Jøcua 4:5 - Wëël Jwøk

⁵ Ni kö Jøcua jïge, ni «Cou dï Naam Jördan kanya en acanduk mar Wuuö Jwøk na näk Jwøu yie, ni ö ŋati man nø dïïu ni lwöte ki kïdi ni käär gø ki göönne, ni you päärö ki køør kwään wïth tuŋi mo jø Icriel.

Jøcua 4:5 Iomraidhean Croise

Wïlöölö 31:46

Ni kö Jeekapi jï tuuŋge, ni «Kännu ki kïte.» Ni ö jøøgø ni känge ki kïte ni löörge gø kanya ciel, ni cämge buut kïte moa löörge kanya ciel kaace.

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.

Tiet Ciik 27:2

'Ba kanyo ŋutu løø Naam Jördan løøga yi ŋöömmo cïp Wuuö Jwøki na näk Jwøu jïïu, kanyo nø pïïyu løøga, kïte mo døøŋŋø wär cwödhu piny, ni rwøthu geni ki jïïr mo tar.

Tiet Ciik 9:1

«Wui, u na jø Icriel, wïnynyu gïn. Dïcäŋi karu cään ki man ŋutu løø Naam Jördan løøga, nou cou nee wïth juurre mo døøŋŋø geni ki uuni, moa näk jïge da teek mo kaala maru, nee riemu wøk, këël na bëëde ni jïge da päänye mo døøŋŋø, ni kiiri moge ogeerø ni teek ni bäyö.

Jøcua 22:10

'Ba kanya ö jø tuuŋ Ruben, ki jø tuuŋ Gaat, ki thääŋ tuuŋ Maneeca na pïïcge bäät Naam Jördan løøa en yi ŋööm Keenan, gena put tïïö ki gïn wø cïp olämme bääte mo dwøŋ mo nëëni ni mïërö buut Naam Jördan kaace.

Jøcua 4:4

Køøre Jøcua jøøa näk apaar kurriiø acwøle, ni beege jøøa näk ee nø jier røk jø Icriel, ni ŋati man nø käla ri wï tuuŋ man nø.

Jøcua 4:6

Beerra man bëët gïnögø na nyuudhi jïïu; 'ba kanyo ö wäätu noo pëënyge uuni yi nyïme, ni köge, ni ‹?Kïte moi tiere agïnaŋø ki baŋu?›