Jøcua 3:5 - Wëël Jwøk

⁵ Køøre Jøcua aköö jï jiy bëët, ni «Døøyu dëëtu mo waany, kiper diøø Wuuö Jwøk tïïö ki gïn mo rëëma ec dïïu kany.»

Jøcua 3:5 Iomraidhean Croise

Jööp 1:5

'Ba kanyo pööth nïr ajwöma, Jööp wø jääga baŋge nee dëëtge døøcge mo waany, ni ö Jööpi ni päny maal ka amöölla ni cïpe ko olämme mo wø waaŋ bäre ki nyeŋ nyïïe bëët, kiper ena cädö ni kööe, «Kanymør obwöre 'moa geno tïïö ki raay ni janyge Jwøk ki yïth cwïnyge.» 'Ba manøgø beeye bëëtö mar Jööp cooth.

Jool 2:16

ni cooŋŋu jiy, ni cïbu jø acooŋa kur keerge, nou cooŋa jø døøŋŋø kanya ciel, ko obwöre, ki moa mar na näk poot dhøøth kööthi. Beerra man ö cø dhaagø thiinh ni wec øde, ni ö dhaage thiinhnhi ni wec kar bëëtö mare.

Ciik Kiper Dïlämme 10:3

Ni put Modhe köö jï Aran, ni «Manøgø beeye gïna caan Wuuö Jwøki na kööe, «ni ‹Jiy mo wø nyänh buuta naa tïnyge, a wär raŋge naa ena kur keera, naa bëëdö naa di wøørø nyïm jiy bëët.› » 'Ba Aran alïŋö jaak.

Ciik Kiper Dïlämme 20:7

« ‹Cïbu dëëtu kur keeru ni bëëdu nou ena kur keeru, kiper beeye aani na Wuuö Jwøk, Jwøk maru.

Kwään Jiy 11:8

'Ba jiy wø cøø ni kwaanyge gø; køøre guurge guurö ki kïdi, wala wälge wälö ki pany; ni thaalge gø ki dak, ni tïïcge gø na dääpe. 'Ba mete caala met dääpe mo odeelø ki maaw.

Jøøn 17:19

Ni raa yaa cïbö kur keera kiperge, nee rege cïpge kur keerge thuwø ni ge ŋäya adïëri.

Jøcua 3:13

'Ba dïlämme moo biel acanduk mar Wuuö Jwøk na näk kwääc piny bäre, kanyo tïm tietge ni këëta yïth pï Naam Jördan, pï Naam Jördan puta niŋul, ni ö pïïyi mo wø kwönni ki kwöra en maal ni cuŋge kaamar gïï mo ocooŋ kanya ciel.»

Jøcua 3:15

'Ba kar kaace beeye kany wø kac caammi, ni Naam Jördan opäŋ døc kiree. 'Ba kanya ö dïlämme moa biel acanduk na pïïcge bäät Naam Jördan, kanya gutge pïï ki tietge jaak,

Jøcua 3:4

nee jöö mano cørru yie nee ŋäyu; kiper jöö manøgø u poot kär cør yie dïkwøŋ. 'Ba kanyo cäädhu, wär yïthakiyu ka acanduk wëënnu ki rumme mo caala yïth gööye ma kume ariiø, ni ba nyiigu buute.»

Jøcua 3:6

Ni ö Jøcua ni cääne ki dïlämme, ni kööe, ni «Lwørru acanduk man wø nyooth luumma tuut Jwøki ki jiy ni pööthu maal nyïm jiy.» Ni ö dïlämme ni lwørge acanduk man wø nyooth luumma tuut Jwøki ki jiy ni pööthge maal nyïm jiy.

Jøcua 7:13

«'Ba ennø, ö maal, ni tïïyï jiy nee dëëtge døøcge mo waany ni kööï, ni ‹Døøyu dëëtu mo waany kiper gïno tägi diøø, kiper Wuuö Jwøk na näk Jwø Icriel aköö, ni «Wui, jø Icriel, gïïa no onø wëëk uuni nee raanynyu na bäre dagø dïïu. 'Ba këël kanyo paanynyu gïïa no onø wëëk uuni nee raanynyu na bäre, uuni ba løny jïïu ki man cuŋŋu nyïm nyïïmännu.» ›

1 Camiel 16:5

'Ba ena köö, «Yaa, mara öö jaak; aani, a ööi kaper naa cïpa ko olämi jï Wuuö Jwøk. Ennø, cïbu dëëtu kur keeru ni waany, ni ööu ni bëëdu nou nut buuta kanyo cïba olämi.» Kanyøgønø Camiel, Jeci ki wääte acïp kur keerge ni waany, ni cwøl ge nee nutge kanyo cïp olämi.