Jøcua 3:14 - Wëël Jwøk

¹⁴ Kanyøgønø, jø Icriel atïŋŋö, ni puthge oduŋkaare moge wøk nee Naam Jördan ŋølge, ni dïlämme acanduk man wø nyooth luumma tuut Jwøki ki jiy bielge biellø nyïm jiy.

Jøcua 3:14 Iomraidhean Croise

Jeremaya 3:16

'Ba Wuuö Jwøk aköö, ni «Ki yïth nïröke, ni beeye kanyo nyaayu nou thöönhnhu dï paac, jiy bëëdö ni bäŋ gïn caange këët kiper acanduk man wø nyooth luumma tuut Wuuö Jwøki ki jiy; ni bäŋ gïn caarge kipere, ni ba lääŋge, ni kare ba läämi jïge, ni bäŋ teeŋ gø mo tïïcge këët.

Tiet Ciik 31:26

ni «Lwørru wëël ciik man ni cïbu gø buut acanduk man wø nyooth luumma tuut Wuuö Jwøki ki jiy, kiper nee bëëde kaace na gïn mo nyootha bääyö maru.

Ibaru 9:4

ni beeye mana näk yie da gïn wø waaŋ gïï wø jïcge ŋwääi ni met bääte na näk tïïc ki warkey, ka acanduk mar luumma tuut Jwøki ki jiy, mo dëëre orømø ki warkey bäre, na näk yie da daa warkey mana bëët møga näk meena yie, ka athøny Aran na løth, ko opäp kïte moa göör luumma tuut bäätge.

Jøcua 24:11

« ‹'Ba uuni Naam Jördan aŋøllu ni pïïyu Jerikö; ni ö jøøa bëëdö Jerikö ni këëtge ki uuni. Këël jø Amör, ki jø Përec, ki jø Keenan, ki jø Këth, ki jø Gërgëca, ki jø Ëwi, ki jø Jeebuc gena këëdö ki uuni thuwø. 'Ba ge bëët gena cïba ceŋŋu.

Jøcua 3:3

ni köömge jiy, ni köge, ni «Kanyo jootu acanduk man wø nyooth luumma tuut Jwøki ki jiy na näk mar Wuuö Jwøk na näk Jwøu, ni biel dïlämme biellø na näk jø tuuŋ Libay, kar kaace nø, wäru putu ö maal ki kwöra bëëdu yïthge ni läpu køør acanduk,

Jøcua 3:6

Ni ö Jøcua ni cääne ki dïlämme, ni kööe, ni «Lwørru acanduk man wø nyooth luumma tuut Jwøki ki jiy ni pööthu maal nyïm jiy.» Ni ö dïlämme ni lwørge acanduk man wø nyooth luumma tuut Jwøki ki jiy ni pööthge maal nyïm jiy.

Jøcua 6:6

Køøre Jøcua o Nun dïlämme acwøle ni kööe jïge, ni «Lwørru acanduk man wø nyooth luumma tuut Jwøki ki jiy, ni ö dïlämme abïriiø ni käätge ki tuŋi abïriiø mo wø kooth, ni käärge geni nyïm acanduk manøgø na mar Wuuö Jwøk enø.»