Jøcua 3:13 - Wëël Jwøk

¹³ 'Ba dïlämme moo biel acanduk mar Wuuö Jwøk na näk kwääc piny bäre, kanyo tïm tietge ni këëta yïth pï Naam Jördan, pï Naam Jördan puta niŋul, ni ö pïïyi mo wø kwönni ki kwöra en maal ni cuŋge kaamar gïï mo ocooŋ kanya ciel.»

Jøcua 3:13 Iomraidhean Croise

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

Bwøth Wøk 15:8

Ki køør mana jwïëyï jaak ki umï, pïï rege aputge cooŋ kanya aciel, ni ö pïïyi moa näk kwödö ni cuŋge kaamar gïï mo ocooŋ kanya aciel; na athaga ree ee maaø dï Naama Kwaar.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Abakuk 3:15

Naama dwøŋ anyørï ko okwëënyi moï, ni ö pïïa teeki ni nigekum na bööyö.

Dhekaraya 4:14

Kanyøgø nø aløøe ni kööe, ni «Gïïögø na ariiø yøø beege jøøa näk wïthge othïïmmö ki maaw ki man tïnyge Wuuö Jwøk, eni na kwääc bäät piny bäre.»

Jøcua 3:11

Neennu, acanduk man wø nyooth luumma tuut Jwøki ki jiy na näk mar Wuuö Jwøk na näk kwääc piny bäre, opööth maal nyïmmu kanyo ŋøllu Naam Jördan.

Jøcua 4:7

køøre nø, u doo köö jïge, ni ‹Tiere beeye ni pï Naam Jördan aniŋul nyïm acanduk man wø nyooth luumma tuut Jwøki ki jiy na näk mar Wuuö Jwøk. Kanya ö acanduki manøgø na ŋøli løøga, pï Naam Jördan aput niŋul.› 'Ba kïte moøgø puta bëëtö na gïr par wïc jï jø Icriel na bäre bäre.»