Jøcua 4:6 - Wëël Jwøk

⁶ Beerra man bëët gïnögø na nyuudhi jïïu; 'ba kanyo ö wäätu noo pëënyge uuni yi nyïme, ni köge, ni ‹?Kïte moi tiere agïnaŋø ki baŋu?›

Jøcua 4:6 Iomraidhean Croise

Bwøth Wøk 12:14

« ‹Dïcäŋögø otïmö na cäŋ par wïc jïïu, ni wøørru gø na ajwöma jï Wuuö Jwøk; cäŋ manøgø wär wøørru cooth ki yïth beenhnhe mou bëët.

Bwøth Wøk 13:14

«'Ba yi nyïme, kanyo ö wäätu noo pëënyge uuni, ni köge, ni ‹?Gïn tiere aŋøøni?›, u doo köö jïge, ni ‹Wuuö Jwøk øøna käl wøk ki teek mare Ijep na näk po laŋ.

Bwøth Wøk 13:9

Køøre gïnögø doo bëëdö na nyuudhi kaamar gïn mo otwöö ceŋŋu, ni caala gïn mo ena täärnyïmmu, nee ciik Wuuö Jwøk bëëde ni ena dhøgu, kiper mana ö Wuuö Jwøki na käl uuni wøk Ijep ki teek mare.

Bwøth Wøk 31:13

«'Ba ïïni, wär caanï jï jø Icriel, ni kööï, ni ‹Kiper naa ŋäyu ni beeye aani na Wuuö Jwøk na cïp uuni kur keeru, ka adïëri møn, gwøgu nïr jwöm 'moa; ni manøgø beeye nyuudhi mano bëëdö yïthakiyø ki uuni këël beenhnhe mou bëët mo ööi.

Aydheea 38:19

Jiy moa kwøw beege ni wø pwøc ïïni, kaawat man tïïa dïcäŋi en. Adïëri marï caan wëëe caanø jï obwöre moge.

Aydheea 55:13

Kanyøgønø, otïmö ni tuya jenni mo mar mo bøøge moge ba øc piny, ni patha koodhi, ni tuc jenni moa perge leth ni patha otwel. 'Ba oput tïmö na gïn par wïc ki gø ki Wuuö Jwøk, na ŋïï mo bëëdö na bäre bäre ni ba ränynyi.»

Edhikiel 20:12

Ni pwönynya geni thuwø ki man gwøkge cääŋŋe 'moa mo jwöm, nee bëëtge ni caala ŋïï yïthakicwa ki geni, nee ŋäcge ni bee aani na Wuuö Jwøk na tïïc geni na jiy mo ena kur keerge.

Edhikiel 20:20

Tïïyu cääŋŋe 'moa mo jwöm ni ena kur keerge, ni tïmge kaamar ŋïï mo ena yïthakiyø, kiper nee ŋäyu ni bee aani na Wuuö Jwøk, Jwøk maru.»

Kwään Jiy 16:38

Athääe moøgø atïmö ni ena kur keerge kanya cïp ge nyïm Wuuö Jwøk. Kiper manøgønø, athääe mo jøøgø na thøw ki køør raay moge yøø, wär thääth ni reep, nee tïme na rëëbi mar gïn wø cïp olämme bääte. 'Ba rëëbi manøgø otïmö na nyuudhi jï jø Icriel.»

Moa Tïïc Nyïïatwieli 2:39

Kiper gïna buuk, buuga jïïu ki nyïïu ki jøøa kwörge bäyö bëët, këël jiy bëët moo cwøl Wuuö Jwøki na näk Jwøø baŋe.»

Tiet Ciik 11:19

Ni pwönynyu obwöre mou ki geni døc, ni bëëdu nou cara gïrge cooth kany wø pïïu piny mïëyu, ki kany wø cäädhu jöö, ki kany wø nyaaŋŋu dëëtu piny, ki kany wø päyu.

Jøcua 22:27

'ba beeye kiper nee tïme ni caala gïn ma nyuudhi mo ena yïthakicwa ki uuni ki beenhnhe 'moø moo ööi køørø, ni nyootha gø ni løny jïwa ki man öwa yi ŋöömö mana en oduŋkaany Wuuö Jwøki yie, nee eni tïnywa møn, ni cïpwa olämme mowa jï Wuuö Jwøk ki uuni na aciel, ni beege olämme mo wø waaŋ bäre, ko olämme møga, ko olämme mo wø duunni ki mëër; nee ba tïme ni løny jï nyïïkwaayu ki man köge jï nyïïkwaacwa yi nyïme, ni ‹Uuni bäŋ kuru cøøn kuna näk løø Wuuö Jwøk.›

Jøcua 4:21

Ni kö Jøcua jï jø Icriel, ni «Kanyo ö obwöre mou noo pëënyge uuni yi nyïme, ni köge, ni ‹?Kïte moi a kïte mo ŋøøni?›

Jøcua 4:5

Ni kö Jøcua jïge, ni «Cou dï Naam Jördan kanya en acanduk mar Wuuö Jwøk na näk Jwøu yie, ni ö ŋati man nø dïïu ni lwöte ki kïdi ni käär gø ki göönne, ni you päärö ki køør kwään wïth tuŋi mo jø Icriel.