Jøcua 4:18 - Wëël Jwøk

¹⁸ 'Ba kanya tïm dïlämme moa käär acanduk man wø nyooth luumma tuut Jwøki ki jiy na näk mar Wuuö Jwøk, ni ge ööa wøk ki dï Naam Jördan, kanya tïm tietge ni këëta kanya no otal ennø, pï Naam Jördan aput døø karge, ni put døø ri kwödö ki deŋŋe manøgø bäre kaawat mana bëëde dïkwøŋ.

Jøcua 4:18 Iomraidhean Croise

1 Luup Nyeye 12:15

'Ba kanya tïm pinynyi na cwiir ki dwääy mana dïkwøŋ, ni Naam Jördan opäŋ døc ni kwönna wøk bäät ageela, jøøgø gena ŋut løøga, ni riemge jø wø bëëdö yïth gøli moa en jï løø kur tuul-cäŋ ki jï løø kur pänh-cäŋ.

Aydheea 8:8

Køøre pïï kwönna dï Juuda bäre ni muulö ki dïëre bäre na jwïëö, këël mano päŋe noo këët cwaak, këël mano ö were moe noo gaaŋge na løle ni put ŋööm Juuda bäre thaar, ni beeye ŋöömö marï, ï na Imanuwel.»

Jøcua 3:13

'Ba dïlämme moo biel acanduk mar Wuuö Jwøk na näk kwääc piny bäre, kanyo tïm tietge ni këëta yïth pï Naam Jördan, pï Naam Jördan puta niŋul, ni ö pïïyi mo wø kwönni ki kwöra en maal ni cuŋge kaamar gïï mo ocooŋ kanya ciel.»

Jøcua 3:15

'Ba kar kaace beeye kany wø kac caammi, ni Naam Jördan opäŋ døc kiree. 'Ba kanya ö dïlämme moa biel acanduk na pïïcge bäät Naam Jördan, kanya gutge pïï ki tietge jaak,

Jøcua 4:11

'Ba kanya nø thum jiyi løøga bëët, acanduk mar Wuuö Jwøk ki dïlämme moa biel gø, gena put ŋut løøga thuwø ni nëënö jï jiy bëët.

Jøcua 4:17

Ni ö Jøcua ni kööm dïlämme, ni kööe, ni «Ööu wøk ki yi Naam Jördan nø.»

Jøcua 4:19

'Ba jø Icriel aö wøk ki bäät Naam Jördan kanya tïm nïr dwääyi mana dïkwøŋ na apaar; ni tïïcge twïër marge kanya cwøl ni Gëlgela na en deŋ Jerikö jï løø kur tuul-cäŋ.