Jøcua 4:19 - Wëël Jwøk

¹⁹ 'Ba jø Icriel aö wøk ki bäät Naam Jördan kanya tïm nïr dwääyi mana dïkwøŋ na apaar; ni tïïcge twïër marge kanya cwøl ni Gëlgela na en deŋ Jerikö jï løø kur tuul-cäŋ.

Jøcua 4:19 Iomraidhean Croise

2 Nyeye 2:1

'Ba kanya tïm Wuuö Jwøki ni manynya man kïth Ilaaja maal ki ya apwøyaweerø, Ilaaja ki Ilaaca gena tïŋŋö ki Gëlgela.

Amøc 4:4

«U na jø Icriel, cou kar lam maru Bëthël ni putu luumma dhal, ni pööthu Gëlgela thuwø nou meeta adhala maru. Wäro tïme na amöölla cooth, olämme mou wär kïthu kar lam jaak, ni cïpu paac wïth jammi mou ki køør nïne adäk cooth thuwø.

Amøc 5:5

'ba kär näk mou manynya Bëthël, ni ba cou Gëlgela, ni ba pööthu Bëërcïïba; kiper Gëlgela omak ki tøŋ, ni ö Bëthëlli ni tïme ni bäŋ kare.»

Mikiya 6:5

U na jiya, ennø, beerra man parru wïthu ki luum gïna caar Balaki nyeny Möap nee tïïe dëëtu ki ri Beelam, ki gïna dwøk Beelammi o Beeyör ni eni kwiera mar Balak. Parru wïthu ki gïïa tägö kanya tïŋŋu Cëthim nou cøøa Gëlgela, kiper nee tïïe mo Wuuö Jwøk na beyø na tïïe nee ŋäyu.»

Tiet Ciik 1:3

'Ba kanya päŋ cwiiri moa ö jø Icrielli wøk ki yi Ijep na pïëraŋween, ri dwää apaar kurciel, yi cäŋ mana dïkwøŋ, Modhe acäänö ki jø Icriel ki køør luup bëët moa köömmi ya Wuuö Jwøki ki ge ni caane jïge.

Tiet Ciik 11:30

'Ba kïte moøgø ena løø Naam Jördan løøga buut jöör wø ci jï løø kur pänh-cäŋ, ni ge ena buut jera døøŋŋø na näk mo Mörë yi ŋööm jø Keenan mo wø bëëdö dï goor Jördan ni wø cwøl na Araaba, ni wø neet røkge ki Gëlgela.

Jøcua 10:43

Køøre Jøcua ki jø Icriel bëët moa näk jø leny na cäädhö ki eni gena duu twïër kanya bëëtge yie Gëlgela.

Jøcua 10:6

Køøre jø Gibien ajääk baŋ Jøcua ki dwøl kanya näk jø Icriel twïër marge ege tïïö yie Gëlgela, ni köge, ni «Kär wa weyï jaak; køny waani, wa na laaŋe moï. Ennø laar rwänh baŋwa ni gwøgï jwïëy mowa ni kønyï wa, kiper nyeye mo jø Amör bëët na näk bëëdö mïëya en bäät kïte dëëtge adwalge nee këëtge ki waani.»

Jøcua 15:7

Ni ö keewi manøgø ni put aay ki Goor Akör ni coonya Dabëër, ni gøn ree jï løø wï-piny ni coonya Gëëlilöt na näk dïët ki jöör Adumim, na en løø gool bäät caam. Ni pöödhe ni coonya jøøro mana cwøl na Ayn-Camic, ni put pïï jøøro mana cwøl na Ayn-Rögëël.

Jøcua 24:11

« ‹'Ba uuni Naam Jördan aŋøllu ni pïïyu Jerikö; ni ö jøøa bëëdö Jerikö ni këëtge ki uuni. Këël jø Amör, ki jø Përec, ki jø Keenan, ki jø Këth, ki jø Gërgëca, ki jø Ëwi, ki jø Jeebuc gena këëdö ki uuni thuwø. 'Ba ge bëët gena cïba ceŋŋu.

Jøcua 4:18

'Ba kanya tïm dïlämme moa käär acanduk man wø nyooth luumma tuut Jwøki ki jiy na näk mar Wuuö Jwøk, ni ge ööa wøk ki dï Naam Jördan, kanya tïm tietge ni këëta kanya no otal ennø, pï Naam Jördan aput døø karge, ni put døø ri kwödö ki deŋŋe manøgø bäre kaawat mana bëëde dïkwøŋ.

Jøcua 5:10

'Ba kanya bëët jø Icrielli ni twïër marge ege tïïö Gëlgela, cäŋ Cäŋa Pööth Thøøe Yie awøørge pwöl Jerikö ni nïr dwääy apaar kurŋween ni piny a wïthïënhö.

Jøcua 5:9

Køøre Wuuö Jwøk aköö jï Jøcua, ni «Dïcäŋi en, gïna raac na eel jø Ijepi bäätu aŋeela wøk.» 'Ba nyeŋ kaace aput cwøl ni Gëlgela këël dïcäŋi en.

Jøcua 9:6

Ni putge ci baŋ Jøcua kanya näk jø Icriel twïër marge ege tïïö yie kanya cwøl ni Gëlgela, ni köge jïgø ki jï jø Icriel, ni «Waani, waana öö ni wa käla paac mo bäär; ennø, wa kwaya uuni nou tudu ki luubö ki waani.»

1 Camiel 10:8

'Ba ïïno løøc piny ni ciï nyïma Gëlgela; 'ba ka adïëri møn, aani, a löönynya piny baŋï ni cïpa jï Wuuö Jwøk ko olämme mo wø waaŋ bäre, ko olämme mo wø duunni ki mëër. 'Ba wärï kurï ki nïne abïriiø këël kanyo ööa baŋï, ni ö gïno tïïyï ni nyoodha gø jïrï.»

1 Camiel 15:33

'Ba Camiel aköö, ni «Kaawat mana ö opëëllö marï na tïïc mään ni bäŋ obwöre, meru thuwø dööŋ ni bäŋ nyilaal jïre dï mään bëët.» Ni ö Camielli ni put Agaak ŋørø na thäŋi Gëlgela nyïm Wuuö Jwøk.