Jøcua 24:32 - Wëël Jwøk

³² 'Ba cuu mo Jocep na kuu jø Icrielli kanya öge wøk ki Ijep aputge koony Cekam, yi thäk ŋøøpa ŋeew Jeekapi ki gwel ma dïpa baŋ wäät Eemör, ni beeye Eemör wää Cekam; ni put ŋøømmi moøgø dööŋŋe jï nyïïkwaac Jocep na kurge.

Jøcua 24:32 Iomraidhean Croise

Wïlöölö 33:19

Ni ö Jeekapi ni ŋeew thäk ŋøøm moa näk oduŋkaare moe ee gur piny yie baŋ wäät Eemör na näk wää Cekam, ni ŋeee ka gwel ma dïpa.

Wïlöölö 48:22

'Ba ŋöömö mana lwøra ri leny baŋ jø Amör acïba jïrï ni kaala mana cïba jï uutwäru.»

Wïlöölö 50:24

Ni kö Jocepi jï coki ki uutwänni, ni «Aani kar thøwa aløny ni cään, 'ba Jwøk ööa baŋu kuna køny uuni, ni käl uuni wøk yi ŋöömmi, ni kïth uuni yi ŋöömma kööŋe kipere jï Eeberam, ki Aydhak, ki Jeekap.»

Wïlöölö 50:25

Køøre Jocep acäänö ki wäät Icriel ni kööe, ni «Jwøk ööa baŋu kuna køny uuni. Kar kaaca cuu 'moa wär kwanynyu kany ni källu geni.» Ni ö Jocepi ni wëëk geni kööŋ ki man tïïcge gïnögø.

Bwøth Wøk 13:19

Ni ö Modhe ni lwør cuu Jocep, ni käär geni, kiper Jöcep jø Icriel awëëk kööŋ dïkwøŋ, ni kööe, ni «Ka adïëri møn, Jwøk ööa baŋu kuna køny uuni; 'ba kar kaaca nø, cuu 'moa wär kwanynyu kany ni källu geni.»

Jøøn 4:5

Kiper manøgø nø, ena ci yi paac mør mo ena yi Cameria mo cwøl ni Caykar, na cään ki pwötha cïp Jeekapi jï wääde ma Jocep.

Moa Tïïc Nyïïatwieli 7:15

Køøre Jeekap aci Ijep, ni thøø kunöce, eni ki kwäyø bëët.

Moa Tïïc Nyïïatwieli 7:16

Ni ö rïŋ dëëtge ni dwøgi Cekam, ni pïëlge geni yi kään kïdi mana näk oŋeew Eeberammi ki gwel baŋ wäät Eemör yi Cekam.

Ibaru 11:22

Ni beeye ŋäädhe, na ö Jocepi na caan wääth mar jø Icriel, kanya tïm kare ni cään ki thøø, ni cem ge kiper cuuwe.