Jøcua 4:22 - Wëël Jwøk

²² køøre nø, dou lamø jï obwöre mou, ni kööu, ni ‹Jø Icriel Naam Jördan man en aŋølge ni ge cäädhi ka kany mo otal.›

Jøcua 4:22 Iomraidhean Croise

Bwøth Wøk 14:22

Ni ö jø Icrielli ni cørge dï naam ni ge cäädhi ki kanya no otal, ni pïï cuŋŋi kaamar dëër øtø bäät cämge ki bäät cwïcge.

Bwøth Wøk 14:29

'Ba jø Icriel acäädhö ki kany mo otal dï Naama Kwaar, ni pïï cuŋŋi kaamar dëër øtø bäät cwïcge ki bäät cämge.

Bwøth Wøk 15:19

Kanya ö okwëënyi mo Peerø ki jïëthe mo wø tut okwëënyi moe ki jø okwëënyi moe na cige yi Naama Kwaar, Wuuö Jwøk pï Naama Kwaar adwøk bäätge; 'ba jø Icriel acäädhö ki kany mo otal dï Naama Kwaar.

Aydheea 44:27

Bee aani ni wø köö ki naama dwøŋ na päŋ, ni ‹Talï!› ni puta nyeŋŋi moe taal.

Aydheea 51:10

?Aŋø, patha ïïni na taal naama dwøŋ, kuda näk päŋ døc, na tïïö ki jöö yi naamøgø, kiper nee jøøa wïïlï wøk nee ŋutge løøga ki yie?

Jøcua 3:16

pïï mo wø kwönni ki kwöra en maal aput cuŋŋö ni makge rege kaamar gïï mo ocooŋ kanya ciel, ni pïïögø cuŋŋa kany mo bäär paana cwøl na Adam, na en buut Carthan; ni ö pïïyi mo wø lööny yi Naam Acäbö na en yi gool mana cwøl na Araaba, ni putge niŋul na bäre. Ni ö jø Icrielli ni putge ŋut løøga ni ge dïët ki Jerikö.

Jøcua 3:17

'Ba dïlämme moa biel acanduk man wø nyooth luumma tuut Jwøki ki jiy na näk mar Wuuö Jwøk, gena cuŋŋö kany mo otal dï Naam Jördan; ni ö jø Icrielli bëët ni putge ŋut løøga ni ge cäädhi ka kany mo otal, këël mana ö wïth tuŋi bëët mo jø Icriel ni putge thum løø Naam Jördan løøga.

Jøcua 4:21

Ni kö Jøcua jï jø Icriel, ni «Kanyo ö obwöre mou noo pëënyge uuni yi nyïme, ni köge, ni ‹?Kïte moi a kïte mo ŋøøni?›

Mana Nyooth 16:12

Ni ö bïcier nyïïatwiet maalli ni køny kuura mare bäät Naam Upareeti na dwøŋ, ni ö pïïe ni talge, ni jiiŋŋa jöör nyeye moo ööi ki jï løø kur tuul-cäŋ.