Jøcua 3:16 - Wëël Jwøk

¹⁶ pïï mo wø kwönni ki kwöra en maal aput cuŋŋö ni makge rege kaamar gïï mo ocooŋ kanya ciel, ni pïïögø cuŋŋa kany mo bäär paana cwøl na Adam, na en buut Carthan; ni ö pïïyi mo wø lööny yi Naam Acäbö na en yi gool mana cwøl na Araaba, ni putge niŋul na bäre. Ni ö jø Icrielli ni putge ŋut løøga ni ge dïët ki Jerikö.

Jøcua 3:16 Iomraidhean Croise

Wïlöölö 14:3

Nyeye moøgø na abïïc yøø dëëtge adwalge na aciel kiper leny yi Gool mar Cidim na tïmö na Naam Acäbö.

1 Nyeye 4:12

ni Baana wär Akilut beeye na bëën päänye moa cwøl ni Tanak ki Megidø ki Bëëth-Can, ki mïëri bëët moa en buute na en buut pääny Carthan jï løø tier-piny ki pääny Jedhriel, ni tägi ka Bëëth-Can këël mana këët Abël-Mööla ni pïïe løø mïëri moa en buut Jökimiam;

1 Nyeye 7:46

'Ba Cølöman japøgø bëët atïïe nee tïïc ni thiia yïth odhöönhe mo yïthge okølø yi Goor Jördan yïthakic Cuköt ki Carthan.

Bwøth Wøk 14:21

Køøre Modhe cere arwiee bäät Naama Kwaar; ni ö Wuuö Jwøki ni dwøk naam ŋääe ki køør jamø mana teek na tïïe nee kwöde ki yi wäär bäre, ni kwönni ki jï løø kur tuul-cäŋ, ni ö pïïyi ni pääŋge rege, ni ö naammi ni tale.

Bwøth Wøk 14:22

Ni ö jø Icrielli ni cørge dï naam ni ge cäädhi ki kanya no otal, ni pïï cuŋŋi kaamar dëër øtø bäät cämge ki bäät cwïcge.

Bwøth Wøk 14:29

'Ba jø Icriel acäädhö ki kany mo otal dï Naama Kwaar, ni pïï cuŋŋi kaamar dëër øtø bäät cwïcge ki bäät cämge.

Bwøth Wøk 15:8

Ki køør mana jwïëyï jaak ki umï, pïï rege aputge cooŋ kanya aciel, ni ö pïïyi moa näk kwödö ni cuŋge kaamar gïï mo ocooŋ kanya aciel; na athaga ree ee maaø dï Naama Kwaar.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Edhikiel 47:8

Køøre ena köö jïra, ni «Naam man kwöta jï løø kur tuul-cäŋ ni kwöta yi goor Naam Jördan ni wø cwøl na Araaba, këël mano päth yi Naam Acäbö. 'Ba kanyo päth yi Naam Acäbö kunece, pï Naam Acäbö døøa karge ni met.

Neeyam 1:4

Eni naama dwøŋ di jooø ni taal gø, ni taal näm bëët. Ni ö luumme mo pwöle mo Baacan ki jer Kïn Karmël ni talge, ni ö jer Lur Libaanø moa no oŋøøk ni talge.

Abakuk 3:8

?Wui Wuuö Jwøk, aŋø, ï wëër ka näm? ?Aŋø, cwïnyï liel ka nyeŋ näm? ?Aŋø, cwïnyï daaŋ ka näpa døøŋŋø, ni tïme niï cäädhï ka jïëth leny mo wø böödö mo wø tut okwëënyi en?

Kwään Jiy 34:3

«Aŋuun ŋøøm mou moa en jï løø tier-piny otägi ki dï paap Dhïn na näk kïïö ka ŋööm Ëdöm. 'Ba dëër waŋkeew maru kiree tägi ka aŋuun Naam Acäbö løøa en bäät caam jï løø kur tuul-cäŋ,

Tiet Ciik 1:1

'Ba moi beege luup moa caan Modhe jï jø Icriel bëët kanya enge dï paap løø Naam Jördan, yi gool mana cwøl ni Araaba na näk dïët ki Cup, ni ge ena yïthakic kanya cwøl ni Paran ki mïëri moa cøøri ni Töpel, ki Laban, ki Adhëëröth, ki Didhaap.

Tiet Ciik 3:17

Ni keew mana en jï løø kur pänh-cäŋ beeye Naam Jördan na en dï gool mana cwøl na Araaba, ni tägi ka Puur Kinërët, këël mana këët Naam Araaba, ni beeye Naam Acäbö, na en tier Kïn Pedhega.

Jøcua 12:3

'Ba ŋöömö manøgø rwöpa goor Jördan ni wø cwøl na Araaba na en jï løø tuul-cäŋ, ni tägi ka Puur Kinërët këël mana pïïe Bëëth-Jecimöt na en deŋ Naam Araaba, ni beeye Naam Acäbö, na en jï løø kur tuul-cäŋ, ni put aay ni coonya tier Kïn Pedhega.

Jøcua 15:2

'Ba waŋ keew marge ki jï løø tier-piny tägi ka aŋuun weel Naam Acäbö na en jï løø tier-piny thuwø.

Jøcua 16:7

Ni cäŋ aay ki Janöa jï piny mëëth ni coonya Atharöt ki Neära, ni pïïe Jerikö, ni put ŋuudö Naam Jördan.

Jøcua 3:13

'Ba dïlämme moo biel acanduk mar Wuuö Jwøk na näk kwääc piny bäre, kanyo tïm tietge ni këëta yïth pï Naam Jördan, pï Naam Jördan puta niŋul, ni ö pïïyi mo wø kwönni ki kwöra en maal ni cuŋge kaamar gïï mo ocooŋ kanya ciel.»

Jøcua 4:22

køøre nø, dou lamø jï obwöre mou, ni kööu, ni ‹Jø Icriel Naam Jördan man en aŋølge ni ge cäädhi ka kany mo otal.›

Jøcua 5:1

'Ba kanya ö nyeye bëët mo jø Amör moa en løø Naam Jördan løøga jï løø kur pänh-cäŋ, ki nyeye mo Keenan bëët moa en bäät naama dwøŋ, na wïnyge gø ni Wuuö Jwøk pï Naam Jördan ataale nyïm jø Icriel këël mana ŋutge løøga, geni cwïnyge abwøk, ni päth bäätge ki lwär kiper jø Icriel.

Pïëmme 7:22

'Ba kanya ö jø lenynyi mo jø Icriel moa näk dïpe adäk na koothge tuŋi, Wuuö Jwøk jø leny mo jø Midien atïïe nee rege 'näkge keerge ko opëëlle moge, ni put gïnögø tägö dï twïër bäre; ni ö jø Midienni ni putge reeŋø këël mana pïïcge Bëëth-Cita na näk dïët ki Dherera, këël mana pïïcge deŋ Abël-Mööla na en buut Thabet.