Jøcua 3:1 - Wëël Jwøk

¹ Køøre Jøcua apäny maal ka amöölla cøøn; ni ö eni ki jø Icriel bëët ni tïŋge ki Cëthim ni pïïcge bäät Naam Jördan, ni butge kaace kanya poode ni ge kär ŋut løøga.

Jøcua 3:1 Iomraidhean Croise

Wïlöölö 21:14

Køøre kanya tïme na amöölla cøøn, Eeberam amøøl wøk, ni lwöte ki cam ka agwäy mar pïï ni wëëk geni Eegar, ni jiee gø göön gø, ni cïp nyilaal jïgø, ni wëëk gø wääth. Ni ö Eegarri ni aae, ni wïïre dï paap Bëërcïïba.

Wïlöölö 22:3

'Ba na tïme na amöölla cøøn, Eeberam aö maal ni jiiŋ jammi bäät arëën mare, ni lwöte ki jiy ariiø røk jø tïïc moe, ni lwør wääde ma Aydhak; ni kääe ki jenni mo waaŋ olämi ki gø, ni ö maal ni ci kanya caan Jwøki jïre.

Jeremaya 25:3

ni «Ki yïth cwiiri moi na pïërariiø kurdäk ii, ki mana täge ki ra aŋuun cwiiri apaar kurdäk moa beet Jöcaya wär Amön ni ena nyeny Juuda, këël dïcäŋi en, dwør Wuuö Jwøk abëëdö ni öa bääta, ni cara gø jïïu cooth, 'ba dwøre käru wïnynyö.

Jeremaya 26:5

ni ba wïnynyu luup mo jiya ma nyïïkuk Jwøk mo wø jääŋŋa baŋu cooth, kaawat man wø bëëdu ni luupge ba wïnynyu cooth,

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Mikiya 6:5

U na jiya, ennø, beerra man parru wïthu ki luum gïna caar Balaki nyeny Möap nee tïïe dëëtu ki ri Beelam, ki gïna dwøk Beelammi o Beeyör ni eni kwiera mar Balak. Parru wïthu ki gïïa tägö kanya tïŋŋu Cëthim nou cøøa Gëlgela, kiper nee tïïe mo Wuuö Jwøk na beyø na tïïe nee ŋäyu.»

Kwään Jiy 25:1

'Ba kanya bëët jø Icrielli Cëthim, jiy atägö ki wääth køør nyïï jø Möap, ni ge temma tïï käp ki geni.

Maak 1:35

'Ba ni piny poot na amöölla døc ni piny cøl, Jecu apäy ni aa paap kany mo bäŋ jiy yie, ni läme kaace.

Jøcua 2:1

'Ba kanya en jø Icrielli Cëthim, Jøcua o Nun ajääk Jerikö ki jiy ariiø na dïlëëwe ki piny ni kuc, ni kööe, ni «Cou, ni liewu ŋööm Keenan këël Jerikö.» Ni ö jøøgø ni aacge ni pïïcge paanøgø po nyaan ma kääbi mo nyeŋŋe cwøl ni Reeyap, ni putge but kaace.

Jøcua 6:12

'Ba na tïme na riet nïne ka amöölla cøøn, Jøcua apäny maal, ni ö dïlämme ni lwørge acanduk mar Wuuö Jwøk.

Jøcua 6:15

'Ba na tïme na bïriet nïne, gena päny maal ki bäc øw ni cige ni wïrge kiir mar pääny Jerikö kwöre abïriiø ki køør ciik mana näk ocaanø; ki dïcäŋögø keere deŋ kiir awïrge ki kwöre abïriiø.

Jøcua 7:16

'Ba na tïme na amöölla cøøn, Jøcua apäny maal ni käl jø Icriel kany mo cään ki Wuuö Jwøk ki køør wïth tuŋi moge, ni ö jø tuuŋ Juuda ni nyoodhi.

Jøcua 8:10

'Ba na tïme na amöölla cøøn Jøcua apäny maal ni cooŋ jø leny kanya ciel, ni ö eni ki jø døøk Icriel ni pööthge maal nyïm jø leny moøgø ni cige Gaay.

Pïëmme 20:19

Køøre jø Icriel apäny maal ka amöölla, ni cige ni tïïcge twïër marge buut Giba, nee këëtge ki jø paanøgø.

1 Camiel 17:20

'Ba na tïme na amöölla cøøn, Deebit apäny maal, ni wëëe ki dhaanhø mo kwaac dïëk, ni lwør caammi moøgø ni tïŋŋe kaawat mana caani ya wänni ma Jeci jïgø. 'Ba kanya pïïe twïër ennø, jø leny anwäne ni ge aa wøk ni rege ege cïïmmö na dhøgi ni ge twäädö.