Jøcua 3:10 - Wëël Jwøk

¹⁰ Ni cäŋ Jøcua köö, ni «Ki ri mano tal naammi en nø, oŋäyu ni Jwøa kwøw ena dïïu, ni ŋäyu gø thuwø ni eni jø Keenan, ki jø Këth, ki jø Ëwi, ki jø Përec, ki jø Gërgëca, ki jø Amör, ki jø Jeebuc rieme wøk nyïmmu.

Jøcua 3:10 Iomraidhean Croise

Wïlöölö 15:21

ki jø Amör, ki jø Keenan, ki jø Gërgëca, ki jø Jeebuc.»

1 Nyeye 22:28

'Ba Mikaya aköö, «Ni näk miï duuö møn ni bäŋ gïn mo otägö dëërï, Wuuö Jwøk bäŋ gïn ee caanø ki dhaa.» Ni cäŋ köö, ni «Dïbwör bäre, wïnynyu gïra ni caana enø.»

2 Nyeye 19:4

Kanymør ni Wuuö Jwøk, Jwøk marï, luup bëët moa caan Rapcakë, ŋata jääŋ nyeny Aciria nee eni na Jwøa kwøw pääde, wïnynye wïnynyö, ni ö eni na Wuuö Jwøk ni jook ŋata wïny luup moøgø dhi gø. 'Ba kiper manøgønø, beerra man lämï jï Wuuö Jwøk kiper jiy moa no odööŋ ni kwøw.› »

1 Luup Nyeye 1:14

'Ba jø Jeebuc ki jø Amör, ki jø Gërgëca,

Bwøth Wøk 17:7

Ni ö Modhe ni cwøl nyeŋ kaace ni Meriba, kiper beeye kanya ö jø Icrielli na tïïge ko okiera yie, ni cwøl gø thuwø ni Maca, kiper beeye kanya ö jø Icrielli na päänyge Wuuö Jwøk yie, ni köge, na «?Aŋø, Wuuö Jwøk ena buutø, wala jïre bäär?»

Bwøth Wøk 3:8

Ennø, aana ö piny kuna käla ge wøk ceŋ jø Ijep, kiper nee ge käla wøk yi ŋöömmöce, ni kïtha geni yi ŋöömma beer na näk yie laac, ni beeye ŋöömma näk caak ki maar kïc päl yie, na näk po jø Keenan ki jø Këth ki jø Amör ki jø Përec ki jø Ëwi ki jø Jeebuc.

Bwøth Wøk 33:2

'Ba nyïïatwiel maal ojääŋŋa nyïmï, ni riemma jø Keenan, ki jø Amör, ki jø Këth, ki jø Përec, ki jø Ëwi, ki jø Jeebuc.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Kwään Jiy 13:29

'Ba jø Amalëk ge bëëdö Nëgëp, ni ö jø Këth ki jø Jeebuc ki jø Amör ni bëëtge mïëya en bäät kïte, ni ö jø Keenan ni bëëtge deŋ naama dwøŋ ki deŋ Naam Jördan.»

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Jøøn 6:69

Ni ewa ŋäädhö ni jootwa gøøni, ni beeye ïïni na en kur keerï na näk mar Jwøk.»

Tiet Ciik 31:17

'Ba wëër mara puta liel dëëtge kaamar maac dïcäŋöca. Aani, ge wiia wiiø ni kana täärnyïma ki geni; ni pïïc gïï mo lethi ki gïï mo reyø bäätge, ni putge thumö ki thøø. 'Ba kar kaaca geno köö, na ‹Aŋø, paa per Wuuö Jwøk na tøøre dïïø ni pïïc gïï ni leth bäätø en?›

Tiet Ciik 5:26

?Aŋø, a ŋata ŋa dëët jø bäät piny bëët na wïny dwør Jwøa kwøw ni cäänö ki dï maac, kaamar waani na wïny gø, ni poot bëëdö ni kwøw?

Tiet Ciik 7:1

«'Ba Wuuö Jwøk na näk Jwøu u kïthe yi ŋöömmo cou yie nou lwørru na maru, ni riem wïth juurre mo thööth wøk nyïmmu, ni beege jø Këth ki jø Gërgëca ki jø Amör ki jø Keenan ki jø Përec ki jø Ëwi ki jø Jeebuc, ni beege wïth juurre abïriiø mo thöötha geni ki uuni mo kaala uuni ki teek.

Tiet Ciik 7:21

Kär dëëtu kwanynyi ni maru lwäär ki geni, kiper Wuuö Jwøk na näk Jwøu nutö buutu, ni beeye Jwøk mo dwøŋ mo di lwäärö.

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

Ibaru 10:31

Beeye gïn mo di lwäärö døc ki man päth dhaanhe cer Jwøa kwøw.

Jøcua 11:3

ni jääk baŋ jø Keenan thuwø na en jï løø kur tuul-cäŋ ki moa en jï løø kur pänh-cäŋ, ki jø Amör ki jø Këth ki jø Përec ki jø Jeebuc na näk bëëdö mïëya en bäät kïte, ki jø Ëwi na näk bëëdö tier kïnna cwøl ni Armön yi kanya cwøl ni Micpa.

Jøcua 12:8

ni ŋøøm moøgø beege ŋøøm mo mïëya en bäät kïte, ki mïëya en ŋöömma näk ree ee päärö, ki mïëri moa en yi goor Jördan ni wø cwøl na Araaba, ki mïëri moa en deŋ kïte, ki mïëri moa en jï kuna en dï paap, ki mïëri moa en kanya cwøl ni Nëgëp; ni jiy moa en yïth mïëyögø beege jø Këth, ki jø Amör, ki jø Keenan, ki jø Përec, ki jø Ëwi, ki jø Jeebuc.

Jøcua 21:45

Kanyøgønø, luup bëët moa beyø na caan Wuuö Jwøki kiper jø Icriel aput thur karge, ni bäŋ aciel mo odööŋ ni kär thur kare.

Jøcua 22:31

Ni ö Piniac wär Eliedhar na näk Kwääy Lam Mana Dwøŋ ni kööe jï jø tuuŋ Ruben, ki jø tuuŋ Gaat, ki thääŋ tuuŋ Maneeca, ni «Dïcäŋi ennø aŋäcwa møn ni Wuuö Jwøk nutö yïthakiyø, kiper gïnögø käru tïïö ni maru bääyö dëër Wuuö Jwøk møn; 'ba ennø jwïëy mo jø Icriel agwøgu cer Wuuö Jwøk.»

Jøcua 24:11

« ‹'Ba uuni Naam Jördan aŋøllu ni pïïyu Jerikö; ni ö jøøa bëëdö Jerikö ni këëtge ki uuni. Këël jø Amör, ki jø Përec, ki jø Keenan, ki jø Këth, ki jø Gërgëca, ki jø Ëwi, ki jø Jeebuc gena këëdö ki uuni thuwø. 'Ba ge bëët gena cïba ceŋŋu.

Jøcua 3:9

Køøre Jøcua aköö jï jø Icriel, ni «Ööu kany, ni wïnynyu dwør Wuuö Jwøk na näk Jwøu.»

Jøcua 9:1

'Ba na tïme na kaagø, gïïa tïïc jø Icrielli awïny nyeye bëët moa bëëdö løø Naam Jördan jï løø kur pänh-cäŋ, na näk bëëdö mïëya en bäät kïte, ki mïëya en yi ŋöömma näk ree ee päärö, ki mïëya en bäät naama dwøŋ bëët, këël mana këët ri Kïn Libaanø, ni beege jø Këth, ki jø Amör, ki jø Keenan, ki jø Përec, ki jø Ëwi, ki jø Jeebuc.

1 Camiel 17:26

Køøre Deebit acäänö ki jøøa cuŋŋö buute kaagø, ni kööe, na «?Agïnaŋø noo tïïc jï ŋato käl ajøøŋ wøk bäät jø Icriel ki køør mano 'näk nyï Pilitin manøgø? ?Aŋø, nyï Pilitin manøgø ni kär daŋø enø aŋa, ni ŋwöö bäät jø leny mo Jwøa kwøw en?»

1 Camiel 26:6

Køøre Deebit acäänö ka Ayemëlëk nyï Këth ka Abicay o Dheruya, cöök Jöap, ni pëëny ge ni kööe, na «?Aŋa noo aay ki aani na aciel nee wa ciwa baŋ Cøøl yi twïër?» 'Ba Abicay aköö, ni «Aani, a aay ki ïïni.»