Jøcua 3:3 - Wëël Jwøk

³ ni köömge jiy, ni köge, ni «Kanyo jootu acanduk man wø nyooth luumma tuut Jwøki ki jiy na näk mar Wuuö Jwøk na näk Jwøu, ni biel dïlämme biellø na näk jø tuuŋ Libay, kar kaace nø, wäru putu ö maal ki kwöra bëëdu yïthge ni läpu køør acanduk,

Jøcua 3:3 Iomraidhean Croise

2 Camiel 6:13

'Ba gïna tägö beeye en, kanya ö jøøa käär acanduk mar Wuuö Jwøk na nø cääthge ki kääte abïciel, Deebit aput cïpö ki dhieŋ ma rwaath ki nyirøøa mo olør no olämi.

2 Camiel 6:3

'Ba gena öö ni lwørge acanduk mar Jwøk po Abinadap na en bäät thuur, ni cïpge acanduk bäät jääy mo nyään man wø tut dhäki, nee käärge ki bääte; ni ö Udha ka Akïïö, ni beege wäät Abinadap, ni bwøthge maal nyïm jääy.

1 Nyeye 8:3

Kanyøgønø jø døøk Icriel bëët gena öö, ni ö dïlämme ni lwørge acanduk;

Jeremaya 33:18

Ni tuuŋ dïlämme ma jø dhi øt Libay ba doo can ki dhaanhø mo öa nyïma na ŋat wø cïp olämme mo wø waaŋ bäre, ki muuce mo beel, na ŋat mo jiiŋŋa olämme møga cooth.› »

Kwään Jiy 10:33

Køøre jø Icriel atïŋŋö ki bäät Kïn Wuuö Jwøk, ni cääthge ki nïne adäk. 'Ba ki yïth nïrögø na adäk yøø, acanduk man wø nyooth luumma tuut Wuuö Jwøki ki jiy wø cäädhö nyïmge, kiper nee kany wø pïge piny yie joot ki køøre.

Kwään Jiy 4:15

«'Ba kanyo ö Aranni ki wääte noo lønyge ki twöc japa en kur keerge mo kar lam na en kur keere, noo tïme na kany wäro tïŋ wääth, wäät Kät doo öö kiper tëër. 'Ba japa en kur keerge ba dege gudö, nee ge ba thøwge. Gïïögø beege gïï käär nyïïkwaac Käti røk japa en yo oduŋkaany røømmø.

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Mathiew 8:19

Kanyøgø nyen ma dïpööy mar ciik Jwøk aö baŋe, ni kööe jïgø, ni «Dïpööy, a cäädhö køørï, këël ï doo cøøa kaa.»

Tiet Ciik 31:25

eni na Modhe enø jø tuuŋ Libay mo wø käär acanduk man wø nyooth luumma tuut Wuuö Jwøki ki jiy aköömme ni kööe,

Tiet Ciik 31:9

Køøre Modhe ciik moøgø agöör piny ni mëëk gø dïlämme, ni beege nyïïkwaac Libay, jøøa käär acanduk man wø nyooth luumma tuut Wuuö Jwøki ki jiy. Ni cïbe kaperge bëët ki jø døøk Icriel.

Jøcua 3:4

nee jöö mano cørru yie nee ŋäyu; kiper jöö manøgø u poot kär cør yie dïkwøŋ. 'Ba kanyo cäädhu, wär yïthakiyu ka acanduk wëënnu ki rumme mo caala yïth gööye ma kume ariiø, ni ba nyiigu buute.»

Jøcua 3:6

Ni ö Jøcua ni cääne ki dïlämme, ni kööe, ni «Lwørru acanduk man wø nyooth luumma tuut Jwøki ki jiy ni pööthu maal nyïm jiy.» Ni ö dïlämme ni lwørge acanduk man wø nyooth luumma tuut Jwøki ki jiy ni pööthge maal nyïm jiy.

Jøcua 3:8

Ennø, kööm dïlämme moøgø ni biel acanduk man wø nyooth luumma tuut Jwøki ki jiy yøø, ni kööï, ni ‹Kanyo pïïyu deŋ Naam Jördan, wäru putu cuŋŋö yïth pïï kaace.› »

Jøcua 4:10

'Ba dïlämme moa biel acanduk, gena put bëëtö ni ge cuŋŋö dï Naam Jördan këël mana thum jammi bëët ki tïïc, ni beege jammi bëët moa ö Wuuö Jwøki na kööm Jøcua ki ge nee caane jï jiy. 'Ba jammi bëët atïïcge na karge kaawat mana ö Modhe na kööm Jøcua. Køøre nø, jiy bëët aput ŋut løøga ni ge rwäänhnhö.

Jøcua 6:6

Køøre Jøcua o Nun dïlämme acwøle ni kööe jïge, ni «Lwørru acanduk man wø nyooth luumma tuut Jwøki ki jiy, ni ö dïlämme abïriiø ni käätge ki tuŋi abïriiø mo wø kooth, ni käärge geni nyïm acanduk manøgø na mar Wuuö Jwøk enø.»

Mana Nyooth 14:4

Beeye jøøa näk dëëtge kärge raanynyø ki mään. Kiper dëët mään kucge. Ni beeye geni wø caath køør Nyidiel kany wø ci yie jaak. Geni, ge wïïl wøk ka røk teeŋ jiy bëët, na këël wï Jwøk jï Jwøk ki Nyidiel.

1 Camiel 6:15

'Ba gïna tïïc jø tuuŋ Libay kiree, acanduk mar Wuuö Jwøk ka acanduk mana en buute, na näk gïïa no otïïö ki warkey ena yie, akälge wøk ni cïpge ge piny bäät kïdi manøgø. 'Ba dïcäŋögø, jø Bëëth-Camic aput cïpö jï Wuuö Jwøk ko olämme mo wø waaŋ bäre ko olämme møga.