Jøcua 5:13 - Wëël Jwøk

¹³ 'Ba kanya en Jøcua buut Jerikö, wïïe atïŋ maal ni lwïthe; ni joot dhaanhø mør ni cuŋŋö nyïme no opëëllö dagø cere; ni ö Jøcua ni ci baŋe ni kööe jïgø, ni «?Ï ena løøk marwa wala ï ena løø nyïïmän?»

Jøcua 5:13 Iomraidhean Croise

Wïlöölö 18:1

'Ba Wuuö Jwøk ree anyoodhe jï Eeberam buut jera døøŋŋø mo Mamrë, ni Eeberam opï piny dho oduŋkaara mare kanya tïm cäŋŋi ni ena dhöör.

Wïlöölö 18:2

'Ba kanya ö Eeberammi na tïŋ wïïe maal ni lwïthe nyïme, jiy adäk ajoode ni cuŋŋö ni dïët ki eni. 'Ba na joot geni, ena pär maal ki dho oduŋkaara na bëëde yie ni reŋ baŋge nee røømme ki geni. Kanyøgø cøŋŋe akëël piny nyïmge,

Wïlöölö 28:16

Køøre Jeekap apäy ki yïth niine, ni kööe, ni «Ka adïëri møn, Wuuö Jwøk ena kany, 'ba kuua ni ena kany.»

Wïlöölö 33:1

Køøre Jeekap wïïe atïŋ maal ni lwïthe ni joot Icøø ni cäänhnhö, ni cäädhi ka jiy ma dïpe aŋween. Ni ö Jeekapi ni pääŋ obwöre jï mëëkge na näk Liia, ki Reecal, ki määra näk ariiø na näk jø tïïc.

Wïlöölö 33:5

Ni ö Icøø ni tïŋ wïïe maal ni joot mään ko obwöre, ni kööe, «?A moi a jø kaa ni cäädhi ki ïïni en?» Ni kö Jeekapi, ni «Beege obwöre moa cïp Jwøki jïra ki met yie, a na laŋŋø marï.»

1 Luup Nyeye 12:22

'Ba ki yi cäŋ cooth, da jiy mo öö ni dwätge ki jø leny mo Deebit, këël mana tïm jø lenynyi ni thööth døc.

1 Luup Nyeye 21:27

Køøre Wuuö Jwøk nyïïatwiel maal aput köömmö, ni ö nyïïatwiel maalli ni put opëëllö mare dwøk yi køp.

1 Luup Nyeye 21:30

'Ba Deebit kär løny ki man ci baŋ gø ki man pëëny Jwøk, kiper eni lwäär ko opëëllö mar nyïïatwiel maal mar Wuuö Jwøk.

Bwøth Wøk 23:23

Kiper nyïïatwiel maal mara manøgø ocäädhi maal nyïmmu, ni kïth uuni yïth ŋøøp jø Amör, ki jø Këth, ki jø Përec, ki jø Keenan, ki jø Ëwi, ki jø Jeebuc; ni puta geni raanynyø na bäre.

Daniel 10:5

aani nyeŋŋa ataa maal ni räŋŋa, ni jooda dhaanhø mo oruyö ka abïï ma lïïna, mo piere ee töönynyö ki kaa warkey mana tøŋ mo käli ki yo Upath.

Daniel 8:3

Køøre waŋa akëëlla dëëre ni jooda nywø røømmø mo cuŋŋö deŋ naamøgø, mo jïre da tuŋi ariiø. Tuŋi moøgø na ariiø yøø bäyö, 'ba aciel bäärra eni ki maya, ni mana bäär tuya ŋää cään.

Dhekaraya 1:8

Aani, da gïn ma anyooth jïra ki wäär. Aana jïtö ki dhaanhø nyïma mo cäädhi ka bäät okweeny lääy mo kwaar. Ni ööe ni mäk piny ni cuŋŋe tiet jenni bäät waŋ, ni jiy møøk mo cäädhi ka bäät okwëënyi mo kwayø, ki mo obwörö, ki mo tar ena buute.

Kwään Jiy 22:23

'Ba kanya ö arëënni na joot nyïïatwiel maal mar Wuuö Jwøk ni cuŋŋa dï øtjöö no opëëlle ena cere, arëën aput gaa wøk ki øtjöö ni ci yi pwödhö; 'ba Beelam arëën agøøe kiper nee dwøk øtjöö.

Kwään Jiy 22:31

Køøre Wuuö Jwøk nyeŋ Beelam ajabe, ni ö Beelammi ni joot nyïïatwiel maal mar Wuuö Jwøk ni cuŋŋö dï øtjöö, ni cere do opëëllö. Ni ö Beelammi ni put ree leeŋ piny.

Moa Tïïc Nyïïatwieli 1:10

'Ba kanya pootge ni ge raŋŋa maal kanya aae, jiy ariiø aput cuŋŋö buutge, mo dëëtge da abïïe mo tar.

Jøcua 6:2

'Ba Wuuö Jwøk aköö jï Jøcua, ni «Neenï, pääny Jerikö ki nyeya mare ki jø leny moa en yie na teek yaa nø cïp cerï.

Mana Nyooth 1:13

'Ba dï lambae moøgø da ŋat mo keda Wär Dhaanhø, mo orøø ka abïï mo okëët tiete, ni kööre da kaa warkey.

Pïëmme 13:11

Køøre Manöa aput päny maal ni cäädhe køør cïïe; 'ba kanya pïïe baŋ ŋatøgø ena köö jïgø, ni «?Beeye ï ŋata cäänö ki nyijøøi?» Ni kö ŋatøgø, ni «Beeye aani.»

Pïëmme 13:22

Kanyøgønø, Manöa aköö jï cïïe, ni «Ka adïëri møn, ø thøw ennø, kiper Jwøk anø neenø.»