Jøcua 5:1 - Wëël Jwøk

¹ 'Ba kanya ö nyeye bëët mo jø Amör moa en løø Naam Jördan løøga jï løø kur pänh-cäŋ, ki nyeye mo Keenan bëët moa en bäät naama dwøŋ, na wïnyge gø ni Wuuö Jwøk pï Naam Jördan ataale nyïm jø Icriel këël mana ŋutge løøga, geni cwïnyge abwøk, ni päth bäätge ki lwär kiper jø Icriel.

Jøcua 5:1 Iomraidhean Croise

Wïlöölö 12:6

Ni ö Abrammi ni pöödhe ki dï ŋöömmögø këël mana pïïe kanya cwøl ni Cekam na en jaadha dwøŋŋi yie mar Mörë. 'Ba yi kar kanyøgø jø Keenan oløny ni bëëdö yi ŋöömmögø.

Wïlöölö 48:22

'Ba ŋöömö mana lwøra ri leny baŋ jø Amör acïba jïrï ni kaala mana cïba jï uutwäru.»

2 Camiel 21:2

'Ba jø Gibien ge paa jø Icriel; gena jø Amör moa no odööŋ ni kwøw. 'Ba kar kaace, jø Icriel geno tudö ki luubö ki jø Gibien nee jø Gibien ba 'näkge. 'Ba Cøøl apääre ki man dïïr wïthge ki køør këëny mana en cwïnye ki geni, ni ge näänne jø Icriel ki jø tuuŋ Juuda.

1 Nyeye 10:5

ki cam man wø cïp nyïme kar cam mare, ki kwör bëëte mo jøøa näk ee cuumö, ki yi jöö man wø tïï jø tïïci moe ki gø, ki ruyö marge, ki jiy moe mo wø gap kwøk nyïïomøki jïre, ko olämme mo wø waaŋ bäre mo wø cïbe Øt Jwøk, doo thøw ki thäŋ ec.

Edhera 9:1

'Ba køør gïïögø bëët, dïbwöthe mo jø Icriel aö baŋa ni köge, ni «Jø Icriel, ki dïlämme, ki jø tuuŋ Libay, dëëtge kärge pääŋŋö ki juurre moa bëëdö yi ŋöömmi, mo wø tem gïïa näk ec raac ki ge, ni beege jø Keenan, ki jø Këth, ki jø Përec, ki jø Jeebuc, ki jø Amön, ki jø Möap, ki jø Ijep, ki jø Amör.

Bwøth Wøk 23:28

Aani piini ojääŋŋa nyïmmu kiper nee jø Ëwi ki jø Keenan ki jø Këth nee riemge wøk nyïmmu.

Aydheea 41:5

«'Ba wïth juurre mo wø bëëdö yïth mïëri moa en bäät naama dwøŋ noo neenge gïnögø, geno put lwäyö, ni ö jøøa en teegi mo piny ni tïm dëëtge ni kwanynyi, ni cooŋge rege ni öge kany mo cään.

Edhikiel 16:3

Caanï jïre ni man beeye luumma caan Kwäärö Wuuö Jwøki jï Jerucalem, ena köö, ni ‹Kanya kälï yie ki kanya nywøl ïïni yie beeye ŋööm jø Keenan; ni wäru beeye ŋat Amör, ni meru beeye nyijø Këth.

Edhikiel 21:7

'Ba kanyo pëënyge ïïni ni köge, na ‹?Aperŋø ni guyï en?› wärï kööï jïge, na ‹A guyi kaper gïn ni nyään ni ööi en. Eni dïcäŋeca cwïnynyi bëët bwøk, ni ö bäät jiy bëët ni nigelway; jwïëy bëët ööl, ni ö nyeŋ cøŋŋi bëët ni øcge piny kaamar pïï. Ka adïëri møn, cäŋece öö; öö ni ba kääŋi.› Luummögø caana Kwäärö Wuuö Jwøki.»

Daniel 5:6

Køøre nyeya täärnyïme aput niduk, ni put cwïnye tïmö ni pärö ka acaara mare, ni ö nyeŋ ocwiiye ni tïmge ni nhønhnhi, ni ö wïth cøŋŋe ni pöötge rege.

Amøc 2:9

«'Ba beeye aani na raany jø Amör nyïmge; këël na bëët bäc jø Amörri ni caala bäc jaath mo bäär, ni teekge caala teek dhegu, wïthge adïïra na bäre bäre.

Kwään Jiy 13:29

'Ba jø Amalëk ge bëëdö Nëgëp, ni ö jø Këth ki jø Jeebuc ki jø Amör ni bëëtge mïëya en bäät kïte, ni ö jø Keenan ni bëëtge deŋ naama dwøŋ ki deŋ Naam Jördan.»

Jøcua 17:12

'Ba jø tuuŋ Maneeca kär løny jïge ki man macge päänye moøgø na bäre, kiper jø Keenan cwïnyge aputge mak ki man bëëtge yïth ŋøøm moøgø.

Jøcua 17:18

'Ba ŋøømma en bäät kïte poot tïmö na maru. Këël na bëët kaace na lul, dou ŋødø, ni këëllu gø nyeŋ keee moe, ni ö ŋöömmöca ni tïme na maru bäre; ni riemu jø Keenan wøk thuwø, këël na bëëtge ni ge teek ni jïge da jïëthe mo wø tut okwëënyi mo tïïc ka nywïëny.»

Jøcua 24:15

'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»

Jøcua 3:16

pïï mo wø kwönni ki kwöra en maal aput cuŋŋö ni makge rege kaamar gïï mo ocooŋ kanya ciel, ni pïïögø cuŋŋa kany mo bäär paana cwøl na Adam, na en buut Carthan; ni ö pïïyi mo wø lööny yi Naam Acäbö na en yi gool mana cwøl na Araaba, ni putge niŋul na bäre. Ni ö jø Icrielli ni putge ŋut løøga ni ge dïët ki Jerikö.

Jøcua 3:17

'Ba dïlämme moa biel acanduk man wø nyooth luumma tuut Jwøki ki jiy na näk mar Wuuö Jwøk, gena cuŋŋö kany mo otal dï Naam Jördan; ni ö jø Icrielli bëët ni putge ŋut løøga ni ge cäädhi ka kany mo otal, këël mana ö wïth tuŋi bëët mo jø Icriel ni putge thum løø Naam Jördan løøga.

Mana Nyooth 18:10

'Ba geno cuŋŋi kany mo bäär ni ge lwäära caannø mare, ni köge, ni «Wui, wui, paana dwøŋ, ïïna ränynyö. Wui, ï na Babiløn na teek, ränynyö marï apïï ki yi caa aciel!»

Pïëmme 1:1

'Ba kanya tïme na køør thøw Jøcua, jø Icriel Wuuö Jwøk apëënyge, ni köge, na «?A jø tuuŋe mane dïwa noo kwøŋ ci baŋ jø Keenan, nee këëtge ki geni?»

Pïëmme 11:23

«'Ba Wuuö Jwøk Jwø Icriel beeye na riem jø Amör wøk nyïm jiye ma jø Icriel. ?Aŋø, ennø u manynya ŋöömö manøgø nee lwørru?

Pïëmme 3:3

'Ba wïth juurre moøgø beege kwääri mo jø Pilitin moa näk abïïc ki jicge, ki jø Keenan bëët, ki jø Caydan, ki jø Ëwi moa näk bëëdö buut kïnna cwøl ni Libaanø; ni jø Ëwi moøgø poge tägi ka ri kïnna cwøl ni Baal-Armön këël mana pïïe kanya cwøl ni Libø-Amath.

Pïëmme 4:2

Ni ö Wuuö Jwøki ni cïp geni cer Jabin nyeny jø Keenan, ŋata bëën paana cwøl na Adhör; 'ba kwääc lwaa leny mare beeye Cicara nyen mo bëëdö paana cwøl na Aröcët-Agöyim.

1 Camiel 25:37

'Ba na tïm pinynyi na amöölla, ni Nabal køøŋø onø waany wïïe, luup moøgø bëët acaan cïïe jïgø; ni ö cwïny Nabal ni put bwøk døc ni tïme kaamar dhaanhø mo othøw.