Camiel 7:20

«Wui, Kwäärö Wuuö Jwøk, ?agïnaŋø noo caana jïrï këët nø mo kaala man, a na Deebit en? Kiper a na dhaanhnhï en, cwïnya oløny ni ŋäyï døc.

Dut Pwøc 110:1

Bwøth Wøk 4:10

'Ba Modhe aköö jï Wuuö Jwøk, ni «Wui Awuuö, a paa dhaanhø mo caan luup ŋääe, ki mana bëëda cøøn, këël man cäänï ki aani dïcäŋi en, a na näk laŋŋï; kiper aana dhaanhø mo cäänö teek jïra ni leeba ba rwäänhnhi.»

Bwøth Wøk 4:13

'Ba Modhe aköö, ni «Wui Kwäärö, ennø beerra man jäägï ki dhaanhø mør jaak mana manynyï.»

Aydheea 55:4

Ka adïëri møn, ŋatøgø atïïa na ŋat ŋäc tiet jammi 'moa, ni wø caan gø jï jiy, ni tïïa eni na bwödhi na ŋat kööm jiy.

Aydheea 6:8

Køøre dwør Kwäärö Wuuö Jwøk awïnynya ni köö, na «?Aŋa noo jääŋŋa nø? ?Aŋa no cii kiperwa?» Køøre aana köö, «A nutö. Jääŋ aani!»

Edhikiel 3:23

Kanyøgø aana put ö maal ni cøøa yi ŋöömma näk ree ee päärö. 'Ba ka adïëri møn, kanya pïïa, ajiem mar Wuuö Jwøk oløny ni cuŋŋö yie kaace, ni beeye teeŋ ajiem mana jooda bäät naam Kebar. Kanyøgø aana put pädhö ki bäp yia.

Daniel 10:13

'Ba nyïïatwiel maal man wø koor buc nyec mar Parca, dëëre athïïŋe dëëra ki nïne ma pïërariiø ka aciel. Køøre Mikaël, eni na kwäärö aciel dï kwääc nyïïatwiet maal, aö kuna køny aani, kiper aano maa piny kaace buut nyeny Parca.

Daniel 10:21

'Ba këël na näk enø nø, aani gïna näk ogöörö yi Wëël Adïëri caana caanø jïrï. 'Ba bäŋ ŋat mo cwak aani ki geni, ni näk mo paa Mikaël, eni na nyïïatwiel maal man wø koor jø Icriel.

Daniel 12:1

«'Ba noo tïme na kar kaace, Mikaël, eni na nyïïatwiel maal mana dwøŋ ni wø koor jø pou ma jø Icriel, dëëre di thïïŋö. 'Ba kar kaace tïmö na kar jwør gïï mo leth, na gïï mo poot kär kwøŋ tägö cøøn ki mana täge ki kanya täk wï jur këël kar kaace. 'Ba kar kaace jø pou moo nyeŋge joot no ogöör piny yi wëëlö, ge di piemø.

Daniel 8:11

Eni dëëre atïŋ maal ni døøc dëëre mo dwøŋ ni päär dëëre ki Kwääc lwaa gïïa en maal, ni ö olämme mo wø cïp cooth jï Kwääc lwaa gïïa en maal ni män ge, ni päät kar lam na en kur keere.

Ciik Kiper Dïlämme 9:24

Kanyøgø maac aput nituc ki nyïm Wuuö Jwøk ni thöör olämi man wø waaŋ bäre, ki dwäälö bäät gïn wø cïp olämme bääte. 'Ba kanya ö jiyi bëët na jootge gø, gena put kwöŋŋö ki met ec, ni këëlge cøŋge piny ki täärnyïmge.

Kwään Jiy 16:22

'Ba Modhe ka Aran rege agøøge piny, ni köge, ni «Wui Jwøk, ïïni na Jwø jwïëy mo jiy bëët, ?aŋø, ni näk mo bääya dhaanhø aciel, ï doo wëër ki lwaak bäre?»

Kwään Jiy 16:45

ni «Paanynyu rou dï lwaai, kiper nee ge thööra ennø.» Ni ö Modhe ka Aran ni gøøge rege piny.

Kwään Jiy 22:31

Køøre Wuuö Jwøk nyeŋ Beelam ajabe, ni ö Beelammi ni joot nyïïatwiel maal mar Wuuö Jwøk ni cuŋŋö dï øtjöö, ni cere do opëëllö. Ni ö Beelammi ni put ree leeŋ piny.

Mathiew 22:44

«ni ‹Wuuö Jwøk aköö jï Kwääya, ni «Pï bäät cwïïa, këël mano cïba nyïïmännï tietï» ›?

Mathiew 8:2

Kanyøgønø, ŋat mo ree da dhøøbø aö baŋe, ni këël cøŋŋe piny nyïme, ni kööe, ni «Kwäärö, ni näk ïïno jïëy, dëëra diï dwøga kare.»

Luk 1:43

?Aŋø, gïn owëëk aani nidïï, ki man ö mii Kwääya na dee ö baŋa?

Luk 20:42

Kiper Deebit ki dëëre ee caanø yi Wëël Dut Pwøc, «ni ‹Wuuö Jwøk aköö jï Kwääya, ni «Pï bäät cwïïa,

Luk 5:12

'Ba kanya poode ni Jecu ena yi pääny aciel dï mïëyögø, nyen mør mo dëëre ogääbö bäre ki dhøøbø aöö. 'Ba na joot Jecu, dëëre aleeŋ piny nyïm gø, ni kwac gø, ni «Wui Kwäärö, ni näk ïïno jïëy, dëëra diï dwøga kare.»

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Moa Tïïc Nyïïatwieli 9:6

'Ba ö maal ni ciï pääny; gïno tïïyï ocaan jïrï.»

Pilipay 3:8

Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

Ibaru 2:10

Kiper orømø jï Jwøk, eni na en jammi bëët jïre, ni ööi ki baŋe, ki man tïïc ŋata bwøth jiy jöör pïëm man piem geni ki gø no othur kare ki køør gïïa leth na jwøre, kanya ö eni na käl nyïïe mo thööth kar ajiem.

Jøcua 20:1

Køøre Wuuö Jwøk acäänö ki Jøcua, ni kööe,

Mana Nyooth 12:7

Kanyøgø leny atägö maal. Maykal ki nyïïatwiet maal moe akëëdö ki thwöl, ni ö thwörögø ki nyïïatwiete ni këëtge ki ge.